প্রধান মন্ত্রী শ্রী নরেন্দ্র মোদীনা ঙসি ৱেস্ত বেঙ্গলগী নৱপারাদগী দক্ষিনেস্বর ফাওবগী মেত্রো রেলৱেগী এক্সতেন্সন শঙ্গাখ্রে অমসুং স্ত্রেৎ অসিগী অহানবা সর্ভিস লমথাখ্রে। মহাক্নসু কলাইকুন্দা অমসুং ঝারগ্রামগী মরক্তা লৈবা অহুমশুবা লাইন শাঙ্গাখ্রে।

শ্রী মোদীনা ইস্তর্ন রেলৱেজগী অজিমগঞ্জদগী খরগ্রাঘাৎ রোদ সেক্সন দব্লিং তৌরিবা অসি জাতিদা কত্থোকখ্রে। মহাক্না মহাক্না জাতিদা দনকুনী অমসুং বারুইপরাগী মরক্তা লৈরিবা মরিশুবা লাইন অমসুং রসুলপুর অমসুং মগরাগী মরক্তা লৈবা অহুমশুবা লাইন কত্থোকখ্রে।

থৌরম অদুদা মীয়ামদা ৱা ঙাংবদা প্রধান মন্ত্রীনা হায় ঙসি শঙ্গারিবা প্রোজেক্তশিং অসিনা হুগলীগী অকোইবদা লৈরিবা মীওই মিলিয়ন কয়াগী পুন্সিদা নুংঙাইহল্লগনি। মহাক্না মখা তারদুনা হায় লৈবাক অসিগী চত্থোক-চৎশিনগী পাম্বৈশিং ফগৎলকপা অসিনা ঐখোয়ী মরোমদোম লেপচনবা হোৎনরিবা অমসুং থাজবগী মপাঙ্গল কনখৎহল্লগনি মহাক্না হায় কোলকাতা খক্তা নত্তনা হুগলী, হাওরা অমসুং নোর্থ ২৪ পরগনাস জিলাশিং অসিদসু মেত্রো সর্ভিসকী কান্নবা ফংলগনি। মহাক্না হায় নৱপারাদগী দক্ষিনেস্বর ফাওবগী মেত্রো রেলৱেগী এক্সতেন্সন শঙ্গাবা অসিগা লোইননা মফমশিং অসিগী মরক্তা চত্থোক-চৎশিন তৌবদা চংলম্বা মতম অদু মিনিৎ ৯০দগী মিনিৎ ২৫দা হন্থহল্লগনি। মহাক্না হায় সর্ভিসশিং অসিনা মহৈরোইশিং অমসুং শিন্মীশিংদা চাউনা কান্নবা ফংহল্লগনি।

প্রধান মন্ত্রীনা হৌজিক মতম অসিদা ভারত্তা শারিবা মেত্রো নত্ত্রগা রেলৱে সিস্তেমশিংদা মেদ ইন ইন্দিয়াগী শাফু অসি ময়েক শেংনা উবা ফংবদা নুংঙাইবা পোকই হায়না ফোঙদোকখ্রে। ত্রেকশিং শেম্বদগী হৌরগা অমসুং মোদর্ন লোকোমোতিবশিংদগী মোদর্ন ত্রেনশিং অমসুং মোদর্ন কোচশিং, গুদশিং অমসুং তেক্নোলোজী চাউনা শিজিন্নরিবা অসি ইন্দিজিনস ওইরি। মসিনা প্রোজেক্তকী থবক শুবা অসি খোঙজেল য়াংখৎখ্রে অমসুং কনস্ত্রক্সনগী ক্বালিতীসু হেনগৎহনখ্রে।

প্রধান মন্ত্রীনা হায় ৱেস্ত বেঙ্গল অসি লৈবাক অসি মরোমদোম লেপচনবগী মরু ওইবা সেন্তর অমা ওইদুনা লাকখি অমসুং মসিদা ৱেস্ত বেঙ্গল অমসুং অৱাং নোংপোক্কী ওইনা ইন্তরনেস্নেল ত্রেদকী ওইথোকপশিং চাউনা লৈ। প্রধান মন্ত্রীনা হায় মসিগী অনৌবা রেল লাইনশিং অসিগা লোইননা পুন্সিদা নুংঙাইহল্লগনি, ইন্দস্ত্রীশিংগী অনৌবা এভেন্যুশিংসু লৈরগনি।

মসিগী মরমদা অতেনবা ৱারোল:

মেত্রো রেলৱে এক্সতেন্সন

নৱপারাদগী দক্ষিনেস্বর ফাওবগী মেত্রো রেলৱেগী এক্সতেন্সন অমসুং স্ত্রেৎচ অসিগী অহানবা সর্ভিস লমথাবনা রোদ ত্রাফিক হন্থহল্লগনি অমসুং অর্বান মোবিলিতী ফগৎহল্লগনি। কি.মি. ৪.১ শাংবা এক্সতেন্সন অসি লুপা করোর ৪৫৪ চংনা শাখি অমদি কেন্দ্র সরকারনা ফন্দ পুম্নমক থাদখি। এক্সতেন্সন অসিনা লমকোইবা অমসুং লাইনিংবা লাখ কয়াগীদমক্তা কালিঘাৎ অমসুং দক্ষিনেশ্বর, মালেমগী মমিং লৈবা কালি তেম্পল অনি অসিদা চত্থোক-চৎশিন তৌবদা নুংঙাই হল্লগনি। বরানগর অমসুং দক্ষিনেশ্বর, নৌনা শাবা স্তেসন অনি অসিদা মোদর্ন পেসেঞ্জর এমেনিতীশিং ফংহল্লি অমসুং এস্থেতিক ওইবা মওংদা দিজাইন তৌখি অমসুং ম্যুরেলশিং, ফোতোগ্রাফশিং, স্কল্পচরশিং অমসুং মুর্তীশিংনা লৈতেংখি।

রেলৱে লাইনশিং শঙ্গাবা:

সাউথ ইস্তর্ন রেলৱেগী কি.মি. ১৩২ শাংবা খরগপুর-অদিত্যপুর থর্দ লাইন প্রোজেক্ত অসিগী কলাইকুন্দা অমসুং ঝারগ্রামগী মরক্তা কিমি. ৩০ শাবা স্ত্রেৎচকী থর্দ লাইন অসি লুপা করোর ১৩১২গী শেনফমদা সেঙ্কসন তৌখিবনি।  অনৌবা স্তেসন বিল্দিং মরি, অনৌবা ফুৎ ওভর ব্রিদজ তরুল অমসুং অনৌবা প্লেৎফোর্ম তরা-মাথোই লোইননা হান্নদগী লৈরিবা ইনফ্রাস্ত্রকচর রিনোভেসন তৌবগা লোইননা কলাইকুন্দা অমসুং ঝারগ্রামগী মরক্তা লৈরিবা স্তেসন মরি অসি অমুক হন্না শেমগৎখি। মসিনা হাওরা-মুম্বাই ত্রঙ্ক রুৎতা পেসেঞ্জর অমসুং  ফ্রৈ ত্রেন লেপ্পা লৈতনা চত্থোক-চৎশিন তৌবদা মতেং ওইরগনি।

ঙসি জাতিদা কত্থোকখিবা হাওরা – বর্ধামন কোর্দ লাইনগী দনকুনী অমসুং বরুইপরা (কি.মি. ১১.২৮)গী মরক্তা লৈরিবা মরিশুবা লাইন অমসুং হাওরা – বর্ধামন মেন লাইনগী রসুলপুর-মগরা (কি.মি. ৪২.৪২)গী মরক্তা লৈবা অহুমশুবা লাইন অসিনা কোলকতাগী প্রিন্সিপল গেৎৱে অমা ওইরগনি। রসুলপুর অমসুং মগরাগী মরক্তা লৈরিবা অহুমশুবা লাইন অসি লুপা করোর ৭৫৯ চংনা শাখি অমরোমদা দনকুনী অমসুং বরুইপরাগী মরক্তা লৈরিবা মরিশুবা লাইন অসি লুপা করোর ১৯৫ চংনা শাখি।

অজিমগঞ্জ –খরগ্রাঘাৎ লম্বী দব্লিং তৌবা

ইস্তর্ন রেলৱেগী হাওরা – বন্দেল – অজিমগঞ্জ সেক্সনগী শরুক অমা ওইরিবা অজিমগঞ্জতগী খরগ্রাঘাৎ রোদ সেক্সন দব্লিং তৌবগী প্রোজেক্তকী শেনফম লুপা করোর ২৪০ চংখি।

প্রোজেক্তশিং অসিনা ওপরেসন ফ্যুদিতী হেনগৎহল্লগনি, চত্থোক-চৎশিনগী মতম হন্থহল্লগনি অমসুং ত্রেন ওপরেসনশিংদা সেফতী হেনগৎহল্লগনি লোইননা লমদম অসিগী অপুনবা ইকনোমিক গ্রোথ লৈহল্লগনি।

***