ইকাই খুম্নজরবা চিয়রমেন,

মালেম অপুনবা অসি শিংনবা কয়া মায়োক্নরি। মীওইবা খুন্নাই অসিনা অসিগুম্বা অৱাবা তাঙ্কক অসি মায়োক্নরক্কনি হায়বসি কনাসু খল্লম্লোই। অসিগুম্বা শিংনবশিং অসিগী মরক্তা চহি তরাগী খুজিং অসিগী হৌরকপা মক্তদা ঐখোয়গী ইকাই খুম্নজরবা রাস্ত্রপতিজীনা অপুনবা হাউস্তা মহাক্কী ৱারোল থম্বীখিবা অদু, মশানা শিংনবশিংতনা থল্লবা মালেম অসিদা অনৌবা আশা পোকহনগদবা, অনৌবা য়েনীং চোংহনগদবা অমসুং অনৌবা ইশাবু থাজজবা ৱাখল পোকহনগদবা রাস্ত্রপতিজীগী ৱারোল ওইরি, মরোমদোম লেপচবা ভারতকী লম্বী তাকপীগদবা অমসুং চহি তরাগী খুজিং তাকপীগদবা অমসুং চহি তরাগী খুজিং অসিগীদমক্তা লম্বী অমা তাকপীগদবা রাস্ত্রপতিজীগী ৱারোল ওইরি।

ইকাই খুম্নজরবা চিয়রমেন,

ঐনা রাস্ত্রপতিজীবু থমোই শেংনা তৌবীমল খঙবা উৎচনবগীদমক ঙসি অদোম ময়ামগী মরক্তা লেপচরি। রাজ্য সভাদা চাউরাক্না পুং ১৩-১৪ ফাওবা ইকাই খুম্নজরবা মেম্বর ৫০ হেনবনা মখোয়গী ৱাখল্লোন থম্বীখ্রে, মমল য়াম্লবা ৱাখল্লোন থম্বীখ্রে, হিরম কয়াদা ৱাখল্লোন থম্বীখ্রে। অমসুং মসিগীদমক ঐনা ইকাই খুম্নজরবা মেম্বর পুম্নমকপু থমোই শেংনা খন্ন-নৈনবা অসিবু মপুং ফাহনবীবগীদমক তৌবীমল খঙবসু ফোংদোকচরি। রাস্ত্রপতিজীগী ৱারোল তাবীনবা পুম্নমক লৈবীরবদি ফগদবনি অমসুং দেমোক্রেসীগী মগুনসু হেনগৎকদবনি অমসুং ঐখোয়না রাস্ত্রপতিজীগী ৱারোল তাহৌদ্রে হায়বগী নীংঙমদবসু পোক্লোইদবনি। অদুবু রাস্ত্রপতিজীগী ৱারোলগী পাঙ্গল অসি অদুক্কী মতিক কল্লি মদুদি তাদ্রা ফাওবদসু ময়াম অমা হায়বা ঙম্লি। মসি মশানা ৱারোল অসিগী পাঙ্গলনি, ৱাখল্লোন অদুগী পাঙ্গলনি, ফিদমশিং অদুগী পাঙ্গলনি মদুগী মদুনা মরম ওইদুনা তাদ্রা ফাওবদসু ৱারোল য়ৌবা ঙম্মি। অমসুং মরম অসিনা ঐনা খঙই মদুদি ৱারোল অসিগী মগুন অসি শরুক কয়া ওইরকই।   

ইকাই খুম্নজরবা চিয়রমেন,

ঐনা হায়জখিবা অদুগুম্না, শিংনবা কয়াগী মরক্তা মসি রাস্ত্রপতিজীগী চহি তরাগী খুজিং অসিগী অহানবা ৱারোলনি। অদুবু মসিসু চুম্মি মদুদি ঐখোয়না মালেম অপুনবা অসিদা য়েংলকপা মতমদা, ভারতকী নহা ওইরিবা পুক্নীংবু য়েংলকপা মতমদা অসুম্না খল্লি মদুদি ঙসি ভারত অসি অচুম্বা ৱাহন্থোক্তা তাঞ্জাগী লমদম অমনি। তাঞ্জা কয়ানা ঐখোয়বু ঙাইদুনা লৈরি। অমসুং মরম অসিনা লৈবাক অসিনা নহা ওইরবা, লৈবাক অদু থৱাই য়াওবতনা থল্লবা, লৈবাক অদুনা মঙলান কয়া পুদুনা ফিরেপ অমগা লোইননা পন্থুং অদু ফংননবগীদমক হোৎনরবা, অদুগুম্বা লৈবাক অদুনা অসিগুম্বা তাঞ্জা অসি খক অরেম্বদা চৎহনখিরোই। ঐখোয় পুম্নমক্কীদমক্তা মসিসু তাঞ্জা অমনি মদুদি ঐখোয় নীং খা তম্বগী ৭৫শুবা চহিদা খোং থাংজিল্লি। মসি মশানা ইথিল পোক্নীংঙাই ওইরবা তাঞ্জা অমনি। ঐখোয়না মফম অমদবু লৈরবসু, মওং অমদবু লৈরবসু, ইমা ভারতীগী মচা ওইনা নীং খা তম্বা অসিগী ৭৫শুবা কুমওন অসি ঐখোয় ইথিল পোকহনবা কুম্মৈ ওইনা পাংথোক্কদবনি। লৈবাক অসিবু লাক্কদৌরিবা চহিশিংগীদমক্তা শেম-শাননবা করিগুম্বা খরা তৌবা তাই অমসুং ২০৪৭তা লৈবাক অসিনা নীং খা তম্বগী চহি চাম্মশুবা কুমওন পাংথোকপদা ঐখোয়না লৈবাক অসিবু কদাই ফাওবা পুগনি, মঙলানশিং অসিবু ঐখোয়না হন্না হন্না মঙজগবনি। ঙসি মালেম অপুনবা অসিনা ভারত্তা মিৎয়েং থম্লক্লি, ভারত্তা থাজবা কয়াসু থম্লি অমসুং মীয়াম্না থাজবসু থমলি মদুদি করিগুম্বা ভারতনা মসি তৌরগদি, মালেমগী সমস্যা ময়াম অমগী পাম্বৈ মসিদগী ফংগনি, থাজবা অসি ঙসি মালেমদা ভারতকীদমক্তা হেনগৎলক্লি। 

