শিপ্পিং মন্ত্রালয়

ওক্সীজেন অমসুং মরী লৈনবা খুৎলায়গী কার্গোশিংদা লৈরম্বা চার্জ খুদিংমক মরু ওইবা হিথাংফমশিংনা লৌথোকখ্রে

ওক্সীজেনগা মরী লৈনবা পোৎলমশিং হাপ্পদা মরু ওইবা পীরগনি

Posted On: 25 APR 2021 12:53PM by PIB Imphal

লৈবাক অসিদা ওক্সীজেন অমসুং মরী লৈনবা পোৎলমশিংগী তঙাই ফদবা য়াম্না হেনগৎলকপগী ফিভম য়েংলদুনা ভারত সরকারনা কামারাজার পোর্ত লিমিতেদ য়াওনা মরু ওইবা হিথাংফম খুদিংদা মেজর পোর্ত ত্রস্তশিংনা (ভেসেলগা মরী লৈনবা, পোৎ-লম থম্বগী চার্জনচিংবশিং) থম্লম্বা চার্জশিং লৌথোক্নবা অমসুং মখাদা পীরিবা পোৎলমশিং হাপ্পদা মথং-মনাও নাইনা খ্বাইদগী মরু ওইবা মিৎয়েং চঙনবা খঙহনখ্রেঃ

  • মেদিকেল গ্রেদ ওক্সীজেন,
  • ওক্সীজেন তেঙ্কশিং,
  • ওক্সীজেন বোত্তলশিং,
  • পোর্তেবল ওক্সীজেন জেনেরেতরশিং,
  • ওক্সীজেন কন্সেন্ত্রেতরশিং।
  • মথংগী থা অহুম নত্ত্রগা মখা তাবা ওর্দর থোক্ত্রিবা ফাওবা ওক্সীজেন সিলিন্দর অমসুং মরী লৈনবা খুৎলায়শিং শানবা স্তীল পাইপশিং।

 

পোৎলমশিং অসিবু হিথাংফমশিংদা হাপ্নবা পথাপ শিনবা, ওক্সীজেনগা মরী লৈনবা কার্গো লৌথবা, কস্তম অমসুং অতোপ্পা ওথোরিতীশিংগা পাউ ফাওনদুনা খোঙজেল য়াঙনা পোৎলম থাদোকপা/চে-চাং শিনবা অমসুং হিথাংফমদগী ওক্সীজেনগা মরী লৈনবা কার্গোশিংবু পাক-শন্না থাদোকপদা অয়েৎপা লৈহন্দনবা হোৎনবদা খ্বাইদগী হেনবা মরু ওইবা পীদুনা লোজিস্তিক্কী থবকশিং পাংথোকপদা পোর্তকী চেয়রপর্সনশিং মশামক্না শেন্ননবা হায়খ্রে।

 

করিগুম্বা ভেসেল অমনা মথক্তা পনখ্রবা ওক্সীজেনগা মরী লৈনবা কার্গোশিংগী মথক্তা অতোপ্পা কার্গো/কন্তেনর পুরকপা ওইরবদি অপুনবা কার্গো খুদিংমক নত্ত্রগা হিথাংফমদা শেন্নরিবা কন্তেনরশিংগী য়েংদুনা প্রো-রেতাদা য়ুম্ফম ওইদুনা চার্জশিং লৌথোকপগী থৌওংদি ওক্সীজেনগা মরী লৈনবা অসিগুম্বা কার্গোশিংদা চৎনগনি।

পোর্ত, শিপ্পিং অমসুং ৱাতরৱেজ মন্ত্রালয়না অসিগুম্বা ভেসেল, কার্গো অমসুং ভেসেলশিংনা হিথাংফমগী মনুংদা চঙলকপদগী কার্গোশিংনা হিথাংফমদগী থোকখিবদা চঙবা মতমশিংগী অকুপ্পা মরোলশিং য়েংশিনগনি।

ভারত সরকারনা লৈবাক অসিদা থোক্লিবা কোবিদ-১৯গী অনিশুবা ৱেভকা মরী লৈনবা ইরাংশিং লাকশিন্নবা কন্না খোঙফম চেৎলি অমসুং শিংনবা অসিবু মতিক চাবা অমসুং অনৌবা থৌওংগী খুত্থাংদা মাইয়োক্ননবা লৌখৎফম থোকপা খোঙথাং খুদিংমক লৌখৎলি।

 

***



(Release ID: 1713935) Visitor Counter : 27