প্রধানমন্ত্রীগী লোইশঙ
পি.এম. কেয়র ফন্দদগী পোর্তেবল ওক্সীজেন কন্সেন্ত্রেতর লাখ ১ লৈরগনি
পি.এম. কেয়র্সকী মখাদা দি.আর.দি.ও.না পুথোকপা তেক্নোলোজীদা য়ুম্ফম ওইদুনা শাবা অহেনবা পি.এস.এ. ওক্সীজেন প্লান্ত ৫০০গী অয়াবা পীখ্রে
ওক্সীজেন কন্সেন্ত্রেতর অমসুং পি.এস.এ. প্লান্তশিংনা অপাম্বা লৈবা মফমশিংদা ওক্সীজেন পীবগী চাং হেনগৎহনগনি
प्रविष्टि तिथि:
28 APR 2021 4:32PM by PIB Imphal
প্রধান মন্ত্রী, নরেন্দ্র মোদীনা পি.এম. কেয়র ফন্দদগী পোর্তেবল ওক্সীজেন কন্সেন্ত্রেতর লাখ ১ লৈবগী অয়াবা পীখ্রে।
প্রধান মন্ত্রী, শ্রী নরেন্দ্র মোদীনা লুচিংদুনা কোবিদ শেন্ননবগীদমক্তা লিক্বিদ মেদিকেল ওক্সীজেন (এল.এম.ও.) পীবা হেনগৎনবা খোঙথাং কয়া খন্নবগী অৱাংবা থাক্কী মীফমদা হায়রিবা ৱারেপ অসি লৌখিবনি। প্রধান মন্ত্রীনা হায়রিবা ওক্সীজেন কন্সেন্ত্রেতরশিং অসি অথুবা মতমদা লৈদুনা কেস ৱাংবা রাজ্যশিংদা পীথনবা য়াথংসু পীখি।
পি.এম. কেয়র্স ফন্দগী মখাদা হান্ননা অয়াবা পীখ্রবা পি.এস.এ. প্লান্ত ৭১৩গী মথক্তা, ফন্দ অসিগী মখাদা অনৌবা প্রেসর স্বিং এদজোর্পসন (পি.এস.এ.) ওক্সীজেন প্লান্ত অনৌবা ৫০০গী অয়াবসু পীখি।
পি.এস.এ. প্লান্ত অসিনা জিলাগী হেদক্বার্তর অমসুং তাইয়র ২গী শহরশিংগী হোস্পিতালশিংদা লিক্বিদ মেদিকেল ওক্সীজেন পীবগী চাংসু হেনগৎহনগনি। মসিগী পি.এস.এ. প্লান্ত ৫০০ অসি দি.আর.দি.ও. অমসুং সি.এস.আই.আর.না শাজবা তেক্নোলোজীবু লৈবাক্কী পোত্থোক-পুথোকপশিংদা পীরবা তুংদা শাগনি।
পি.এস.এ. প্লান্ত লিংখৎপা অমসুং পোর্তেবল ওক্সীজেন কন্সেন্ত্রেতর লৈশিনবা অসিনা অপাম্বা লৈবা মফমশিংদা ওক্সীজেন পীবগী চাং য়াম্না হেনগৎহল্লগনি অমসুং মসিনা প্লান্ততগী হোস্পিতালদা ওক্সীজেন পীবদা থেংনরিবা লোজিস্তিক্সকী ওইবা শিংনবশিংগী ৱারোইশিনসু পুরক্কনি।
*****
(रिलीज़ आईडी: 1714689)
आगंतुक पटल : 324
इस विज्ञप्ति को इन भाषाओं में पढ़ें:
English
,
Bengali
,
Urdu
,
हिन्दी
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam