এক্সিলেন্সী,

খুরুমজরি!

অদোমগী রিমার্কশিংগীদমক য়াম্না-য়াম্না থাগৎচরি।

এক্সিলেন্সী,

কোবিদ-১৯না মরম ওইদুনা ফিনলেন্দদা থৱায় কয়া মাংখিবা অদুগীদমক ভারত পুম্বগী মহুৎ শিন্দুনা ঐহাক্না থম্মোই শেংনা অৱাবা ফোঙদোকচরি। অদোমগী লুচিং মখাদা ফিনলেন্দনা লাইচৎ অসি মপুং ফানা লাকশিল্লি। মসিগীদমক অদোমবু ঐহাক্না থাগৎচরি।

এক্সিলেন্সী,

লাইচৎ অসিগী মনুংদা ভারতনা মাগী দোমেস্তিক্কী লাঞ্জং অসিগা লোইননা মালেমগী মথৌ তারিবা পোৎলমশিং অদুসু ফংহন্নবা হোৎনখি। মমাং চহিদা ঐখোয়না লৈবাক ১৫০দা হীদাক-লাংথকশিং অমসুং অতোপ্পা তঙাই ফদবা পোৎলমশিং থাখি। অমসুং হন্দক্কী চয়োল খরা অসিদা ঐখোয়না লৈবাক ৭০দা ভারত্তা শাবা বেক্সিন মিলিয়ন দোজ ৫৮ হেন্না য়ৌহনখি। ঐখোয়না তৌবা ঙম্বগী চাং মতুং ইন্না অপুনবা মীওইবা খুন্নাইদা মখা তানা মতেং পাংখিগনি হায়না ঐহাক্না অদোমদা থাজবা পীবা পাম্মি।

এক্সিলেন্সী,

ফিনলেন্দ অমসুং ভারত অনিমক্না  রুল-বেজ, নুং-পান্না ফাওনা উবা, মীওইবা খুন্নাই অমসুং মান্নবা মীৎয়েংগী ৱাখল্লোন লৈবা মালেমগী কাঙলোন অমদা থাজবা থম্মি। তেক্নোলোজী, ইন্নোভেসন, ক্লীন ইনর্জী, ইনভাইরনমেন্ত, এজুকেসন অসিগুম্বা হীরমশিংদা ঐখোয়গী মরক্তা চেৎনা খুৎশম্নরি। পোস্ত-কোবিদকী মতমদা মালেমগী শেন্মীৎলোনগী রিকভরীগীদমক সেক্তর পুম্নমক য়াম্না মরু ওইগনি। ক্লীন ইনর্জীগী লমদা ফিনলেন্দ অসি মালেমগী লুচিংবা ওইরি, অমসুং ভারতকী মরু ওইবা পার্তর অমসু ওইরি। অইং-অশাগী মতাংদা ৱাখল ৱারকপা মতমদা করিগুম্বদা ঐহাক্না ফাগী ওইনা ঐখোয়গী মরুপশিংদা হায় ঐখোয়না মহৌশাদা অকাইবা কয়া পীবনা মহৌশা অসি য়াম্না শাউরে অদুনা ঙসি ঐখোয় মীওইবা পুম্নমক্না মাই উৎপা ঙমদ্রে মরম অসিনা ঐখোয়না ঐখোয়গী চিন্দা মাস্ক উপ্পী অমসুং চিন খুম্লগা চৎলি মরমদি ঐখোয়না মহৌশাদা অকাইবা কয়া অমা পীরি হায়না ঐহাক্না ঐগী মরুপশিংদা ফাগী ওইনা হায়রি, করিগুম্বা মতমদা ঐহাক্না ভারত্তা অইং-অশাগা মরী লৈনবা পান্দমশিং ফংনবা পান্দমশিং থম্লি। ঐখোয়না ২০৩০ ফাওবগী মনুংদা রিন্যুএবল ইনর্জীদা গিগাৱাৎ ৪৫০গী ইন্সতোল কেপাসিতী লৈনবা পান্দম থম্লি। মালেমগা খুৎশম্নবা হেনগৎহন্নবগীদমক্তা ঐখোয়না ইন্তরনেস্নেক সোলর এলাইয়েন্স অমসুং কোএলিসন ফোর দিজাস্তর রেজিলিয়েন্ত ইনফ্রাস্ত্রকচরনচিংবা থৌরাংসু পায়খৎলে। ঐহাক্না ফিনলেন্দগা আই.এস.এ অমসুং সি.দি.আর.আই.গা খুৎশম্ননা চৎমিন্নবা পাম্মি। ফিনলেন্দগী কম্পিতেন্স অমসুং এক্সপর্তাইস অসিদগী শরুক য়ারিবা মালেমগী লুপশিং অসিনা কান্নবা ফংগনি।
এক্সিলেন্সী,

ফিনলেন্দনা অনৌবা তেক্নোলোজীশিং, দিজিতেল ইনফ্রাস্ত্রকচর, এজুকেসন অমসুং স্কিল দিবেলপমেন্তগী লমশিংদা মাংজিল থারি। লম পুম্নমক অসিদা ঐখোয়না চুংশিন্নবগী ওইথোকপশিং লৈ। ঙসি আই.সি.তি., মোবাইল তেক্নোলোজী অমসুং দিজিতেল এজুকেসনগী লমদা অনৌবা পার্তনরশিপ অমা লাউথোকপা অসিদা ঐহাক্না নুংঙাইবা ফাওই। ঐখোয়গী এজুকেসন মন্ত্রালয়নসু হায় লেবেল দাইলোগ অমা হৌদোক্লগনি। ঙসিগী ঐখোয়গী সম্মিৎ অসিনা ভারত-ফিনলেন্দগী মরীশিং ফগৎহনবদা মখা তানা শাফু পীগনি হায়না ঐহাক্না থাজৈ।

এক্সিলেন্সী,

ঙসি অসি ঐখোয় অহানবা ওইনা উন্নবনি। করিগুম্বা ঐখোয়না হকথেংননা উন্নবা ফংলম্বা তারদি নুংঙাইগদবনি। অদুবু হৌখিবা চহি অমা অসিদা ঐখোয়না তেক্নোলোজীগী মতেংগা লোইননা উন্নবগী খুদোংচাবা ফংদুনা লাক্লি। অদুবু পোর্তুগলদা পাঙথোক্কদবা ইন্দিয়া-ই.য়ু. সম্মিৎ অমসুং দেনমার্ক্তা পাঙথোক্কদবা ইন্দিয়া-নোর্দিক সম্মিৎ মনুংদা উন্ননবা ঐখোয়না অথুবদা খুদোংচাবা অমা ফংগনি খনবদা ঐহাক্না নুংঙাইবা পোকই। ঐহাক্না অদোমবু ভারত্তা লাক্নবা বর্তনসু তৌজরি। করিগুম্বা খুদোংচাবা ফংলবদি অদোম ভারত্তা শোইদনা লাকপীয়ু। ঐহাক্না হৌদোকপগী ৱারোল অসি মতাং অসিদা লোইশিনজরি। মথংগী সেসনদা ঐখোয়না মখা তানা অমুক ৱারী শারসি।

য়াম্না য়াম্না থাগৎচরি।

*****