প্রধান মন্ত্রী শ্রী নরেন্দ্র মোদী অমসুং রিপব্লিক ওফ ফিনলেন্দগী প্রধান মন্ত্রী ঐচ.ই. কুমারী সন্না মরিন্না ঙসি ভর্চ্যুএল সম্মিৎ অমা পাঙথোকখ্রে অমসুং বাইলেতরেলগী সমস্যাশিংগী হীরম পুম্নমক লোইননা নাকল অনিমক্কী ওইবা অতোপ্পা রিজনেল অমসুং মল্তিলেতরেলগী সমস্যাশিংসু খন্নখ্রে।

লুচিংবা অনিমক্না ভারত অমসুং ফিনলেন্দগী মরক্তা লৈনরিবা অনকপা মরীশিং অসি দেমোক্রেসী, রুল ওফ লো, ইক্বেলিতী, ফ্রীদম ওফ স্পীচ অমসুং মীওইবগী হকশিং ইকাই খুম্নবদা য়ুম্ফম ওই হায়না ফোঙদোকখি। মখোয়না মল্তিলেতরেলিজম, রুল-বেজ ইন্তরনেস্নেল ওর্দর, সস্তেনেবল দিবেলপমেন্ত অমসুং অইং-অশাগী অহোংবা অসি লাকশিন্নবা অকনবা মওংদা থবক তৌগনি হায়না অমুক হন্না থাজবা পীখি।

লুচিংবা অনিনা হৌজিক চত্থরিবা বাইলেতরেল এঙ্গেসমেন্তশিং য়েংশিনখি অমসুং মখোয়না ত্রেদ অমসুং ইন্নবেসমেন্ত, ইন্নোভেসন, এজুকেসন, আর্তিফিসিএল ইন্তেলিজেন্স, ৫জি/৬জি, অমসুং ক্বান্তম কম্প্যুতিং য়াওনা অনৌবা তেক্নোলোজীশিং অসিগুম্বা সেক্তরশিংদা মরী মখা তানা পাকথোক-চাউথোক্নবা অপাম্বা ফোঙদোক্নখি। 

প্রধান মন্ত্রীনা ফিনলেন্দনা ক্লীন এন্দ গ্রীন তেক্নোলোজীশিংদা মাংজিল থারিবা অসি থাগৎখি অমসুং ভারতকী সস্তেনেবল দিবেলপমেন্ত ফংনবা হোৎনরিবা অসিদা ফিন্নিশ কম্পনীশিংগা পার্তনর ওইবা য়াবগী পোতেন্সিএল অদু পনখি। হীরম অসিদা মহাক্না রিন্যুএবল অমসুং বাইও-ইনর্জী, সস্তেনেবিলিতী, ইদু-তেক, ফার্মা অমসুং দিজিতাইজেসন অসিগুম্বা লমশিংদা কোওপরেসন হেনগৎনবা অপাম্বা ফোঙদোকখি।

লুচিংবশিংনা ইন্দিয়া-ই.য়ু. পার্তনরশিপ, আর্তিক রিজনদা চুংশিন্ননবা, দবল্যু.তি.ও. অমসুং য়ু.এন. রিফোর্মশিং য়াওনা রিজনেল অমসুং গ্লোবেলগী সমস্যাশিংদা ৱাখল্লোন ফোঙদোক্নখি। নাকল অনিমক্না ভারত অমসুং ফিনলেন্দনা অফ্রিকাদা চাউখৎ-থৌরাংগী থবকশিং পাইখৎনবা চুংশিন্ননবা য়াবগী লৈরিবা পোতেন্সিএল অদু থমখি।

প্রধান মন্ত্রীনা ফিনলেন্দবু ইন্তরনেস্নেল সোলর এলাইয়েন্স (আই.এস.এ.) অমসুং কোএলিসন ফোর দিজাস্তর রেজিলিয়েন্ত ইনফ্রাস্ত্রকচর (সি.দি.আর.আই.) য়াওনবা বর্তন তৌখি।

লুচিংবা অনিনা মখোয় মশা-মশাগী বেক্সিনেসন দ্রাইবশিং য়াওনা কোবিদ-১৯গী ফীভম অদু খন্নখি অমসুং লৈবাক পুম্নমক্তা বেক্সিনশিং থুনা অমদি হোংনা ফংহন্নবা মালেম্না হোৎনরিবশিং অসিগী মরু ওইবা অদুদা মীৎয়েং চংখি।

লুচিংবা অনিনা হন্দক লাক্কদৌরিবা মীফমশিং, পোর্তোদা ইন্দিয়া-ই.য়ু. লীদর্স মীতিং অমসুং ইন্দিয়া-নোর্দিক সম্মিৎতা উন্ননবা খৌরাংনা ঙাইরি।

***