ইকাই খুম্নজরবা চিয়রমেন,

ঐনা তাঞ্জাশিংগী মতাংদা ৱারী শারকপা অসিদা, মহাকবি মৈথিলীশরন গুপ্তজীগী শৈরেং ঐ থিবা পামজৈ। গুপ্তজীনা হায়বীরম্মি –

তাঞ্জানা নঙগীদমক্তা লেপ্লি, অদুবু নঙদি তুমিন্না অসুম লৈশিল্লি।

নঙগী শিন্থাগী মফম চাউই মিৎকুপ খুদিং মমল নাইদবনি, হে ভারত হৌগৎলু, নমিৎ পাংউ॥

মসি মৈথিলীশরন গুপ্তজীনা ইবনি। অদুবু ঐনা খল্লি মতম অসিদা, ২১শুবা চহি চাগী হৌরকপদা মহাক্না ইবা তারবদি করি ইগনি – ঐনা ৱাখলনা শাগৎপনি মদুদি মহাক্না ইগনি -

তাঞ্জানা নঙগীদমক্তা লেপ্লি, ইশাবু থাজবতনা থল্লি।

অপনবা খুদিং, পুল্লিবা খুদিং থাদৎলু, হে ভারত, আত্মনির্ভরতাগী লম্বীদা চেল্লু॥

ইকাই খুম্নজরবা চিয়রমেন,

কোরোনাগী মতমদা করম্বা মখলগী মালেমগী ফিভম ওইখি, কনানা কনাগী মতেং পাংবা অসি ওইথোক্তবা ওইখি। লৈবাক অমনা অতোপ্পা লৈবাক অমগী মতেং পাংবা ঙমখিদে। রাজ্য অমনা অতোপ্পা রাজ্য অমগী মতেং পাংবা ঙমখিদে, ইমুং অমগী মীওইনা অতোপ্পা ইমুং অমগী মীওইগী মতেং পাংবা ফাওভা ঙমখিদে; অসিগুম্বা ফিভম কোরোনাগী মরমদগী ওইহনখি। ভারতকীদমক্তদি মালেম্না চিংনবা কয়া ফোংদোক্নখি। মালেম্না য়াম্না ৱাখি মদুদি করিগুম্বা কোরোনাগী লাইচৎ অসিদা ভারতনা মশাবু শেন্নজবা ঙমদ্রবদি শুপ্নগী ভারত্তা নত্তনা, মীওইবা খুন্নাই অপুনবগী অদুক্কী মতিক চাউবা খুদোংথিবা ওইরক্কনি হায়না পুম্নমক্না চিংনবা অসি ফোংদোক্নখি। মীওই করোর কয়া পন্দুনা লৈখ্রনি, মীওই লাখ কয়া শিগনি। ঐখোয়গী মফম অসিদসু কিহন্নবা অদুক্কী মতিক ৱারীসু তৌনখি। অমসুং মসি করিগী তৌরিবনো হায়বসি ঐখোয়গী ৱাহং নত্তে, মরমদি অন্নোন ইনেমী অমনা করি তৌবা ঙম্বগে, কনানসু খঙবা ঙম্বা নত্তে। খুদিংমক্না মাগী-মাগী মওংদা পানখি। অদুবু ভারতনা অন্নোন ইনেমীদগী মাগী লৈবাক্কী মীয়াম্বু ঙাক-শেন্নবগীদমক্তা অমসুং অসিগুম্বশিং অসিগীদমক মতৌ অসুম্না মায়োক্নগদবনি হায়বগী অদুগুম্বা মওং অমত্তসু মাংজৌননা লৈবা নত্তবা মসিগীদমক্তা প্রোতোকোল অসি ওইবা য়াই হায়বসু খঙদবা।

