ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ବାଂଲାଦେଶର ଜାତୀୟ ଶହୀଦ ସ୍ମାରକୀ ପରିଦର୍ଶନ କଲେ ପ୍ରଧାନମନ୍ତ୍ରୀ
Posted On:
26 MAR 2021 2:17PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦୁଇ ଦିନିଆ ଗସ୍ତରେ ଯାଇ ବାଂଲାଦେଶରେ ପହଞ୍ଚିବାର ତୁରନ୍ତ ପରେ ଜାତୀୟ ଶହୀଦ ସ୍ମାରକୀ ସ୍ଥଳ (ଜାତୀୟ ସୃତି ସୌଦ୍ଧ) ପରିଦର୍ଶନ କରିଥିଲେ । ବାଂଲାଦେଶର ଏହି ଜାତୀୟ ସ୍ମାରକୀ ସ୍ଥଳରେ ସେ 1971 ବାଂଲାଦେଶ ମୁକ୍ତି ଯୁଦ୍ଧରେ ନିଜର ପ୍ରାଣବଳୀ ଦେଇଥିବା ଶହୀଦମାନଙ୍କ ସାହସ ଓ ବଳିଦାନ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଢାକାଠାରୁ ଉତ୍ତର-ପଶ୍ଚିମ ଦିଗ 35 କିମି ଦୂରରେ ଥିବା ସାଭର ଠାରେ ଏହା ଅବସ୍ଥିତ ଏବଂ ଏହାକୁ ସୟିଦ ମୟିନୁଲ ହୁସେନ ଡିଜାଇନ କରିଥିଲେ ।
ପ୍ରଧାନମନ୍ତ୍ରୀ ସ୍ମାରକୀ ପରିସରରେ ଅର୍ଜୁନ ବୃକ୍ଷରୋପଣ କରିବା ସହିତ କିର୍ତ୍ତୀସ୍ଥଳରେ ଥିବା ପରିଦର୍ଶକ ପୁସ୍ତିକାରେ ସ୍ୱାକ୍ଷର କରିଥିଲେ । ସେ ଲେଖିଥିଲେ-“ମୁଁ ପ୍ରାର୍ଥନା କରୁଛି ଯେ ସାଭରର ଏହି ଅମର ଜ୍ୟୋତି ସବୁଦିନ ପାଇଁ କପଟ ଓ ଅତ୍ୟାଚାର ଉପରେ ସତ୍ୟ ଓ ସାହସର ଏପରି ମହାନ ବିଜୟକୁ ସ୍ମରଣ କରିଚାଲିଥିବ ।”
*********
P.S
(Release ID: 1707850)
Visitor Counter : 228
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam