স্পেক্তেতর লাখ ১.৩২গী কেপাসিতী লৈদুনা নরেন্দ্র মোদী ক্রিকেৎ স্তেদিয়ম অসিনা মালেম অসিগী খ্বাইদগী চাওবা ক্রিকেৎ স্তেদিয়ম ওইরকপা অসি ঐখোয় পুম্নমক্কী ওইনা য়াম্না চাওথোকচনিংঙাইনি হায়না নরেন্দ্র মোদী ক্রিকেৎ স্তেদিয়ম অসি শঙ্গাবগী থৌরমদা ভারতকী রাস্ত্রপতি শ্রী রাম নাথ কোবিন্দনা ফোংদোকখ্রে অমসুং ঙসি (২০২১গী ফেব্রুৱারি ২৪দা)অহমেদবাদতা শাগদৌরিবা সরদার বল্লভবাই পতেল স্পোর্তস এনক্লেব অসিগী উরেপ-উয়ুং তমখ্রে৷ স্তেদিয়ম অসি মাসেম অসিদা খ্বাইদগী চাওবা স্তেদিয়ম অমা ওইবতা নত্তনা মসিনা তোঙান তোঙানবা স্পোর্তিং এক্তিবিতীশিং অসিগীদমক ৱাল্দ ক্লাস ফেসিলিতীশিং ফংহল্লি হায়না মহাক্না ফোংদোকখ্রে৷ হৌজিক লৈরিবা নরেন্দ্র মোদী স্তেদিয়ম অসিগী মশক অসি লাক্নবা হোৎনবদা শরুক য়ারিবা গুজরাত ক্রিকেৎ এসোসিয়েসনগী পার্তনরশিং, এজেন্সীশিং অমসুং ওফিসিয়েল পুম্নমকপু মহাক্না থাগৎখ্রে৷ স্তেদিয়ম অসিবু থাগৎলদুনা গ্রীন-বিল্দিং সর্তিফিকেসনগী গোল্দ রেতিংগা লোইননা মসিনা ইকো-ফ্রেন্দলী দিভেলপমেন্তগী য়াম্না মশক থোকপা খুদম অমা ওইরি হায়না রাস্ত্রপতি অসিনা ফোংদোকখ্রে৷

ভারত লৈবাক অসি ‘ক্রিকেৎকী পৱার হাউস’ নত্রগা ‘ক্রিকেৎকী হব’ হায়না খঙনৈ হায়না রাস্ত্রপতি অসিনা ফোংদোকখ্রে৷ মরম অদুনা মালেম অসিগী খ্বাইদগী চাওরবা ক্রিকেৎকী স্তেদিয়ম অসি ঐখোয়গী লৈবাক অসিদা লৈবা অসি য়াম্না মতিক চাই৷ শ্রী অমিত শাহনা গুজরাত ক্রিকেৎ এসোসিয়েসনগী চিয়রমেন ওইনা থৌ পুদুনা মতম অদুগী গুজরাতকী মুখ্য মন্ত্রী শ্রী নরেন্দ্র মোদীগী লুচিং মখাদা শেম্বা হৌখিবা মসিগী বিল্দিং অসি শেম্নবা হোৎনবদা লৌখিবা থৌদাংশিং অদু মহাক্না থাগৎখ্রে৷

ইন্দিয়ন হিন্তরলেন্দগী শহরশিং অমসুং অপিকপা খুঙ্গংশিং অসিদগী লাক্লিবা ঐখোয়গী নহা ওইরিবা ক্রিকেতর অয়াম্বনা মখোয় মখোয়না য়াম্না কন্না হোৎনবনা মরম ওইদুনা মশক থোকপা স্পোতিং তেলেন্তশিং লৈবা অদু রাস্ত্রপতি অসিনা ফবা ফংখ্রে৷ ঐখোয়গী নহাশিং অসি অতোপ্পা মশান্নশিং অসিদা মালেমগী থাক্তা শান্নবা ঙম্বগী শক্তি অদুসু লৈ৷ মসিগীদমক ঐখোয়না ক্রিকেৎতা ফংহল্লিবা খুদোংচাবা অসিগুম্না অতোপ্পা মশান্নশিং অসিদসু মালেমগী থাক্তা খুদোংচাবশিং মখোয়দা ঐখোয়না ফংহনগদবনি৷ মসিগী পান্দম অসিগা লোইননা নরেন্দ্র মোদি স্তেদিয়মগী পর্মিজেস্তা মালেমগী থাক্তা লৈবা স্পোর্তস এনক্লেব অমা শান্নবা গুজরাত সরকারনা ইনিসিয়েতিব অদু লৌখৎখ্রে৷

স্পোর্তস ফেসিলিতীশিং শেমগৎ শাগৎলিবা অসিদা তেলেন্ত লৈরবা প্লেয়র ময়াম অমনা হায়রিবা খুদোংচাবশিং অসি লৌগদবনি হায়না রাস্ত্রপতি অসিনা ফোংদোকখ্রে৷ ঐখোয়গী স্পোর্তস তেলেন্ত অসি মপুং ফানা চাওখৎহনবা মতমদা ফেসিলিতী অমসুং ফেসিলিতী অসিবু শিজিন্নবা অসি য়াম্না মরু ওই৷ য়াম্না মনুং হঞ্জিনবা মফমশিংদা লৈরিবা তুংগী অশা য়াম্না চাওনা লৈরিবা শান্নরোইশিংনা শেল-থুমগী ফিভম ফত্তবা নত্রগা অতোপ্পা খুদোংচাদবা কয়া অমনা মরম ওইদুনা মখোয় মখোয়গী লৈজরিবা তেলেন্তশিং অদু উৎথোক্নবগী খুদোংচাবা অদু ফংদে৷ মসিনা মরম ওইদুনা নহা ওইরিবা শান্নরোইশিং অসিদা খুদোংচাবশিং অসি ফংহন্নবা য়াম্না কন্না হোৎনরি৷ অসিগুম্বা খুদোংচাবশিং অসি ফংহন্নবা হোৎনবা অসিনা লৈবাক অসিদা লোৎশিন্দুনা লৈরিবা য়াম্না তেলেন্ত লৈরবা শান্নরোইশিং অসিগী মখোয় মখোয়গী তেলেন্তশিং অদু উৎথোকপগী খুদোংচাবা অমা পীরগনি৷

প্রধান মন্ত্রী শ্রী নরেন্দ্র মোদীনা গুজরাতকী মুখ্য মন্ত্রী ওইনা থৌ পুরিঙৈ মতমদা স্পোর্তশিং অসি চাওখৎনবা মহাক্না য়াম্না কন্না হোৎনরম্মী হায়না রাস্ত্রপতি অসিনা ফোংদোকখ্রে৷ কেন্দ্র সরকার অসিনা লৈবাক অসি শিনবা থুংনা স্পোর্তসকী অনৌবা কল্চর অমা শেমগৎলি হায়না রাস্ত্রপতি অসিনা ফোংদোকখ্রে৷ ‘খেলো ইন্দিয়া’ অমসুং ‘ফিত-ইন্দিয়া’গুম্বা কেম্পেন্দশিং অসিনা মীয়ামশিং অসিগী মরক্তা অফবা হকশেল অমসুং স্পোর্তস অসি হেন্না হেন্না শান্নহন্নবা হোৎনৈ৷  ‘তার্গেৎ ওলিম্পিক পোদিয়ম স্কিম’গুম্বা প্রোগ্রামশিং অসিগা লোইননা স্পোর্তিং ৱাল্দ অসিদা ইন্দিয়ানা রেজিস্তর তৌনবা য়াম্না কন্না হোৎনরি৷  নৌনা শঙ্গারিবা স্তেদিয়ম অসিদা ঙসি শান্নগদৌরিবা ইন্দিয়ন অমসুং ইংলিস ক্রিকেৎ তীমশিং অসিদা মহাক্না য়াইফ পাউজেল পীখ্রে৷

রাস্ত্রপতিগী ৱারোল অদু হিন্দীদা উবা ফংনবা মফম অসিদা নম্বিয়ু

                                                                                      ******