অনৌবা থৌওং অমদা, অনৌবা ৱাখল্লোনগা লোইননা পুম্নমক্না চৎপা তাখি। অখঙ-অহৈ খরা, তৌবা ঙম্বা মীওই খরগী অতোপ্পা ৱাখল্লোন খরা লৈরম্বা য়াই অদুবু শকখঙদবা য়েক্নবনি।  অদুগা ঐখোয় লম্বীসু থিগদৌরিবনি। লম্বীসু শেমগদবা অমদি মীয়ামসু কনগদবনি। মতম অদুদা ঈশ্বরনা লৌশিং, পাঙ্গল, তৌবা ঙম্বা পীবীবা অদু লৈবাক অসিনা মদুবু শিজিন্নরদুনা লৈবাক অসিবু কন্ননবা ঙম্লিমখৈ হোৎনখি। অমসুং হৌজিক মালেম অসিনা ৱাফম অসিগীদমক চাউথোক্লি মদুদি তশেংনমক ভারতনা মালেমগী মীওইবা খুন্নাইবু কনবদা য়াম্না চাউবা মরুওইবা থৌদাং লৌরি। লানফম অসি মায় পাকপগী মিংচৎ সরকার অমত্তদা চৎতে, মীওই অমত্তদা চৎতে, অদুবু হিন্দুস্তান্দা চৎলি। চাউথোকচবদা করি কাইবগে? মালেমগী মাংদা ইশাবু থাজজবগা লোইননা ঙাংবদা করিবু কাইবগে? লৈবাক অসিনা করি তৌই। লাইরবদগী লাইরবা মীওই ফাওবনা মসি তৌখি। মতম অদুদা সোসিএল মীদিয়াদা উবীরমগনি ফুতপাথতা অপীকপা খাংপোক শাদুনা ফম্লিবী অহল ওইরবী ইমা, মদুসু য়ুমগী মপান্দা, খাংপোক্কী মপান্দা থাওমৈ থান্দুনা ভারতকী য়াইফনবগীদমক থৌনীজখি, ঐখোয় মদুবু নোক্নরিবরা? মহাক্কী ৱাখল্লোন অদুবু নোক্নরিবরা? মতমনি, স্কুলগী থোঙ ফাওবা উজদ্রিবা মহাক অদুনা মহাক্কী পুক্নীংদসু লৈবাক অসিগীদমক্তা থাওমৈ থান্দুনা মরৈবাক্কীদমক্তা তৌবা য়াবা সেবা অদু মহাক্না তৌখি, ৱাখল্লোন অসিদা তৌখি। অমসুং মহাক্না লৈবাক অসিদা অপুনবা পাঙ্গল য়কাইহনখি। মহাক্কী পাঙ্গলগী, তৌবা ঙম্বগী মশক তাকখি। অদুবু মহাকপুসু নোক্নবীবদা নুংঙাইবা ফাওরি। য়ানীংদবা উৎনবগীদমক্তা থৌওং কয়া লৈরিবা হেন্নসু উৎকদবনি। অদুবু লৈবাক অসিগী পাঙ্গল শোন্থহনগদবা, লৈবাক অসিগী তৌবা ঙম্বা অদু লৈখা তাহনগদবা ৱাফমদি ফোংদোক্লোইদবনি, মদুনা করিসু কান্নবা পুরক্লোই।

ঐখোয়গী কোরোনা ভাইরস, ঐখোয়গী ফ্রন্ত লাইন ৱাকরশিং, অদোম ৱাখলনা শাগৎপীবা য়াগনি মদুদি মীঙোন্দগী কোরোনা লৌরক্কনি হায়বগী মায়কৈ মরিদা অকিবতনা থল্লবা মতম অদুদা দ্যুতী তৌবা, মশাগী মথৌদাং পাংথোকপা অসি করিসু অপীকপা ৱাফম নত্তে , মসিগীদমক চাউথোকচগদবনি, মখোয়বু ইকাই খুম্নগদবনি অমসুং মখোয় পুম্নমক্কী হোৎনবনা মরম ওইদুননি লৈবাক অসিনা মদু তৌদুনা উৎলিবা অসি। ঐখোয় হৌখ্রবা মতমদা খরা য়েংসি, মসি চৈননবা নত্তে, ফিভম অদুদা ঐখোয় হিংখ্রবনি। করিগুম্বদা লাইজাউগী মরমদা ঙাংনখি, কয়াদা অকিবা পোক্নখিবা। পোলিও কায়াদা কিনীংঙাই ওইখ্রবনো, মসিগী ভেক্সিন ফংনবগীদমক্তা কয়াদা হোৎনখিবা, অৱাবা কয়া মায়োক্নকিবা। ফংলগনি, কৈদৌঙৈ ফংগনি, করম্না কাপকনি, মতম অদু ঐখোয়না থোংনখ্রে। অসিগুম্বা ফিভমদা মতম অদুবু নীংশিংলুরবদি খঙগনি মদুদি ঙসি থার্দ ৱর্ৱ্দ কন্ত্রীগী মনুংদা মশিং থারিবা লৈবাক অদুনা মীওইবা খুন্নাইগী য়াইফনবগীদমক্তা ভেক্সিন পুদুনা লাক্লি। অসুক তেনখ্রবা মতম অসিদা মিশন মোদতা ঐখোয়গী সাইন্তিস্তশিংসু হোৎনখি, মসি মীওইবা খুন্নাইগী পুৱারীদা ভারতকী থৌদাংগী চাউথোকচনীংঙাই ওইরবা ৱারী অমনি। মসিগীদমক ঐখোয় চাউথোকপা পোকসি অমসুং মসিদগী ইশাবু থাজজবগী ইথিলসু পোকচৈ। ঐখোয়না অদুগুম্বা অনৌবা ইশাবু থাজজবগী ইথিল পোকহনবগী অসিগুম্বা হোৎনবশিং অসিদা ঙসি লৈবাক অসিনা চাউথোকচরি মদুদি মালেমগী খ্বাইদগী চাউবা ভেক্সিন কাপ্পগী খোংজং অসি ঐগী লৈবাক্তা চৎথরি। মালেমদা খোংজেল য়াংনা ভেক্সিন কাপ্পা ঙসি কদাইদা তৌরিবগে হায়রবদি মসি ঐখোয় পুম্নমক্কী ইমা ভারতকী তম্পাক্তা চৎথরি। অমসুং ভারতকী তৌবা ঙম্বা অসি কদাইদা য়ৌদ্রিবগে।

