ବିଶ୍ୱର ସର୍ବବୃହତ ଟିକାକରଣ ଅଭିଯାନ ସ୍ୱରୂପ ଭାରତରେ ମୋଟ କୋଭିଡ-୧୯ ଟିକା ଡୋଜ ପରିଚାଳନା ସଂଖ୍ୟା ଆଜି ୧୨.୭୧ କୋଟି ଅତିକ୍ରମ କରିଛି ।

ଆଜି ସକାଳ ୭ଟା ପର୍ଯ୍ୟନ୍ତ ହସ୍ତଗତ ହୋଇଥିବା ରିପୋର୍ଟ ଅନୁସାରେ ଦେଶରେ ୧୮,୮୩,୨୪୧ ସେସନ ଜରିଆରେ ମୋଟ ୧୨,୭୧,୨୯,୧୧୩ ଟିକା ଡୋଜ (୧୦,୯୬,୫୯,୧୮୧ ପ୍ରଥମ ଡୋଜ ଓ ୧,୭୪,୬୯,୯୩୨ ଦ୍ୱିତୀୟ ଡୋଜ) ପ୍ରଦାନ କରାଯାଇଛି । ତନ୍ମଧ୍ୟରୁ ୯୧,୭୦,୭୧୭ ସ୍ୱାସ୍ଥ୍ୟ କର୍ମୀ ଟିକାର ପ୍ରଥମ ଡୋଜ ନେଇଥିବା ବେଳେ ୫୭,୬୭,୬୫୭ ସ୍ୱାସ୍ଥ୍ୟ କର୍ମୀ ଦ୍ୱିତୀୟ ଡୋଜ ନେଇସାରିଛନ୍ତି । ସେହିଭଳି ୧,୧୪,୩୨,୭୩୨ ଫ୍ରଣ୍ଟଲାଇନ କର୍ମଚାରୀ ପ୍ରଥମ ଡୋଜ ଗ୍ରହଣ କରିଥିବା ବେଳେ ୫୬,୮୬,୬୦୮ ଫ୍ରଣ୍ଟଲାଇନ କର୍ମଚାରୀ ଦ୍ୱିତୀୟ ଡୋଜ ନେଇଛନ୍ତି । ୬୦ ବର୍ଷରୁ ଊର୍ଦ୍ଧ୍ୱ ୪,୬୬,୮୨,୯୬୩ ହିତାଧିକାରୀ ପ୍ରଥମ ଡୋଜ ଓ ୪୭,୦୪,୬୦୧ ହିତାଧିକାରୀ ଦ୍ୱିତୀୟ ଡୋଜ ନେଇଥିବା ବେଳେ ୪୫ରୁ ୬୦ ବର୍ଷ ବୟସର ୪,୨୩,୭୨,୭୬୯ ହିତାଧିକାରୀ ପ୍ରଥମ ଡୋଜ ଓ ୧୩,୧୧,୦୬୬ ହିତାଧିକାରୀ କରୋନା ଟିକାର ଦ୍ୱିତୀୟ ଡୋଜ ଗ୍ରହଣ କରିଛନ୍ତି ।

ଦେଶରେ ଏ ପର୍ଯ୍ୟନ୍ତ ଦିଆଯାଇଥିବା ମୋଟ ଟିକା ଡୋଜ ମଧ୍ୟରୁ ୫୯.୩୩% ୮ଟି ରାଜ୍ୟରେ ପରିଚାଳିତ ହୋଇଛି ।

ଗତ ୨୪ ଘଣ୍ଟା ମଧ୍ୟରେ ୩୨ ଲକ୍ଷରୁ ଅଧିକ ଟିକା ଡୋଜ ପ୍ରଦାନ କରାଯାଇଛି ।

ଟିକାକରଣ ଅଭିଯାନର ୯୪ତମ ଦିନ (୨୦୨୧ ଏପ୍ରିଲ ୧୯)ରେ ୩୨,୭୬,୫୫୫ ଟିକା ଡୋଜ ପ୍ରଦାନ କରାଯାଇଛି । ୪୫,୮୫୬ଟି ସେସନରେ ୨୨,୮୭,୪୧୯ ହିତାଧିକାରୀଙ୍କୁ ପ୍ରଥମ ଡୋଜ ଦିଆଯାଇଥିବା ବେଳେ ୯,୮୯,୧୩୬ ହିତାଧିକାରୀ ଟିକାର ଦ୍ୱିତୀୟ ଡୋଜ ଗ୍ରହଣ କରିଛନ୍ତି ।

ଭାରତର ଦୈନିକ ନୂଆ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । ଗତ ୨୪ ଘଣ୍ଟାରେ ୨,୫୯,୧୭୦ ନୂଆ ମାମଲା ରେକର୍ଡ କରାଯାଇଛି ।

ଦେଶରେ ଦେଖାଦେଇଥିବା ନୂଆ ମାମଲା ମଧ୍ୟରୁ ୭୭.୬୭% ମାମଲା ୧୦ଟି ରାଜ୍ୟ ଯଥା ମହାରାଷ୍ଟ୍ର, ଉତ୍ତରପ୍ରଦେଶ, ଦିଲ୍ଲୀ, କର୍ଣ୍ଣାଟକ, କେରଳ, ଛତିଶଗଡ଼, ମଧ୍ୟପ୍ରଦେଶ, ତାମିଲନାଡୁ, ଗୁଜରାଟ ଏବଂ ରାଜସ୍ଥାନରୁ ରହିଛି ।

ମହାରାଷ୍ଟ୍ରରେ ସର୍ବାଧିକ ୫୮,୯୨୪ ଦୈନିକ ନୂଆ ମାମଲା ସାମ୍ନାକୁ ଆସିଛି । ଏହା ପଛକୁ ଉତ୍ତରପ୍ରଦେଶରେ ୨୮,୨୧୧ ନୂଆ ମାମଲା ସାମ୍ନାକୁ ଆସିଥିବା ବେଳେ ଦିଲ୍ଲୀରେ ୨୩,୬୮୬ ନୂଆ ମାମଲା ରେକର୍ଡ କରାଯାଇଛି ।

ନିମ୍ନରେ ଦିଆଯାଇଥିବା ୨୦ ରାଜ୍ୟରେ ଦୈନିକ ନୂଆ ମାମଲା ବୃଦ୍ଧି ପାଇବାରେ ଲାଗିଛି ।

ଭାରତର ମୋଟ ସକ୍ରିୟ ମାମଲା ୨୦,୩୧,୯୭୭ରେ ପହଞ୍ଚିଛି । ଯାହା ଦେଶର ମୋଟ ପଜିଟିଭ ମାମଲାର ୧୩.୨୬% ହୋଇଛି । ଗତ ୨୪ ଘଣ୍ଟାରେ ନିଟ ସକ୍ରିୟ ମାମଲା ୧,୦୨,୬୪୮ ବୃଦ୍ଧି ପାଇଛି ।

ଭାରତର ମୋଟ ସକ୍ରିୟ ମାମଲା ମଧ୍ୟରୁ ୫ଟି ରାଜ୍ୟ ଯଥା ମହାରାଷ୍ଟ୍ର, ଛତିଶଗଡ଼, ଉତ୍ତର ପ୍ରଦେଶ, କର୍ଣ୍ଣାଟକ ଓ କେରଳର ଅଂଶ ୬୨.୦୭% ରହିଛି ।

ଦୈନିକ ପଜିଟିଭିଟି ହାର (କ୍ରମାଗତ ୭ ଦିନ ହାରାହାରି) ବୃଦ୍ଧି ପାଇବାରେ ଲାଗିଛି, ଯାହା ବର୍ତ୍ତମାନ ୧୫.୯୯% ରହିଛି ।

ଭାରତର ମୋଟ କରୋନା ଆରୋଗ୍ୟ ମାମଲା ଆଜି ୧,୩୧,୦୮,୫୮୨ରେ ପହଞ୍ଚିଛି । ଜାତୀୟ ଆରୋଗ୍ୟ ହାର ଏବେ ୮୫.୫୬% ରହିଛି ।

ଗତ ୨୪ ଘଣ୍ଟା ମଧ୍ୟରେ ୧,୫୪,୭୬୧ ରୋଗୀ ଆରୋଗ୍ୟ ଲାଭ କରିଛନ୍ତି ।

ଜାତୀୟ କରୋନା ମୃତ୍ୟୁ ହାର ହ୍ରାସ ପାଇବାରେ ଲାଗିଛି ଏବଂ ଏହା ବର୍ତ୍ତମାନ ୧.୧୮% ରହିଛି ।

ଗତ ୨୪ ଘଣ୍ଟାରେ ୧,୭୬୧ ଜଣଙ୍କ ମୃତ୍ୟୁ ଘଟିଛି ।

ନୂଆ କରୋନା ମୃତ୍ୟୁରେ ୧୦ ରାଜ୍ୟର ଅଂଶ ୮୨.୭୪% ରହିଛି । ମହାରାଷ୍ଟ୍ରରେ ଦୈନିକ ନୂଆ ମୃତ୍ୟୁ ସର୍ବାଧିକ (୩୫୧) ରହିଥିବା ବେଳେ ଏହା ପଛକୁ ଦିଲ୍ଲୀରେ ୨୪୦ ଜଣ ପ୍ରାଣ ହରାଇଛନ୍ତି ।

ଗତ ୨୪ ଘଣ୍ଟାରେ ୯ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ କୌଣସି କରୋନା ମୃତ୍ୟୁ ସାମ୍ନାକୁ ଆସିନାହିଁ । ଏଗୁଡ଼ିକ ମଧ୍ୟରେ ଲଦାଖ (ୟୁଟି), ଡାମନ ଓ ଡିଉ ଏବଂ ଦାଦ୍ରା ଓ ନଗର ହାବେଳି, ତ୍ରିପୁରା, ସିକ୍କିମ, ମିଜୋରାମ, ଲାକ୍ଷାଦ୍ୱୀପ, ନାଗାଲାଣ୍ଡ, ଆଣ୍ଡାମାନ ଓ ନିକୋବର ଦ୍ୱୀପ ଏବଂ ଅରୁଣାଚଳ ପ୍ରଦେଶ ରହିଛି ।

*****

SR