صحت اور خاندانی بہبود کی وزارت

کووڈ-19 ٹیکہ کاری سے متعلق تازہ ترین جانکاری

اپریل کے مہینہ میں تمام دنوں بشمول گزیٹڈ تعطیلات کے دوران سبھی سرکاری اور نجی کووڈ ٹیکہ کاری مراکز میں  ٹیکے لگائے جائیں گے

Posted On: 01 APR 2021 1:27PM by PIB Delhi

ملک گیر سطح پر ٹیکہ کاری مہم میں بے پناہ توسیع کرنے کے ایک اہم قدم کے طور پر مرکز نے اپریل کے مہینہ میں تمام دنوں  بشمول گزیٹیڈ تعطیلات کے دوران سرکاری اور پرائیویٹ سیکٹر کے تمام کووڈٹیکہ کاری مراکز ( سی وی سی) میں کام کاج کرنے کافیصلہ کیا ہے۔  مرکز نے تمام ریاستوں اورمرکز کے زیرانتظام علاقوں کو آج  ایک مکتوب لکھا ہے اوران سے کہاہے کہ وہ  ماہ اپریل 2021 کے دوران تمام دنوں بشمول گزیٹیڈ تعطیلات میں ان کووڈ ٹیکہ کاری مراکز ( سی وی سی ) میں  کووڈ-19 سے بچاؤ کے ٹیکے فراہم کرنے کے  لئے ضروری انتظامات کریں۔

یہ قدم کووڈ ٹیکہ کاری کی رفتار اور کووریج میں تیزی کے ساتھ اضافہ کو یقینی بنانے کے لئے سرکاری اور پرائیویٹ سیکٹروں کے تمام کووڈ ٹیکہ کاری مراکز کو زیادہ سے زیادہ استعمال کرنے کے لئے 31 مارچ 2021 کو ریاستوں/ مرکز کے زیرانتظام علاقوں کے ساتھ تفصیلی دبالہ خیال کے بعد اٹھایا گیا ہے۔ یہ فیصلہ کووڈ- 19 ٹیکہ کاری کے لئے ریاستوں/مرکز کے زیرانتظام علاقوں کے ساتھ حکومت ہند  کے ذریعہ اپنائے جانے والی سرگرم شراکت داری اور طریقہ کار سے  مربوط ہے۔

کووڈ-19 سے ملک میں سب سے زیادہ خطرہ کے حامل آبادی گروپوں کو تحفظ فراہم کرنے کے  ایک آلہ کے طور پر ٹیکہ کاری کی  اس مشق کی اعلی ترین سطح پر باقاعدگی کے ساتھ  نگرانی کی جارہی ہے اوربدستور اس کا جائزہ لیا جارہا ہے۔

ویکسین ایڈمنسٹریشن کے متعلق قومی ماہرین گروپ (این ای جی وی اے سی) کی سفارشات کی بنیاد پر یکم اپریل 2021 سے 45 سال سے زیادہ عمر کے تمام لوگوں کے لئے کووڈ -19 ٹیکہ کاری شروع کرنے کافیصلہ حکومت پہلے ہی کرچکی ہے۔

******

ش  ح ۔م ع۔ رض

U-NO.3275



(Release ID: 1708955) Visitor Counter : 55