ঙসি কোরোনানা ভারতপু মালেমগা লোইননা মরী থম্নবদা অনৌবা থৌনা হাপ্লি। হৌরকপদা করম্বা হিদাক্না কান্নগনি, ভেক্সিন লৈতবনা মালেম পুম্নমক্কী ৱাখল ভারতকী হিদাক্তা থম্লি। মালেম্না ফার্মসীগী হব ওইনা ভারত শাফোংলক্লি। লৈবাক ১৫০দা হিদাক য়ৌহনবগী থবক খুদোংথিবা মতম অসিদসু লৈবাক অসিনা তৌখি। মীওইবা খুন্নাইগী ঙাক-শেলগীদমক্তা ঐখোয় তুংদা খক হল্লোই। মসিদা নত্তনা, মতম অসিদা ভেক্সিনগী মতাংদসু মালেম্না য়াম্না চাউথোকচবগা লোইননা হায়রি মদুদি ঐখোয়গী নাক্তা ভারতকী ভেক্সিন য়ৌরক্লে। ঐখোয় পুম্নমক্না খঙই মদুদি মালেমগী চাউর-চাউরবা হোস্পিতালদসু অচৌ অচৌবা মীওইশিংসু ওপরেসন তৌহন্নবগীদমক্তা চৎলি অচৌবা মেজোর ওপরেসন, অমসুং ওপরেসন থিএতরশিংদা চৎলবা মতুংদা থৌওং চৎথদ্রিঙৈদা মাগী মিৎনা থি মদুদি হিন্দুস্তানী দোক্তর ওইবরা নত্ত্রবরা। অমসুং চীমগী মনুংদা হিন্দুস্তানী দোক্তর অমা উরবদি, মহাক ওপরেসন অদু ফজনা তৌরগনি হায়না থাজবা পোকচৈ। মসি লৈবাক অসিনা তাঞ্জবনি। মসিগীদমক্তা ঐখোয় চাউথোকচগদবনি। অমসুং মরম অসিনা চাউথোকচবা অসিবু পুদুনা ঐখোয় মাংদা চখৎকদবনি।

কোরোনা অসিদা মালেমগী মতাংদা ভারতনা মশাগী অখন্নবা শক্তাক অমা শেমজরিবা, মশাগী মফম শেমজরিবা অসিগুম্না ভারতনা ঐখোয়গী ফেদরেল স্ত্রকচর অসিবু কোরোনাগী মতমদা ঐখোয়গী অমত্তা ঙাইরবা পাঙ্গল অদু করিনো, খুদোং থিবগী মতমদা করম্না পুন্না থবক তৌমিন্নবা য়াবগে, মায়কৈ অমখক্তদা পাঙ্গল পুম্নমক থাদদুনা ঐখোয় করম্না থবক তৌবা য়াবগে; মসি কেন্দ্র অমসুং রাজ্যনা পুন্না তৌমিন্নদুনা উৎলে। ঐনা রাজ্যশিংবুসু, মরমদি হাউস্তা রাজ্যশিংগী মশাগী ফ্লেবর লৈজৈ অমসুং মরম অসিনা হাউস্তদি অখন্নবা মওংদা রাজ্যশিংবু নোল্লুকচৈ অমসুং কোওপরেতিব ফেদরেলিজমদা পাঙ্গল হাপ্পগী থবক, কোরোনাগী খুদোংথিবা অসিবু তাঞ্জা ওইনা ওন্থোকপগী থবক ঐখোয়গী পুম্নমক্না পাংথোক্লি। মরম অসিনা পুম্নমক নোল্লুকচবদা মতিক চারবনি। মফম অসিদা দেমোক্রেসীগী মতাংদা পাউতাক কয়া পীবীখ্রে। ফনা য়াম্না হায়বীখ্রে। অদুবু ঐনা খঞ্জদে মদুদি হায়খ্রিবা ৱাফমশিং অসি লৈবাক অসিগী মীয়াম্না থাজবীগনি হায়বা। ভারতকী দেমোক্রেসী অসি অসুম্না মউ খোকপা ঙম্বা অদুগুম্বা নত্তে। অসিগুম্বা অরানবা অসি ঐখোয় খক তৌরোইদবনি অমসুং ঐহাক শ্রীমান দেরেকজীগী ৱাফম তাজখি, অকন অকনবা ৱাহৈ শিজিন্নবীখি। ফ্রীদম ওফ স্পীচ, ইন্তিমিদেসন, হাউন্দিং, ৱাহৈশিং অসি তাবদা খল্লি বেঙ্গলগী ৱাফম ফোংদোক্লিবরা লৈবাক্কী ৱাফম ফোংদোক্লিবরা? পুং কুনমরি মদুদা উদুনতা লৈরবা, মদুদা তাদুনতা লৈরবদি শোইদুনা মদু পল্লকপা অসি হৌনাশানি। কংগ্রেসকী ঐখোয়গী বাজৱা সাহেবসু য়াম্না ফজনা হায়বীখ্রে হন্দক্তি অমসুং অদুক্কী মতিক শাংনা চিংথোক্তুনা হায়বীখ্রে মদুদি ঐনা খল্লি মদুদি হৌজিক ঙৈহাক্কী মতুংদা ইমর্জেন্সী ফাওবা য়ৌরগনি। ঐনা খনখি ঙৈহাক্কী মতুংদা, খোঙথাং অমখক্তমক ৱাৎলি, মহাক ৮৪ ফাওবা য়ৌরক্লগনি, অদুবু মহাক মদুদা য়ৌখিদ্রে, ফরে, কংগ্রেসনা লৈবাক অসিবু য়াম্না নীংবা কাইহল্লে, অদোম্নসু নীংবা কাইহল্লে। 

ইকাই খুম্নজরবা চিয়রমেন,

ঐনা কোৎ অমা হাউস অসি থমজগে অমসুং মরুওইনা দেমোক্রোসীদা চিংনবা উৎলিবা, ভারতকী মরুওইবা পাঙ্গলদা চিংনবা উৎলিবা, মখোয়দা ঐনা অখন্ননা হায়জরি মদুদি মসি খঙবীনবা হোৎনবীয়ু। “ঐখোয়গী দেমোক্রেসী অসি করিগুম্বা মখল অমত্তদা ৱেস্তর্ন ইন্সতিত্যুসন নত্তে। মসি হ্যুমেন ইন্সতিত্যুসন অমনি। ভারতকী পুৱারী দেমোক্রেতিক ইন্সতিত্যুসনশিংগী খুদমশিংনি। অরিবা ভারত্তা দেমোক্রেসী ৮১গী মতাংদা পল্লম্বা ঐখোয়না থেংনৈ। ঙসি লৈবাক মচাশিংনা ভারতকী রাস্ত্রবাদতা মায়কৈ মরি লোংলি মসি ঐখোয় চেকশিলহনবা মথৌ তাই। ভারতকী রাস্ত্রবাদ অসি অনেম্বা নত্তে, ইশাগী ওইজবা থিবা নত্তে অমসুং লান্দাগনবা নত্তে। মসি ‘সত্যম শিবম সুন্দরম’গী য়ুম্ফম অদুদগী ইথিল লৌজবনি।”

ইকাই খুম্নজরবা চিয়রমেন,

কোতেশন অসি আজাদ হিন্দ ফৌজগী অহানবা সরকারগী অহানবা প্রধান মন্ত্রী নেতাজী সুভাশ চন্দ্র বোশকীনি। অমসুং ১২৫শুবা মপোক কুমওন ঐখোয়না পাংথোক্লিবা অসি চান্নরুবনি। অদুবু লাইবক থিবদি ঐখোয়না খঙনা নত্ত্রগা খঙদনা নেতাজীগী ৱাখল্লোন অসিবু, নেতাজীগী ফিদম অসিবু কাওথোক্লি। অমসুং মদুগী ফল ওইনা ঙসি ঐখোয় ইশানা ইশাবু চৈজবা হৌরক্লি। ঐ করিগুম্বা মতমদা অঙকপা ফাওই মদুদি মালেম অসিনা ঐখোয়দা করিগুম্বা ৱাহৈ অমা পায়হল্লকপদা, ঐখোয়না মদু পায়দুনা চৎলি। মালেমগী খ্বাইদগী চাউবা দেমোক্রেসী, তাবদা ঐখোয়সু নুংঙাইবা ফাওই, হোয় মরূপ ভারত অসি মালেমগী খ্বাইদগী চাউবা দেমোক্রেসীনি। অদুবু ঐখোয়না ঐখোয়গী নহা ওইরিবা মীরোল অসিদা মসি তম্বীদে মদুদি ভারত অসি, মাদর ওফ দেমোক্রেসীনি। মসি লোকতন্ত্রগী অপোকপীনি। ঐখোয় শুপ্নগী অচৌবা দেমোক্রেসী অমনি হায়বসি খক্তা নত্তে, লৈবাক অসি লোক্তন্ত্রগী অপোকপীনি। ৱাফম অসি ঐখোয়না ঐখোয়গী লাক্কদৌরিবা মীরোলশিংদা তম্বীবা তাই অমসুং ঐখোয়না চাউথোকচনা ৱাফম অসি হায়গদবনি মরমদি ঐখোয়গী ইপা-ইপুনা ঐখোয়দা পীবীরম্বা লন্নি। ভারতকী লৈঙাক্কী থৌরাং দেমোক্রেতিক ওই, শুপ্নগী মরম অসিদগী লোক্তন্ত্রগী লৈবাক নত্তে। ভারতকী চৎনবী, ভারতকী নাৎ, ভারতকী পরম্পরা, ভারতকী পুক্নীং লোক্তান্ত্রিক্নি মরম অদুনা ঐখোয়গী থৌরাং লোক্তান্ত্রিক্নি। মসিনি, মরম অসিনা মসি ওইরিবনি হায়বা নত্তে। মপুং ওইনা, ঐখোয় লোক্তান্ত্রিক ওই মরম অসিননি। অমসুং লৈবাক অসিগী ফিভম অসিসু ওইখ্রবনি।

ইমর্জেন্সীগী মতম অদু নীংশিংবীয়ু, জুদিসিয়রীগী ফিভম করি ওইরম্মি, মীদিয়াগী ফিভম করি ওইরম্মি, লৈঙাক্কী ফিভম করি ওইরম্মি। পুম্নমক জেল ওন্থোকখি অদুবু লৈবাক অসিগী লিচৎ, লৈবাক অসিগী মীয়ামগী পুক্নীং, দেমোক্রেসীগী মচুনা শংখ্রবশিং অদু কনানসু লেংহনবা ঙমখিদে। মতম ফংবগা মদুনা দেমোক্রেসীবু মতিং হাপখি। মসি মীয়ামগী পাঙ্গলনি, মসি ঐখোয়গী লিচৎকী পাঙ্গলনি, মসি লোক্তান্ত্রিক্কী মগুনশিং অদুগী পাঙ্গলনি। কনাগী সরকারনো হায়বগী ৱাফম অদু নত্তে, কনানা সরকার শেম্মি হায়বগী মরমদা ঐ হায়বা নত্তে, অমসুং ঐ অসিগুম্বা ৱাফমদা মতম মাংহন্নবগীদমক অদোম্না ঐবু মসিদা ফমহনবা নত্তে।  

ইকাই খুম্নজরবা চিয়রমেন,

শিংনবশিং লৈরি, করিগুম্বা শিংনবশিং লৈত্রবদি করিসু উরোই হায়নীংঙাই লৈতে, মালেম অসিনা মপুং ফাবদগী মপুং ফাবা ওইরবসু শিংনবদি অদুম্মক লৈ, মদুগী শিংনবা অদুনা মখল অমগীনি, ঐখোয়গীনা তোঙানবা মখল অমগীনি। অদুবু ঐখোয় সমস্যাগী শরুক ওইগদ্রা নত্ত্রগা পাম্বৈগী শরুক ওইগদ্রা হায়বদুদি ঐখোয়না লেপচগদবনি। শুপ্নগী পীকখ্রবা লৈই অমখক্তনি করিগুম্বা ঐখোয় সমস্যাগী শরুক ওইরবদি রাজনীতি চৎনবা য়াগনি অদুবু করিগুম্বা পাম্বৈগী শরুক ওইরবদি রাস্ত্রনীতি অদু অদুক্কী মতিক মঙাল নাইগনি। লৈরিবা মীরোল অসিগীদমক্তসু খনবা, লাক্কদৌরিবা মীরোল অদুগীদমক্তসু খনবা অসি ঐখোয়গী থৌদাংনি। সমস্যাশিং লৈরি অদুবু ঐনা থাজৈ মদুদি ঐখোয় পুন্না থবক তৌমিন্নগনি, ইশাবু থাজজবগা লোইননা থবক তৌরগদি ফিভমশিং অসিদগীসু হোংদোকপা ঙমগনি অমসুং ঐখোয়না অপাম্বা ফলসু ফংবা ঙমগনি… মসি ঐগী অচেৎপা থাজবনি।

ইকাই খুম্নজরবা চিয়রমেন,

হাউস্তা লৌমীগী খোঙজংগী মতাংদা নীংথিজনা নৈনখ্রে, য়াম্লবা মতম ঙাংনখিবশিং অদু খোঙজংগী মতাংদা ওইখি। করি মতাংদা খোঙজং পাংথোক্লিবনো হায়বদুদদি পুমনমক তুমিন্না লৈনৈ। খোঙজং করম্না তৌই, খোঙজং অদুদা করি তৌরি। ৱাফম পুম্নমক অসি য়াম্না হায়খি মসিগীসু মগুন লৈ অদুবু মরুওইবা ৱাফম অদু… মদুগী মতাংদা শন্দোক্না খন্নরবদি ফদগবনি। ঐখোয়গী ইকাই খুম্নজরবা লৌউ-শিংউ মন্ত্রীজীনা য়াম্না ফজবা মওংদা হংবীখিবা ৱাহংশিংগী পাউখুমদি ফংলরোই হায়বা ঐ খঙই অদুবু মহাক্না য়াম্না ফজবা মওংদা হিরম অসিগী মতাংদা ফোংদোকপীখি। ঐনা ইকাইখুম্নজরবা দেবগোরাজীগী তৌবীমল খঙবা উৎচরি মহাক্না খন্ন-নৈনবা অপুনবা অসিবু লুম্না লৌখি অমসুং মহাক্না সরকারনা হোৎনরিবা অফবশিং অসিবু থাগৎপীখি মরমদি মহাক লৌমীশিংগীদমক্তা কৎথোক্তুনা লাক্লি পুন্সি চুপ্পা অমসুং মহাক্না সরকারনা হোচৎনরিবশিং অসিনা থাগৎপীবগা লোইননা পাউতাকসু পীবীখি। ঐনা ইকাইখুম্নজরবা দেবগোরাজীবু থমোই শেংনা তৌবীমল খঙবা উৎচরি।

ইকাই খুম্নজরবা চিয়রমেন,

ৱাফম অসি অচুম্বনি ঐখোয় ময়ামগী মতৌসু অসুম্না তৌরক্লি য়ুমদসু করিগুমবা অহোংবা খরা তৌবা তারবসু চরাংনবদি অদুমক থোকই। মসিদা করিগী চৌক্রী থম্লিবনো, মসিদা তেবল করিগী থম্লিবনো… য়ুমদসু থোকই। অসু চাউখ্রবা লৈবাকনি অমসুং অসিগুম্বা লোনচৎ অসিদা ঐখোয় চাউরকখিবনিনা ঐ মসি মহৌশানি হায়না খল্লি মদুদি করিগুম্বা অনৌবা ৱাফম হেক লাকপা খুদিংদা ঐখোয়গী অসিদা চরাংনবা খরদি অদুমক থোকই। অদুবু গ্রীন রিভোলুশনগী মতাংদা ঙাংনরকপা মতম অদু নীংশিংবীয়ু। গ্রীন রিভোলুশনগী মতমদা তৌখিবা এগ্রী রিফোর্মশিং অদুদসু চিংনবা ফোংদোক্নখি, খোংজং চংশিনখি, মদু ৱেল দোকুমেন্তেদনি মদু য়েংবা য়াবা ওইখি। এগ্রী রিফোর্মগীদমক্তা অচেৎপা খোঙথাং লৌখৎপগী মতম অদুদা শাস্ত্রীজীগী মতম অদুদা মহাক্কী খোঙলোইশিং অদুগী মনুংদা কনানসু লৌউ-শিংউগী মন্ত্রী ওইয়ু হায়বা য়াখিদে। মরমদি লৌমীশিংনা শাওদুনা অৱাবা তাগনি রাজনীতি লোইশিনবা তাগনি। মসি শাস্ত্রীজীগী মতম অদুগী থৌদোক্নি, অমসুং মমৈথংদা শাস্ত্রীজীনা শ্রী সুব্রমনিয়মজীবু মন্ত্রী ওইহনবা তাখি অমসুং মহাক্না রিফোর্মশিংগী মতাংদা হায়কি, য়োজনা আয়োগনসু মদুগী মায়োক্তা লেপখি, নুংঙাইরিবদি… য়োজনা আয়োগনসু মায়োক্তা লেপখি, শেল-থুম মন্ত্রালয় য়াওনা কেবিনেৎ অপুনবগী মনুংদসু য়ানীংদবগী খোঞ্জেল থোক্নরকখি।

অদুবু লৈবাক্কী য়াইফনবগীদমক শাস্ত্রীজী মাংদা চংশিনখি অমসুং ঙসি ৱা ঙাংলিবা লেফপার্তী অদু মতম অদুদসু ঙাংখি। মখোয়না মসি হায়খি মদুদি অমেরিকাগী খুদোম্বীদা লৈদুনা শাস্ত্রীজীনা করিনো তৌরিবসে। নুমিৎ চুপ্পা… ঙসি ঐগী একাউন্ততা য়াওরিবশিং অসি মমাংঙৈদা অদোমগী একাউন্ততা য়াওরম্মি। পুম্নমক অমেরিকাগী এজেন্ত হায়বীরম্মি ঐখোয়গী কংগ্রেসকী লুচিংবশিংবু। ঙসি লেফতা ৱা ঙাংলিবা পুম্নমক অসি মমাংদসু মখোয়না ৱাফম অসিমক ঙাংখি। এগ্রী রিফোর্মশিং অসি অপীকপা লৌমীশিং মাং তাকহন্নবনি হায়বীখি। লৈবাক অপুনবদা খোঙজং লিশিং কয়া চংশিনখি। অচৌবা মুবমেন্ত পাংথোকখি। ফিভম অদুদসু লালবহাদুর শাস্ত্রীজী অমসুং মহাক্কী মতুংগী সরকারনা তৌখিবশিং অদুগী ফলননি ঐখোয় করিগুম্বদা PL-480 লৌরুদুনা চাখি ঙসি ঐখোয়গী লৌমীনা ঐখোয়গী লৈশাদগী পুথোকপা পোৎলমশিং চারি। রিকোর্দ ওইনা পোৎথোক পুথোক্লবা ফাওবদসু ঐখোয়গী লৌউ-শিংউগী লমদা সমস্যাশিং লৈরি হায়বসিদা কনানসু য়াদবা তৌরোই অদুবু সমস্যাশিং অসিগী পাম্বৈ ঐখোয় ময়াম পুন্না পুথোকমিন্নগদবনি।. অমসুং ঐনা খল্লি মদুদি হৌজিক মতম কুইনা ঙাইনররোই।

ঐখোয়গী রামগোপালজীনা য়াম্না ফজবা ৱাফম হায়বীখ্রে… মহাক্না হায়কি মদুদি কোরোনা লোকদাউন্দসু ঐখোয়গী লৌমীশিংনা রিকোর্দ ওইনা পোৎথোক পুথোকখি। সরকারনসু, মরু-মরাং, হার, পোৎলম কয়া কোরোনাগী মতমদসু য়ৌহন্নবা হোৎনবদা অখাকপা অমত্তা থমখিদে, অৱাবা অমৎতা লাকহনখিদে অমসুং মসিগী অপুনবা ফল অদু ফংলে মদুদি লৈবাক অসিদা পুক্কৈ থন্দুনা লৈরে। পোৎথোক্কী রিকোর্দ ওিরবা লৈবগী থবকসু কোরোনাগী মতম অসিমক্তদা তৌখি। অদুনা ঐনা খল্লি মদুদি ঐখোয় অনৌ অনৌবা পাম্বৈ পুথোক্তুনা মাংদা চংশিনবা তাই অমসুং ঐনা হায়খিবা অদুগুম্না কাংলোন ময়াম অমা লৈরি কাংলোন খুদিংমক চহি অনিগী মতুংদা চহি মঙাগী মতুংদা, থা অনিগী, থা অহুমগী মতুংদা অহোংবা পুরক্তুনা লাক্লি। ঐখোয় স্তেতিক ওইবা মওংদা হিংগদবা নত্তেনে… অফবা সজেসন লাক্লবদি অফবা অহোংবসু লাকই। অমসুং সরকারসু অফবা সজেসনশিং অদু অসমুং শুপ্নগী ঐখোয়গী খক্তা নত্তনা সরকার খুদিংমক্না অফবা সজেসনশিং লৌসিল্লি মসিবুনি দেমোক্রেসীগী চৎনবী হায়রিবা অসি। অমসুং মরম অসিনা অফবা তৌনবগীদমক্তা অফবা সজেসনশিংগা লোইননা অফবা সজেসনশিং শেম-শাবগা লোইননা ঐখোয় পুম্নমক মাংদা চখৎপা তাই। ঐনা অদোম ময়ামদা পাউজেল পীজরি। লাকপীরো ঐখোয় লৈবাক অসিবু মাংদা পুখৎনবগীদমক, লৌউ-শিংউগী লমগী সমস্যাশিংগী পাম্বৈ পুথোক্নবা, আন্দোলন তৌরিবশিংবু ৱাখল তাহল্লদুনা ঐখোয় লৈবাক অসি মাংদা পুখৎপা তাই।  

