প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা মন্ত্রী-মন্দলগী মীফমনা ইন্সতিত্যুত ওফ চারতর্দ একাউন্তস ওফ ইন্দিয়া (আই.সি.এ.আই.) অমসুং সি.পি.এ. (“সর্তিফাইদ প্রেক্তিসিং একাউন্তেন্ত”) অস্ত্রেলিয়াগী মরক্তা ম্যুচুএল রিকগ্নিসন এগ্রীমেন্ত (এম.আর.এ.) অয়াবা পীখ্রে।

এগ্রীমেন্তগী অকুপ্পা ৱারোলশিং:

ম্যুচুএল রিকগ্নিসন এগ্রীমেন্তগী মখাদা ইন্সতিত্যুত ওফ চারতর্দ একাউন্তস ওফ ইন্দিয়া (আই.সি.এ.আই.) অমসুং সি.পি.এ. (“সর্তিফাইদ প্রেক্তিসিং একাউন্তেন্ত”) অস্ত্রেলিয়ানা একাউন্তিংগী লৌশিং, প্রোফেস্নেল অমসুং ইন্তেলেকচ্যুএল দিবেলপমেন্তদা খুমাং চাউশিন্নবা, মখোয় মশাগী মেম্বরশিংগী কান্নবশিং হেনগৎহন্নবা অমসুং অস্ত্রেলিয়া অমসুং ভারত্তা লৈরিবা একাউন্তিং প্রোফেসনশিংদা অফবা মওংদা দিবেলপমেন্ত লৈহন্নবগীদমক্তা পুন্না হোৎনদুনা ম্যুচুএল কোওপরেসন ফ্রেমৱার্ক অমা শেমগৎলগনি।

শাফু:

এম.আর.এ.না তৌগদবা:

1. একাউন্তিং ইন্সতিত্যুত অনিগী মরক্তা থবক্কী মরীশিং ফগৎহনবা
2. মেম্বরশিং, মহৈরোইশিং অমসুং মখোয়গী ওর্গনাইজেসনশিংগী খ্বাইদগী য়াইফগদবা নাকল অনিমক্তা কান্নগদবা মরী লৈহনবা
3. নাকল অমদা হেক্তা প্রোফেস্নেলশিংগী মোবিলিতী হেনগৎহনবা অমসুং লৈবাক অনিমক্তা স্মোল অমসুং মীদিয়ম বিজিনেসকী অনৌবা দাইমেন্সন অমা পুরকপা
4. গ্লোবেলাইজ এনভাইর্নমেন্তদা প্রোফেসন্না অনৌবা শীংনবশিং মায়োক্নরিবা অসি কোকহন্নবা একাউন্তেন্সী ইন্সতিত্যুত অনিনা লুচিংবগী থৌদাং লৌনবগী খুদোংচাবা অমা ফংলগনি

কান্নবশিং:

ইন্সতিত্যুত অনিগী মরক্তা লৈরিবা এঙ্গেসমেন্ত অসিনা ইন্দিয়ন চারতর্দ একাউন্তেন্তসকী অচৌবা থবক্কী খুদোংচাবশিং পীরগনি অমসুং ভারত্তা রেমিত্তেন্সশিংসু চাউনা হনহল্লক্লগনি হায়না পান্নরি।

ইম্প্লিমেন্ত তৌনবগী লালোং অমসুং পান্দমশিং:

বোদী অনিনা মখোয়গী লৈরিবা একাউন্তেন্সী ক্বালিফিকেসনগী মতিক চাবা ক্রেদিৎ ফংদুনা অতোপ্পা বোদীদা মখোয়না য়াওনবা বোদী অনিগী চায়েং, ত্রেনিং অমসুং প্রেক্তিকেল এক্সপরিয়েন্সকী মথৌ তাবশিং অদু মপুং ফারদুনা মেম্বরশিপ ফংলবা অতোপ্পা বোদীগী মেম্বরশিংগী ক্বালিফিকেসনগী ম্যুচুএল রিকগ্নিসন এম.আর.এ.না পীগনি। আই.সি.এ.আই. অমসুং সি.পি.এ. অস্ত্রেলিয়া অনিমক্না অমনা অমগী ক্বালিফিকেসন, ত্রেনিং শকখঙনবা অমসুং পুনশিন্নবা মেকানিজম অমা পীদুনা মেম্বরশিং অফবা মওংদা লৈহন্নবা ম্যুচুএল রিকগ্নিসন এগ্রীমেন্ত অমা শেমগনি।

বেকগ্রাউন্দ:

ইন্সতিত্যুত ওফ চারতর্দ একাউন্তেন্তস ওফ ইন্দিয়া (আই.সি.এ.আই.) অসি ভারত্তা চারতর্দ একাউন্তেন্তসকী শিনফমদা য়েংশিন্নবা চারতর্দ একাউন্তেন্তস এক্ত, ১৯৪৯গী মখাদা স্তেত্যুতরী বোদী অমা ওইনা লিংখৎখি। সি.পি.এ. অস্ত্রেলিয়া অসি মহৈ-মশিং, ত্রেনিং, তেক্নিকেল সপ্পোর্ত অমসুং এদভোকেসীদা সর্ভিসশিং পীরিবা মেম্বর ১৬০,০০০ হেনবনা মালেম পুম্বগী লৈবাক অমসুং মফম ১৫০ হেনবদা মথৌ তৌরিবা মালেমগী খ্বাইদগী চাওবা একাউন্তিং বোদীশিংগী মরক্তা অমনি। 

******