প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ফিনলেন্দগী প্রধান মন্ত্রী ঐচ.ই. মিস্ত্রেস সন্না মারিনগী মরক্তা ভর্চ্যুএল সম্মিৎ
Posted On:
15 MAR 2021 7:37PM by PIB Imphal
প্রধান মন্ত্রী শ্রী নরেন্দ্র মোদী অমসুং ফিনলেন্দগী প্রধান মন্ত্রী ঐচ.ই. মিস্ত্রেস সন্না মারিনগী মরক্তা লাক্লিবা ২০২১গী মার্চকী ১৬তা ভর্চ্যুএল সম্মিৎ পাংথোক্কদৌরি।
ইন্দিয়া অমসুং ফিনলেন্দনা মালেমগী ওইবা মওংদা দেমোক্রেসি, নিং-তম্বা অমসুং চৎন-পথাপশিং অসিদা য়াম্না নুঙাইবা অমসুং মরুপ-মপাং ওইবা মরী লৈনরি। লৈবাক অনি অসিনা ললোন-ইতিক্কী ওইবা অমসুং শেন্থং, এজুকেসন, অনৌবা পুথোকপা, সাইন্স অমসুং তেক্নোলোজি লোয়ননা রির্সস অমসুং দিবলপমেন্ত অসিদা য়াম্না নক্নবা মরী লৈনরি। লৈবাক অনি অসিনা খুৎশম্নদুনা সমাজগী ওইবা থেংনরিবা অৱাবাশিং অসি থেংননবা আর্তিফিসিএল ইন্তিলিজেন্স শিজিন্নদুনা ক্বান্তম কম্প্যুতর অসি চাওখৎনবা হোৎনরি। চাওরাক্না ফন্নিশ কম্পনি ১০০ রোম ইন্দিয়াগী মফম কয়া অমদা মদুদি তেলেকোম, ইলেবেতর, মেচিন্নরী অমসুং রিনেৱেবল ইনর্জী য়াওনা ইনর্জী অসিদা নিংথিনা মথৌ তৌরি। ইন্দিয়াগী কম্পনি ৩০ রোমশু ফিনলেন্দা মরু ওইনা আই.তি., ওতো-কম্পোন্তশিং অমসুং হোস্তপিতালিতি সেক্তরদা নিংথিনা মথৌ তৌরি।
সম্মিত অসিগী মনুংদা, লুচিংবা অনি অসিনা নাকন অনিগী ওইবা মরীগী হিরম পুম্বা য়াওশিনগনি অমসুং নাকন অনিগী কান্নবা মওংদা মফমশিং অমসুং মালেমগী ওইবা হিরমশিংগী মিয়েং পীনগনি। ভর্চ্যুএল সম্মিৎ অসিনা তুংগী ওইবা মখা তানা পাকথোক চাওথোকপগী ব্লুপ্রিন্ত ওইগনি অমসুং ইন্দিয়া-ফিনলেন্দ মরী অসি চাওথোকহল্লগনি।
****
(Release ID: 1704990)
Visitor Counter : 136
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam