সোসিএল জস্তিস অমসুং এম্পাৱরমেন্তগী কেন্দ্রগী মন্ত্রী শ্রী থাৱরচন্দ গহলোদনা হয়েং ভিদিও কনফরেন্সকী খুত্থাংদা “সুগম্যা ভারত এপ” অমসুং “এক্সেস – দি ফোতো দাইজেস্ত” কৌবা হেন্দবুক অমা ভর্চ্যুএল ওইনা হৌদোক্কনি। এপ অমসুং হেদবুক অসি সোসিএল জস্তিস অমসুং এম্পাৱরমেন্ত মন্ত্রালয়গী মখাদা দিপার্তমেন্ত ওফ এম্পাৱরমেন্ত ওফ পর্সন্স ৱিথ দিসএবিলিতীজ (দি.ই.পি.দবল্যু.দি)না দিবেলপ তৌখিবনি। হৌদোকপগী থৌরম অসি হয়েং অয়ুক পুং ১১.০০দা https://webcast.nic.in/msje/দা ৱেব-তেলিকাস্ত তৌগনি। মসিগী মতুংদা মোবাইল এপ অদু এনদ্রোইদ য়ুজরশিংনা প্লে স্তোরদগী দাউনলোন তৌবা য়াগনি। এপ অসিগী আই.ও.এস. ভর্জন মার্চ ১৫, ২০২১দগী ফংলগনি।

সুগম্যা ভারত এপ – ক্রাউদ সোর্সিং মোবাইল এপ্লিকেসন অসি এক্সেসিবল ইন্দিয়া কেম্পেনগী য়ুম্বী ৩ হায়বদি ভারত্তা এনভাইর্নমেন্ত, ত্রান্সপোর্তেসন সেক্তর অমসুং আই.সি.তি সেক্তর শেমগৎপা অসিগী মতাংদা ভাব তাহন্নবা অমসুং খুদোংচাবা ফংবা হেনগৎহন্নবা পাম্বৈ অমনি। এপ অসিনা মপুং ওইবা ফীচর মঙা ফংহল্লি, মসিগী মনুংদা ৪দি এক্সেসিবিলিতী হেনগৎহন্নবগা হকথেংননা মরী লৈনৈ অমরোমদা মঙাশুবা অসিনা মীমান্নদ্রবা মীওইশিংগী কোবিদকা মরী লৈনবা সমস্যাশিংগী খক্তা ওইবা অখন্নবা ফীচর অমনি। এক্সেসিবিলিতীগা মরী লৈনবা ফীচরশিং অদুদি:  সুগম্যা ভারত অভিয়ানগী মপুং ওইবা য়ুম্বী ৩দা এক্সেসিবিলিতী ফংদবগী ৱাকৎশিং রেজিস্ত্রেসন তৌবা; জন-ভাগিধারী ওইনা মীয়াম্না পাউদম্লকপা মতৌ তম্বা য়াবা খুদমশিং অমসুং অফবা থৌওংশিংগী পোজিতিব ফীদবেক; বোভাগকী ওইবা অপদেৎশিং; অমসুং এক্সেসিবিলিতীগা মরী লৈনবা গাইদলাইনশিং অমসুং সর্ক্যুলরশিং।

সুগম্যা ভারত এপ অসি মমিং, মোবাইল নম্বর অমসুং ইমেল আই.দি. ফিল্দ ৩ খক্তা মথৌ তারিবা অরায়বা রেজিস্ত্রেসনগী প্রোসেস ওইবা লায়না শিজিন্নবা য়াবা মোবাইল এপ অমনি। রেজিস্তর তৌরবা য়ুজরশিংনা এক্সেসিবিলিতীগা মরী লৈনবা সমস্যাশিং পুখৎপা য়াগনি। এপ অসি ইজী দ্রোপ-দাউন মেন্যুশিং, হিন্দী অমসুং ইংলিশতা ভিদিওশিং অসিগুম্বা মখল কয়াগী য়ুজর-ফ্রেন্দলী ওইবা ফীচরশিং ফংহনখি লোইননা রেজিস্ত্রেসন অমসুং ফোতোগ্রাফশিংগা লোইননা ৱাকৎশিং অপলোদ তৌবগী থৌওংশিং উৎনবা সাইন লেংগ্বেজ ইন্তরপ্রিতেসনসু হাপখ্রে। এপ অসি ময়েক্কী অপীকপা-অচাউবা শেম্বা য়াবা, মচু শেমদোক্নবগী ওপ্সন, তেক্স তু স্পীচ অমসুং হিন্দী অমসুং ইংলিশতা ইন্তিগ্রেতেদ স্ক্রীন রীদর অমা অসিগুম্বা ফীচরশিংগা লোইননা মীমান্নদ্রবা মীওইশিংনা লায়না শিজিন্নবা য়াহন্নবা শেমখি। মসি হিন্দী, ইংলিশ, মরাথি, তামিল, ওরিয়া, কন্নাদা, তেলিগু, গুজরাতি অমসুং মলয়ালম হায়রিবা রিজনেল লোল ১০দা ফংগনি। এপ অসিদা এক্সেসিবিলিতীগী ইন্তরবেন্সন মথৌ তাবা মফমগী ওইনা জিওতেগ্গিংগী ওপ্সনগা লোইননা লায়না ফোরো অপলোদ তৌনবা প্রোবিজনসু য়াওহনখি। এপ অসিদা রেজিস্ত্রেসন তৌবা মতমদা, চাং নাইনা স্তেতস অপদেৎশিং তৌবা লোইননা ৱাকৎশিং কোকহনবা অমসুং লোইশিনবা মতমদা য়ুজরশিংদা নোতিফিকেসনশিং থানবগী প্রোবিজন য়াওরি।

দি.ই.পি.দবল্যু.দি.না তোঙান তোঙানবা রাজ্যশিং অমসুং য়ু.তি.শিংদগী ফোতোগ্রাফশিংগী কল্লেক্সন অমগা লোইননা “এক্সেস – দি ফোতো দাইজেস্ত” হায়না কৌবা হেন্দবুক অমসু শেমখ্রে। লাইরিক অসি তঙাই ফদবা ফীচর ১০গী ‌এক্সেসিবিলিতীগী অমসুং লায়না খঙনবা অয়েকপা লাইগী মওংদা মরী লৈনবা অফবা-ফত্তবা থৌওংশিংগী মতাংদা খুৎলাই অমা ওইনা অমসুং স্তেকহোল্দরশিং ভাব তাহন্নবা ওইনা শেমখিবনি। হেন্দবুক অসিগী ইলেক্ত্রোনিক ভর্জনসু এপ অসিদা অমসুং বিভাগকী ৱেবসাইৎতা ফংলগনি।

*****