প্রধানমন্ত্রীগী লোইশঙ
য়ু.এস.কী ক্লাইমেৎকী স্পেসিএল প্রসিদেন্সিএল এনভোই ঐচ.ই. মিস্তর জোন কেরীনা প্রধান মন্ত্রী শ্রী নরেন্দ্র মোদীগা উনখ্রে
Posted On:
07 APR 2021 8:34PM by PIB Imphal
য়ু.এস.কী ক্লাইমেৎকী স্পেসিএল প্রসিদেন্সিএল এনভোই ঐচ.ই. মিস্তর জোন কেরীনা ঙসি প্রধান মন্ত্রী শ্রী নরেন্দ্র মোদীগা উনখ্রে।
মিস্তর কেরীনা রাস্ত্রপতি বাইদেনগী য়াইফ-পাউজেল প্রধান মন্ত্রীদা পাউদমখি। প্রধান মন্ত্রীনা ক্বাদ লীদর্স সম্মিৎ য়াওনা হন্দক্তা রাস্ত্রপতি বাইদেনগা লোইননা ৱারী শাখিবশিং অদু নীংশিংখি অমসুং মহাক্না মিস্তর কেরীদা মহাক্কী য়াইফ-পাউজেল রাস্ত্রপতি বাইদেন অমসুং উপ-রাস্ত্রপতি কমালা হেরিসতা পীবীনবা হায়খি।
মিস্তর কেরীনা প্রধান মন্ত্রীদা ভারত্তা হৌখিবা নুমিৎ নিনি অসিদা পাঙথোকপা কান্নরবা খন্ন-নৈনবশিং অদুগী মতাংদা খঙহনখি। মহাক্না অচৌবা রিন্যুএবল ইনর্জী প্লানশিং য়াওনা ভারতকী ক্লাইমেৎ এক্সনশিংসু শীংথাখি। মহাক্না প্রধান মন্ত্রীদা এপ্রিল ২২-২৩, ২০২১দা পাঙথোক্নবা মতম লেপ্লবা লীদর্স সম্মিৎ ওন ক্লাইমেৎকী মতাংদা খঙহনখি।
প্রধান মন্ত্রীনা ভারতনা পেরিস এগ্রীমেন্তগী মখাদা লৈবাক অসিগী শরুক তমফম থোকপা অদু তম্বা ঙম্নবা হৌৎনরি অমসুং মসি পাঙথোক্নবা ঙম্নবা হোৎনরিবা লৈবাক খরগী মনুংদা ভারতসু চল্লি হায়না ফোঙদোকখি। মিস্তর কেরীনা য়ুনাইতেদ স্তেৎনা গ্রীন তেক্নোলোজীশিং অমসুং মথৌ তাবা শেনথুম অরাইবা মওংদা ফংহন্দুনা ভারতকী ক্লাইমেৎ প্লানশিংদা মতেং পাংগনি হায়না ফোঙদোকখি। প্রধান মন্ত্রীনা মরু ওইনা ইন্নোবেসন্দা শেল থাদবা অমসুং গ্রীন তেক্নোলোজীশিং খোঙজেল য়াংনা শিজিনহন্নবা ভারত অমসুং য়ুনাইতেদ স্তেৎকী মরক্তা পীনরিবা কোওপরেসন অসিনা অতোপ্পা লৈবাকশিংদা অফবা খুদম অমা ওইরগনি হায়না ফোঙদোকখি।
***
(Release ID: 1710291)
Visitor Counter : 204
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam