ভারত সরকারনা মরু ওইরবা রেমদেসিভির হিদাক মশিং ৱাৎপগী ফিভম থোক্লিবা অসিগীদমক্তা অতোপ্পা লৈবাকশিংদগী লৈবা হৌখ্রে। ভাইল ৭৫০০০গী অহানবা কন্সাইনমেন্ত ঙসি থুংলরগনি।

ভারতনা মপু ওইবা কম্পেনী, ঐচ.এল.এল. লাইফকেয়র লিমিতেদনা এম./এস. গিলেদ সাইন্স ইঙ্ক য়ু.এস.এ. অমসুং ইজিপ্তকী ফার্মা কম্পেনী, এম./এস. ইভা ফার্মাদগী রেমদেসিভির ভাইল ৪,৫০,০০ লৈনবা ওর্দর পীখ্রে। গিলেদ সাইন্স ইঙ্ক য়ু.এস.এ.না মথংগী নোংমা নত্ত্রগা নিনিদা ভাইল ৭৫,০০০দগী ১,০০,০০০ ফাওবা থারক্কনি হায়বগী থাজবা থম্নরি। মখা তাবা ওইনা, মে ১৫ ফাওবগী মনুংদা ১,০০,০০০সু থারক্কনি। ইভা ফার্মানা অহানবদা চাউরাকপা ভাইল ১০,০০০ থারক্লবা তুংদা নুমিৎ ১৫নি খুদিংগী নত্ত্রগা জুলাই ফাওবগী মনুংদা মখা তাবা ভাইল ৫০,০০০ থারক্কনি।

সরকারনা লৈবাক অসিদা রেমদেসিভির পুথোকপা হেনগৎনবা থবকসু পায়খৎলে। লৈবাক অসিগী হিদাক অসি পুথোকপগী অয়াবা পীরবা লৈবাক্কী পোত্থোক পুথোকপা ৭না ২৭/৪/২০২১ ফাওবগী মনুংদা থাদা ভাইল লাখ ৩৮ পুথোক্লম্বদগী থাদা করোর ১.০৩ ফাওবা হেনগৎপা ঙমখ্রবনি। হৌখিবা নুমিৎ ৭নিদা (২১-২৮ এপ্রিল, ২০২১) হিদাক কম্পেনীশিং অসিনা লৈবাক শিনবা থুংবদা অপুনবা ভাইল লাখ ১৩.৭৩ পীবা ঙমখ্রে। এপ্রিল ১১, ২০২১দা নোংমদা ভাইল ৬৭,৯০০ পীবা ঙম্লম্বদগী এপ্রিল ২৮, ২০২১দা ভাইল লাখ ২.০৯দা হেনগত্তুনা পীবা ঙম্লে। রেমদিসিভির পুথোক-পুশিন তৌবদা অয়েৎপা লৈহন্দনবগীদমক্তা এম.ঐচ.এ.না রাজ্য অমসুং য়ু.তি.শিংদা চৎন-কাঙলোন কয়া অমসু পীখ্রে।

সরকারনা রেমদেসিভিরবু লৈবাক অসিদা ফংবগী চাং হেনগৎহন্নবা মীরমদা থাদোকপসু থিংখ্রে। মীয়াম্না হিদাক অসিবু লৈবা ঙম্নবগীদমক্তা, এম.পি.পি.এ.না এপ্রিল ১৭, ২০২১দা হিদাক অসিগী শেমদোক্লবা এম.আর.পি. অমা শেমদুনা হিদাক অসিগী মমলবু ভাইল অমদা লুপা ৩৫০০দগী হন্থহনখ্রে।

রেমদেসিভির পুথোকপা অমসুং ফংবা হেনগৎনবগীদমক্তা, রেভেন্যু বিভাগনা তাং ২০-৪-২০২১দা থোকপা নোতিফিকেসন নম্বরঃ ২৭/২০২১-কস্তম্সকী খুত্থাংদা রেমদেসিভির ইঞ্জেক্সন অমসুং মসিগী এ.পি.আই. অমদি বীতা সাইক্লোদেক্সত্রিন্দা লৈরম্বা কস্তম্স দ্যুতী অপুনববু ওক্তোবর ২০২১ ফাওবা লৌথোকখ্রে।

নেস্নেল ত্রীৎমেন্ত প্রোতোকোলসু  এম.ও.ঐচ.এফ.দবল্যু.গী এমস/আই.সি.এম.আর.-কোবিদ-১৯ নেস্নেল তাস্ক ফোর্স/জোইন্ত মোনিতরিং গ্রুপ্না ২২/৪/২০২১দা ক্লিনিকেল গাইদেন্স ফোর মেনেজমেন্ত ওফ এদল্ৎ কোবিদ-১৯ পেসেন্তকী খুত্থাংদা শেমদোকখ্রে।  শেমদোক্লবা কাঙলোন অসিনা হিদাক অসিবু কাঙলোন নাইনা শিজিন্নবদা পুক্নিং থৌগৎকনি অমসুং মসিগী অপাম্বা লৈববু নীংথিনা শেন্নবদা তেংবাংগনি হায়না থাজবা থম্লি।

****