ریلوے سفر کے دوران شکایات اور انکوائیری کےلئے مختلف ہیلپ لائن نمبروں کے سلسلے میں ہونے والی پریشانی کو دور کرنے کےلئے ہندوستانی ریلوے  نے سفر کے دوران شکایات اور انکوائیری  کے جلد حل کےلئے سبھی ریلوے ہیلپ لائن کو سنگل نمبر 139(ریلوے مدد ہیلپ لائن) میں ضم کردیا ہے۔ نئے ہیلپ لائن نمبر139کے سبھی حالیہ ہیلپ لائن نمبروں کی جگہ لینے کے بعد،مسافروں کےلئے اس نمبر کو یاد رکھنا اور سفر کے دوران ان کی سبھی قسم کی ضرورتوں کےلئے ریلوے کے ساتھ رابطہ کرنا آسان ہوجائےگا۔

ریلوے کی مختلف شکایت ہیلپ لائنز کو پچھلے سال بند کردیا گیا تھا۔ اب ہیلپ لائن نمبر 182بھی یکم اپریل ،2021میں بند ہوجائے گی اور 139میں مل جائے گی۔

ہیلپ لائن 139 بارہ زبانوں  میں دستیاب ہوگی۔مسافر آئی وی آر ایس (انٹرایکٹو وائس رسپانس سسٹم) کا انتخاب کرسکتے ہیں یا  * (ایسٹیرسک) دبانے پر کال سینٹر ایگزیکیوٹو سےبراہ راست رابطہ کرسکتے ہیں۔139پر کال کرنے کےلئے کسی اسمارٹ فون کی کوئی ضرورت نہیں ہے ،اس طرح سبھی موبائل یوزرس کو آسان پہنچ حاصل ہوجائےگی۔

واضح رہے کہ  ایک اوسط بنیاد پر ہیلپ لائن 139روزانہ 344513کالس اور ایس ایم ایس حاصل کرتی ہے۔

139ہیلپ لائن ( آئی وی آر ایس) کا مینیو درج ذیل ہے-

-سکیورٹی اور میڈیکل مدد کےلئے مسافر کو ایک دبانا ہے،جو فوراً کال سینٹر ایگزیکیوٹو  سے کنیکٹ ہوجاتا ہے۔

-پوچھا تاچھ کےلئے ،مسافر کو 2دبانا ہے اور سب مینیو میں پی این آر حالات،ریل گاڑی کی آمدورفت ،سیٹوں کی دستیابی ،کرائے سے متعلق پوچھ تاچھ،ٹکٹ بکنگ،سسٹم ٹکٹ کینسلیشن ،ویک اپ الارم فیسلٹی/ڈیسٹنیشن الرٹ،ویہل چیئر بکنگ،میل بکنگ جیسی سہولیات حاصل کی جا سکتی ہیں۔

-عام شکایات کےلئے مسافر 4دبائیں۔

-ویجیلینس سے متعلق شکایات کےلئے مسافر 5دبائیں۔

-پارسل اور سامان سے متعلق پوچھ تاچھ کےلئے مسافر 6دبائیں۔

-آئی آر سی ٹی سی آپریٹیڈ ریل گاڑی پوچھ تاچھ کےلئے مسافر 7دبائیں۔

-شکایات کی صورت حال کےلئے مسافر 9دبائیں۔

-کال سینٹر ایگزیکیوٹو سے بات کرنے کےلئے مسافر *(ایسٹیرسک)دبائیں۔

ریلوے کی وزارت نے مسافروں کو آگاہ کرنے  اور انہیں بیدار کرنے کےلئے سوشل میڈیا  مہم  بھی لانچ کی ہے۔# OneRailOneHelpline139

*****************

ش ح ۔ا م۔ م ف۔

U:2266