ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী প্রকাশ জবদেকরনা ভিদিও কনফরেন্সিংগী খুৎথাংদা আই.তি.(ইন্তরমেদিয়রী গাইদলাইন্স অমসুং দিজিতেল মেদিয়া ইথিক্স কোদ) রুল্স, ২০২১ অসিগীদমক দিজিতেল ন্যুজ পব্লিসরশিংগী এসোসিয়েসন(দি.এন.পি.এ.)গী মীহুৎশিংগা উন্নদুনা ৱারি শান্নখ্রে৷ থৌরম অসিদা শরুক য়াখিবা মীহুৎশিং অদুদি ইন্দিয়া তুদে, দাইনিক বাস্কর, হিন্দুস্তান তাইমস, ইন্দিয়ন এক্সপ্রেস, তাইমস ওফ ইন্দিয়া, এ.বি.পি., ইনাদু, দাইনিক জগ্রন, লোকমতনচিংবশিংদগীনি৷

অনৌবা রুলশিং অসিনা দিজিতেল ন্যুজ পব্লিসরশিং অসিদা করিগুম্বা মখলগী থৌদাংশিং লৌহল্লি হায়না থৌরম অদুদা শরুক য়ারিবা মীহুৎশিং অসিদা শ্রী জবদেকরনা ফোংদোকখ্রে৷ মসিগী মনুং চল্লিবশিং অদুদি কেবল তেলিবিজন নেতৱার্ক এক্তকী মখাদা শেম্লিবা প্রোগ্রাম কোদ অমসুং প্রেস কাউন্সিল ওফ ইন্দিয়ানা শেম্লিবা জর্নেলিস্তিক কন্দক্তকী নোর্মশিং য়াওনা কোদ ওফ ইথিক্সকী মতুং ইন্না পাংথোকপা অসিনি৷ মখাতানা নগরিকশিং অসিগী অৱাবশিং অসি খরদা ওইরবসু হন্থনবা রুলশিং অসিনা তাইয়র-অহুম লৈবা গ্রিবেন্স রিদ্রেসেল মেকানিজম অমা ফংহনখ্রে, অহানবা অমসুং অনিশুবা তাইয়র অদুনা দিজিতেল ন্যুজ পব্লিসরশিং অসিগী ওইরগনি অমসুং মখোয়না শেম্লিবা সেল্ফ-রিগুলেতরী বোদীশিং অসিগী ওইরগনি৷ দিজিতেল ন্যুজ পব্লিসরশিং অসিনা ফাইনেলাইজ তৌরিবা মরু ওইবা ইনফোর্মেসন খরা অচম্বা মওং অমদা মন্ত্রালয় অসিদা পীশিনবা মরু ওই অমসুং মখোয়না লৌখৎলিবা গ্রিবেন্স রিদ্রেসেল অদু চাং নাইনা পব্লিক দোমেন্দা ফংহনবা মরু ওই৷ ত্রেদিস্নেল প্লেকফোর্মশিং অসিদা য়াওরিবা কন্তেন্তশিং অসিগা চপ-মান্নবা মওংদা কন্তেন্ত য়াওদুনা প্রিন্ত মেদিয়া অমসুং তি.ভি. চেনেলশিং অসিদা দিজিতেল বর্জনশিং লৈ হায়না মহাক্না ফোংদোকখ্রে৷ অদুমওইনমক দিজিতেল প্লেতফোর্ম খক্তদা য়াওবা মানবা কন্তেন্তশিংসু লৈ৷ মসিনা দিজিতেল প্লেতফোর্ম খক্তদা য়াওবা তোঙান তোঙানবা এন্তাইতীশিং লৈ হায়বা অসি উৎলে৷ মসিগী মতুং ইন্না, রুলশিং অসিনা ন্যুজ অসি দিজিতেল মেদিয়াদা মনুং চলহন্দুনা ত্রেদিস্নেল মেদিয়া অসিগা চাং চপ মান্ননা লৈহন্নবা হোৎনৈ৷

তি.ভি. অমসুং ন্যুজ প্রিন্ত মেদিয়া অসিনা মতম কুইনগী মমাংদগী কেবল তেলিবিজন নেতৱার্ক এক্ত অমসুং প্রেস কাইন্সিল এক্তকী নোর্মশিং মতুং ইন্দুনা লাক্লি হায়না শরুক য়ারিবা মীহুৎশিং অসিনা রুলশিং অসিবু তরাম্না ওক্লদুনা ফোংদোকখ্রে৷ মখাতানা দিজিতেল বর্জনশিং অসি ফোংনবগীদমক পব্লিসরশিং অসিনা ত্রেদিস্নেল প্লেতফোর্মশিং অসিগী লৈরিবা নোর্মশিং অসি ইনবা মরু ওই৷ মখোয়শিং অসি দিজিতেল প্লেতফোর্ম খক্তদা লৈরিবা ন্যুজ পব্লিসরশিং অসিদগী তোখায়বা মওং অমদা লোইনগদবনি হায়বা অসি মখোয়না ফাওজৈ৷

থৌরম অসিদা শরুক য়ারিবা মীহুৎশিংনা মখোয় মখোয়গী ৱাখল্লোনশিং অদু ফোদোরকপগীদমক মীহুৎশিং অদু শ্রী জবদেকরনা থাগৎখ্রে অমসুং মেদিয়া ইন্দস্ত্রী পুম্নমক অসি চাওখৎপা পুরক্নবগীদমক মসিগী কনসল্তেতিব প্রেসেস অসি সরকার অসিনা মখা চত্থরগনি হায়না ফোংদোকখ্রে৷

*****