প্রধানমন্ত্রীগী লোইশঙ

প্রধান মন্ত্রীনা গ্যাসিয়স ওক্সিজেনবু মেদিকেলগী হীরমশিংদা শিজিন্ননবা য়েংশিনখ্রে

গ্যাসিয়স ওক্সিজেন মেদিকেলগী হীরমশিংদা শিজিন্নরগনি

গ্যাসিয়স ওক্সিজেন লৈবা প্লান্তশিংগী থংননা মতম খরগী ওইবা হোস্পিতালশিং লিংখৎলি

থৌরাং অসিগী খুত্থাংদা ওক্সিজেনেতেদ বেদ ১০,০০০রোম লৈহল্লগনি

অসিগুম্বা ফেসিলিতী কয়া লিংখৎনবা রাজ্য সরকারশিংগী পুক্নিং থৌগৎখ্রে

পি.এস.এ. ওক্সিজেন জেনরেসন প্লান্ত ১৫০০ লিংখৎনবা থবক পাইখৎলি

Posted On: 02 MAY 2021 3:24PM by PIB Imphal

ওক্সিজেন সপ্লাই তৌবা অমদি ফংহনবা হেনগৎহন্নবা অনৌবা পাম্বৈশিং থিদোক্নবা মহাক্কী পাউতাক্কী মতুং ইন্না ঙসি পি.এম. মোদীনা ময়াই তাংবল লৌদুনা গ্যাসিয়স ওক্সিজেন শিজিন্নরিবা অসি য়েংশিন্নবা মীফম অমা পাঙথোকখ্রে।

স্তীল প্লান্তশিং, পেত্রোকেমিকেল য়ুনিৎশিং লৈবা রিফাইনরীশিং, কম্বসসন প্রোসেস ৱাংনা শিজিন্নবা ইন্দস্ত্রীশিং, পাৱর প্লান্তশিং অসিনচিংবা ইন্দস্ত্রী কয়াগী প্রোসেসতা শিজিন্ননবা গ্যাসিয়স ওক্সিজেন পুথোকপা ওক্সিজেন প্লান্তশিং লৈ। হায়রিবা ওক্সিজেন অসি মেদিকেলগী ওইনা শিজিন্ননবা তেপ তৌবা য়াগনি।

পাইখৎলিবা লালোং অদুদি মথৌ তাবা প্যুরিতীগী চাংদা গ্যাসিয়স ওক্সিজেন পুথোকপা ইন্দস্ত্রিএল য়ুনিৎশিং মশক খঙদোকপা, সহর/মী কুংনা তাবা মফমশিং/দিমান্দ লৈবা সেন্তরশিংগা খ্বাইদগী নক্না লৈবশিং শোর্তলিস্ত তৌবা অমসুং সোর্স অদুগী মনাক্তা ওক্সিজেনেতেদ বেদশিং য়াওবা মতম খরগী ওইবা কোবিদ কিয়র সেন্তরশিং লিংখৎপা অসিনি। অসিগুম্বা ফেসিলিতী ৫গী পাইলোৎ অমা হান্না পাইখৎখ্রে অমসুং মসি খোঙজেল য়াংনা চংশিল্লি। মসি প্লান্ত অদু চল্লাইরিবা পি.এস.য়ু.শিং নত্ত্রগা প্রাইবেৎ ইন্দস্ত্রীশিংগী খুত্থাংদা অমসুং কেন্দ্র অমসুং রাজ্য সরকারশিংনা খুৎশম্ননা থবক তৌমিন্নবনা পাঙথোকপা ঙম্লিবনি।

অসিগুম্বা প্লান্তশিং অসিগী অনকপদা মতম খরগী ওইবা হোস্পিতালশিং শাদুনা অতেনবা মতমগী মনুংদা ওক্সিজেনেতেদ বেদ ১০,০০০ রোম লৈহনবা ঙম্লবা য়াই হায়ননা পান্নরি।

লাইচৎ অসি লাকশিন্নবা রাজ্য সরকারশিংদা ওক্সিজেনেতেদ বেদশিং লৈবা অসিগুম্বা ফেসিলিতী কয়া লিংখৎনবা থৌগৎলি।

পি.এম.না পি.এস.এ. প্লান্তশিং লিংখৎলিবা অসিগী থবক্কী খোঙজেলসু য়েংশিনখ্রে। পি.এম. কিয়র্স, পি.এস.য়ু.শিং অমসুং অতৈশিংগী মতেংগী খুত্থাংদা পি.এস.এ. প্লান্ত ১৫০০রোম লিংখৎনবা থবক পাউখৎলি হায়না পি.এম.দা পাউদমখ্রে। মহাক্না ওফিসিএলশিংদা প্লান্তশিং অদু খোঙজেল য়াংনা লোইশিনবা ঙম্নবা হোৎনৌ হায়না পাউতাক পীখ্রে।

মীফম অদুদা পি.এম.গী প্রিন্সিপল সেক্রেতরী, কেবিনেৎ সেক্রেতরী, হোম সেক্রেতরী, রোদ ত্রান্সপোর্ত অমসুং হায়ৱেজকী সেক্রেতরী অমসুং অতৈ মকোক থোংবা ওফিসিএলশিংনা শরুক য়াখি।

****



(Release ID: 1715524) Visitor Counter : 13