ভারতকী অপুন্না এক্তিব কেসলোদ অসি ঙসি ১,৬৪,৫১১ য়ৌখ্রে। ভারতকী হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী ১.৪৮% নি।

রাজ্য ৬তা –মহারাস্ত্র, কেরেলা, পঞ্জাব, কর্নাতকা, তামিল নাদু অমসুং গুজাত – হৌখিবা পুং ২৪ অসিদা অনৌবা কেসশিং ৱাংখৎলকপা উবা ফংখ্রে। অনৌবা কেসশিংগী ৮৬.৩৭%দি রাজ্য অমসুং য়ু.তি.  ৬দগী ওইখ্রে।

হৌখিবা পুং ২৪দা অনৌবা কেস ১৬,৭৫২ রেজিস্তর তৌখ্রে। অনৌবা কেস ৮,৬২৩গা লোইননা মহারাস্ত্রনা মশিং খ্বাইদগী য়াম্না মখা তানা রিপোর্ত তৌরকখ্রে। কেরেলাদা ৩,৭৯২ অমরোমদা পঞ্জাবতা অনৌবা কেস ৫৯৩ থেংনবগী রিপোর্ত তৌদুনা মতুং ইন্নখ্রে।

নুংতিগী থেংনবা অনৌবা কেসশিংদা রাজ্য নিপান্না ত্রেজেক্তরীদা মথক কাখৎলক্লি।

কেন্দ্রনা এক্তিব কেসশিংগী কেসলোদ ৱাংলিবা অমসুং নুংতিগী ওইনা থেংনবা অনৌবা কোবিদ কেসশিংদা ৱাংখৎলকপগী রিপোর্ত তৌরক্লিবা রাজ্যশিং অমসুং য়ু.তি.শিংগা লোইননা থবক পাইখৎমিন্নরি। তেলঙ্গনা, মহারাস্ত্র, ছত্তিসগর, এম.পি. গুজরাত, পঞ্জাব, জে অমসুং কে অমসুং ৱেস্ত বেঙ্গল য়াওনা রাজ্যশিং/য়ু.তি.শিংগা লোইননা পাঙথোকপা অৱাংবা থাক্কী য়েংশিন মীফম অমদা কেবিনিৎ সেক্রেতরীনা ময়াই তাংবল লৌখ্রে।

কেবিনেৎ সেক্রেতরীনা লাইনা শন্দোকপা লাকশিন্নবা মখা তানা অকনবা খোঙথাংশিং লৌখৎনবা অমসুং হৌখিবা চহিদগী পুন্না কন্না হোৎনমিন্নদুনা ফংলকখিবা কান্নবশিং অসি অরেম্বা তাহন্নদনবা রাজ্যশিংদা অমুক হন্না নীংশিংখ্রে। রাজ্যশিংদা চেকশিনবা লেপ্তনবা, কোবিদকা চুনবা চৎন-লোনচৎ ঙাক্না চৎনবা অমসুং মসি থুগাইবশিং হকচিন্না লৌনবা পাউতাক পীখ্রে। রাজ্যশিংনা য়াম্না খোঙজেল য়াংনা শন্দোক্লিবা অসি য়েংলগা মপুং ফানা সর্ভিলেন্স চত্থনবা অমসুং ত্রেকিংগী লালোংশিং পাইখৎনবা অকনবা ৱাফম থমখ্রে। মপুং ফানা তেস্ত তৌবা, পাক শন্না ত্রেক ঔবা, পোজিতিব কেসশিং খুদক্তা আইসোলেসন তৌবা অমসুং নকশিন্নরুবা মীওইশিং থুনা ক্বারন্তাইন তৌনবা খঙহনখ্রে।

কেন্দ্রনা কেরেলা, মহারাস্ত্র, কর্নাতকা, তামিল নাদু, ৱেস্ত বেঙ্গল, ছত্তিসগর, পঞ্জাব, মধ্য প্রদেশ, গুজরাত অমসুং জম্মু অমসুং কাশ্মির (য়ু.তি.)দা কোবিদ১৯ কেসশিংগী মশিং হন্দক ৱাংখৎলক্লিবা অসিগী মরমশিং খঙদোক্নবা অমসুং রাজ্যগী হকশেল বিভাগশিংগা লোইননা খুৎশম্নদুনা কোবিদ১৯ কন্ত্রোল তৌবা অমসুং লাকশিন্নবা খোঙথাংশিং পাইখৎমিন্ননবা অৱাংবা থাক্কী মল্তি-দিস্সিপ্লিনরী তীমশিং থাজিনখ্রে।

কোবিদ বেক্সিনেসনগী লমদনা, প্রোবিজনেল রিপোর্তকী মতুং ইন্না ঙসি অয়ুক্কী পুং ৭ ফাওবা সেসন ২,৯২,৩১২গী খুত্থাংদা কাপখিবা অপুনবা বেক্সিন দোজ অসি ১,৪৩,০১,২৬৬ শুখ্রে। মসিদা ঐচ.দবল্যু.সি. ৬৬,৬৮,৯৮৫ (অহানবা দোজ), ঐচ.দবল্যু.সি. ২৪,৫৬,১৯১ (অনিশুবা দোজ) অমসুং এফ.এল.দবল্যু. ৫১,৭৫,০৯০ (অহানবা দোজ) য়াওখি।

ভারতনা মার্চ ১, ২০২১দগী চহি ৬০গী মথক অমসুং পীরিবা কো-মোর্বিদকী কন্দিসনশিং অসিগা লোইনরিবা চহি ৪৫গী মথক্কী মীওইশিংগী কোবিদ-১৯ বেক্সিনেসনগী অনিশুবা ফেজ হৌনবা শেম শারে। কোবিদ-১৯ বেক্সিনেসনগী চাং হেনগৎহন্নবা আয়ুশ্মান ভারত পি.এম.জে.এ.আই.গী মখাদা লৈবা চাউরাক্না লনাই হোস্পিতাল ১০,০০০ অমসুং কেন্দ্র সরকারগী হকশেলগী স্কীমগী মখাদা লনাই হোস্পিতাল ৬০০ হেনবা অসি শিজিন্নগনি। রাজ্য সরকারশিংগী হেল্থ ইন্সুরেন্স স্কীমগী মখাদা ইম্পেনেল তৌবা অতোপ্পা লনাই হোস্পিতালশিংনা কোবিদ-১৯ বেক্সিনেসন সেন্তরশিং (সি.ভি.সি.) ওইনা শরুক য়াগনি।

কোবিদ-১৯ বেক্সিনেসন সেন্তরশিং ওইনা রাজ্যশিং/য়ু.তি.শিংনা শিজিন্নবা য়াগদবা সি.জি.ঐচ.এস.কী ইম্পেনেল তৌবা হোস্পিতালশিংগী লিস্ত মসিদা য়াওরি: https://www.mohfw.gov.in/pdf/CGHSEmphospitals.xlsx

কোবিদ-১৯ বেক্সিনেসন সেন্তরশিং ওইনা রাজ্যশিং/য়ু.তি.শিংনা শিজিন্নবা য়াগদবা আয়ুশ্মান ভারত পি.এম.জে.এ.আই.গী ইম্পেনেল তৌবা হোস্পিতালশিংগী লিস্ত মসিদা য়াওরি: https://www.mohfw.gov.in/pdf/PMJAYPRIVATEHOSPITALSCONSOLIDATED.xlsx

হৌজিক ফাওবদা পুন্না মীওই করোর ১.০৭ (১,০৭,৭৫,১৬৯) ফগৎখ্রে। হৌখিবা পুং ২৪দা মীওই ১১,৭১৮ নাবা ফগৎতুনা দিসচার্জ তৌখ্রে।

নৌনা ফগৎলকখিবা কেসশিংগী ৮৪.১৯%দি রাজ্য/য়ু.তি. ৬দগী ওইখ্রে।

নৌনা ফগৎখিবা কেস ৪,৬৫০গা লোইননা মহারাস্ত্রনা নোংমদা খ্বাইদগী মশিং ৱাংনা ফগৎলকপগী রিপোর্ত তৌরকখ্রে। হৌখিবা পুং ২৪দা কেরেলাদা মীওই ৩,৬৪৮ অমসুং তামিল নাদুদা ৪৯১ ফগৎতুনা মতুং ইন্নখ্রে।

হৌখিবা পুং ২৪দা লৈখিদবা ১১৩ রিপোর্ত তৌরকখ্রে।

নৌনা লৈখিদবগী ৮৪.৯৬%তি রাজ্য তরুক্তগী ওইখ্রে। মহারাস্ত্রদা মশিং খ্বাইদগী য়াম্না লৈখিদে (৫১)। হৌখিবা পুং ২৪দা কেরেলাদা লৈখিদবা ১৮ অমসুং পঞ্জাবতা লৈখিদবা ১১গী রিপোর্ত তৌরকখ্রে।

হৌখিবা পুং ২৪দা রাজ্য/য়ু.তি. ১৯তা কোবিদ১৯গা মরী লৈননা লৈখিদবগী রিপোর্ত তৌরকখিদে। মখোয় অদুদি উত্তর প্রদেশ, অন্ধ্র প্রদেশ, জে অমসুং কে (য়ু.তি.), ওরিশা, গোৱা, চান্দিগর, হিমাচল প্রদেশ, অসাম, লক্ষদীপ, মনিপুর, সিক্কিম, লদাক(য়ু.তি.), মিজোরাম, মেঘালয়, ত্রিপুরা,  নাগালেন্দ, ঝার্খন্দ,  এ অমসুং এন ঈথৎশিং, দি অমসুং দি অমদি দি অমসুং এন অমসুং অরুনাচল প্রদেশ অসিনি।

****