نئی دلّی  ،07 مارچ، 2021 /

ملک کی چھ ریاستوں، مہاراشٹر، کیرالہ، پنجاب، کرناٹک، گجرات اورتمل ناڈو میں کووڈ-19 کے معاملے روزانہ تیزی سے بڑھ رہے ہیں۔ پچھلے 24 گھنٹوں کو دوران 18711 نئے معاملوں میں سے ان ریاستوں سے 84.71 فیصدمعاملے درج ہوئے۔

مہاراشٹر میں یومیہ بنیاد پرسب سے زیادہ 10187  نئے معاملے درج ہوئے ہیں، اس کے بعد کیرالہ میں 2791 اور پنجاب میں 1159 نئے معاملے درج ہوئے ہیں۔

مرکز ، اُن ریاستوں اور مرکز کے زیر انتظام علاقوں  کی صورتحال پر نظر رکھے ہوئے ہے، جہاں کووڈ کے  فعال معاملے تیزی سے بڑھ رہے ہیں اور روزانہ نئے  معاملوں میں اضافہ درج ہورہا ہے۔ اس نے مہاراشٹر اور پنجاب میں اعلیٰ سطحی ٹیموں کو  روانہ کیا ہے جہاں روزانہ نئے معاملوں میں تیزی سے  اضافہ دیکھا جارہا ہے۔

8 ریاستوں میں  نئے معاملوں  میں روزانہ تیزی سے اضافہ کا رجحان دیکھا جارہا ہے۔

مجموعی طور پرہندوستان میں فعال معاملوں کی تعداد آج 1.84 لاکھ (184523) تک پہنچ گئی ہے۔ ہندوستان میں موجودہ فعال معاملوں کی تعداد ، ملک کےمجموعی مثبت معاملوں کا صرف 1.65 فیصد ہے۔

درج ذیل گراف 17 جنوری 2021 سے 07 مارچ 2021 تک فعال معاملوں میں دن بہ دن تبدیلی دیکھی جاسکتی ہے۔

عبوری رپورٹ کے مطابق آج صبح 7 بجے تک 339145 سیشنز کے ذریعے  2 کروڑ سے زیادہ  (20922344) افراد کو ویکسین کی خوراک  دی جاچکی ہے۔ان میں سے6982637صحت کارکنان (ایچ سی ڈبلیو)  کو ویکسین کی پہلی خوراک، 3542123  صحت کارکنان کو  دوسری خوراک ،6587752 فرنٹ لائن اہلکاروں کوپہلی خوراک اور 211918 فرنٹ لائن اہلکاروں  کو دوسری خوراک دی جاچکی ہے۔ جبکہ45 سال سے زیادہ عمر کے سنگین بیماریوں سے متاثرہ 476041  مستفدین کو(پہلی خوراک) اور 60 سال سے زیادہ عمر کے 3123873 مستفدین کوخوراک دی گئی۔

ٹیکہ کاری مہم کے 50ویں دن (6  مارچ 2021) تک مجموعی طور پر  4 لاکھ سے زیادہ (1424693)  ویکسین کی خوراک دی گئی۔ جس میں سے 1171673مستفدین  (ایچ سی ڈبلیو اور ایف ایل ڈبلیو)کو 17654 سیشنز کے دوران پہلی خوراک  کے ٹیکے لگائے گئے اور253020 صحت کارکنان و فرنٹ لائن اہلکاروں کو دوسری خوراک کے ٹیکے لگائے گئے۔

گذشتہ 24 گھنٹوں میں کووڈ سے 100 اموات درج ہوئی ہیں۔

87.00 فیصداموات کے نئے معاملے 6 ریاستوں سے متعلق ہیں۔ مہاراشٹر میں سب سے زیادہ (47) اموات ہوئی ہیں۔اس کے بعد  کیرل میں 16 اموات  جبکہ  پنجاب میں 12 افراد کی موت ہوئی ہے۔

درج ذیل گراف اس امر کی نشاندہی کرتا ہے کہ پچھلے دو ہفتوں میں   10 ریاستوں میں کووڈ-19 سے کوئی موت واقع نہیں ہوئی ہے۔ جبکہ 12 ریاستوں میں  ایک سے 10 کے درمیان موتیں  درج ہوئی ہیں۔

19 ریاستوں/ مرکز کے زیر انتظام علاقوں میں پچھلے 24 گھنٹوں کے دوران کووڈ-19 سےموت کی کوئی بھی اطلاع نہیں ملی ہے۔یہ ریاستیں/مرکز کے زیر انتظام علاقے  ہیں:  راجستھان،  اترپردیش، چنڈی گڑھ، اتراکھنڈ، گوا،اڈیشہ، ہماچل پردیش، جھارکھنڈ،  سکم، لکشدیپ،  لداخ (مرکز کے زیر انتظام  علاقہ)، منی پور،  میگھالیہ، ناگالینڈ، دمن و دیو ، دادر و نگر حویلی، تریپورہ، میزورم، انڈمان و نکوبار جزائر اور اروناچل پردیش۔

*****

ش ح۔ ن ر (07.03.2021)

U NO: 2234