ইকাই খুম্নজরবা চিয়রমেন,

ৱাফম অসি অরেপ্পনি মদুদি ঐখোয়গী লৌউ-শিংউ অসি য়াইফ-মরাং কাইনবগীদমক ৱারেপ লৌবগী মতম অদুনি মতম অসি ঐখোয় মাংহল্লোইদবনি। ঐখোয় মাংদা চখৎকদবনি… লৈবাক অসি মনীং হলহল্লোইদবনি। মিচংবু ওইরো মায়োক্নববু ওইরো, খোংজং চংশিল্লিবা খোংলোইবু ওইরো, অহোংবশিং অসিদা ঐখোয় তাঞ্জা পীবগদবনি। অমসুং অমুক্তং য়েংগদবনি মদুদি অহোংবা অসিদগী ঐখোয়দা কান্নবা ফংবরা ফংদবরা হায়বদু। অৱাৎপা লৈরবদি মদু মেনখৎকনি, অমসুং খরা অকোম-অরাক লৈরবসু মদু লাকশিনগনি। থোং লোইনমক থিংজিনখ্রে হায়বদু নত্তে… মরম অদুনা ঐনা হায়জরি… ঐনা থাজবা পীজরি মদুদি মন্দিশিং অদুক্কী মতিক নৌথোকহন্নবা, অদুক্কী মতিক মতিক অথোই-অহেন তান্নবা ঙম্বা ওইনবা, হন্দক্কী বজেৎতসু ঐখোয়না মসিগীদমক্তা ৱাফম পুথোক্লি। মসিদা নত্তনা এম.এস.পি. লৈরি, এম.এস.পি. লৈরম্মি, এম.এস.পি. লৈখিগনি। হাউস অসিগী অশেংবা অদু খঙসি ঐখোয়… মীওই করোর ৮০দা অহোংবা রাশন পীরিবা অসিসু মখ চৎথখিগনি। মরম অসিনা থৌজানবীদুনা অরানবা শন্দোকপগী থবক্তা ঐখোয় য়াওগুমসি। মরমদি ঐখোয়বু লৈবাক অসিনা অখন্নবা থৌদাং অমা শিন্নবীরি। লৌমীশিংগী চাগা হেনগৎহন্নবগী অতোপ্পা পাম্বৈ অদুদসু ঐখোয় শাফু পীবগী মথৌ তাই। মী মশিং হেনগৎলক্লি ইমুংদা, মেম্বর মশিং হেনগৎলক্লি। লম মচেৎ মচেৎ তারক্লি। অসিগুম্বা ফিভম অসিদা করিগুম্বা খরদি তৌবা তাই মরমদি লৌমীসিংদা পোৎলুম হন্থহন্নবা, অমসুং ঐখোয়গী লৌমীগী ইমুংগী মীওইশিংসু শেল তান্নবগীদমক্তা, মখোয়গীদমক্তা ঐখোয়না তাঞ্জা হেন্না ফংহনবা ঙম্নবা। মখোয়গী অৱাবশিং কোকহন্নবগীদমক্তা ঐখোয় থবক তৌগদবনি অমসুং ঐনা খল্লি মদুদি করিগুম্বা ঐখোয় থেংথরবদি, ঐখোয় করিগুম্বা ঐখোয়গী রাজনীতিগী ওইবা থৌওং অসিদা অসুম্মক লৌশিন্দুনা লৈরগদি ঐখোয় লৌমীশিংবু অমম্বগী মায়কৈদা ইন্থোকপা ওইগনি। থৌজালবীদুনা ঐখোয় মঙাল নাইবা লৌমীশিংগী মঙাল নাইবা তুংলমচৎকীদমক্তা মসিদগী কঞ্জবা তাই। ঐনা পুম্নমক্তা খুরুমজরি। ঐখোয় ৱাফম অসি খন্নবা তাই।

ইকাই খুম্নজরবা চিয়রমেন,

দায়রী অমসুং শা-শন য়োকপা অসি ঐখোয়গী লৌউ-শিংউগী লমগা লোইননা শৌগৎপা মথৌ মথৌ তাই মরমদি ঐখোয়গী লৌমী মপুং ফাবা ওইননবা মতৌ অসুম্না ঐখোয়না ফুৎ এন্দ মাউথ দিজীজগীদমক্তা য়াম্না চাউবা খোংজং অমা হৌদোকখি মদুনা শা-শন য়োকপা, লৌমীশিংনসু কান্নবা অসি ফংগনি। ঐখোয়না ফিসরীদসু তোঙানবা শাফু অমা পীরি, তোঙান্না মিনিস্ত্রীশিং শেম্লে অমসুং লুপা করোর লিশিং ২০ মৎস্য সম্পদা য়োজনাগীদমক্তা থাদরে। মরমদি মসিনা লমদম অপুনবা অসিদা মপুং ফানা পাঙ্গল ফংনবনি। স্বীৎ রিবোলুসন্দা ওইথোকপা য়াম্না লৈ অমসুং মরম অসিনা ভারতনা মসিগীদমক্তা লম য়াম্না লৈবগী মথৌ তাদে মশাগী লৌবুক্কী কাচিন্দা তৌরবসু মখোয়না চহি অমদা লুপা লিশিং ৪০-৫০, লুপা লাখ, লুপা লাখ অনি তানবা ঙমগনি। অমসুং মরম অসিনা ঐখোয় স্বীৎ খোইহিগীদমক্তা হনীগীদমক্তা, মতৌ অসুম্না বী ৱেক্স মালেমদা বী ৱেক্স পাম্নৈ। ভারত অসি বী ৱেক্স এক্সপোর্ত তৌবা ঙমগনি। ঐখোয়না মসিগীদমক্তা ফিভম শেম্লে অমসুং লৌমীশিংগী লৌবুকমক্তদা অপীকপা লৌমী ওইরগদি মখোয়না নৌনা শেন্দাল লম্বী পায়বা য়াগনি, ঐখোয়না মসিবু পুনশিনবা তাই। অমসুং হয়িংখোই য়োক্নবগীদমক্তা লম একর কয়াগী মথৌ তাদে। মখোয়না য়াম্না কোম্না মখোয়গী মফম অদুদা পাংথোকপা য়াই। সোলর পম্প… সোলর ঐখোয়না হায়রি অন্নদাতা উর্জাদাতা ওইয়ু মখোয়গী লৌবুকমক্তদা সোলর সিস্তেমদগী ইনর্জী শুংউ, সোলর পম্প চলাইয়ু ঈশিংগী মথৌ তাবা অদু মপুং ফাহল্লু। মদুগী চাদিং, মদুগী পোৎলুম অদু হন্থহল্লু। অমসুং লৌরোক অমা লোক্লবদি অনি লোকউ, অনি লোক্লবদি অহুম লোকউ। পেতর্নদা খরা হোংদোকপা তাবা অদু হোংদোকউ। মায়কৈ অসোমদা ঐখোয় চংশিনবা য়াই। অমসুং ৱাফম অমদি, ভারতকী পাঙ্গল অসি অসিগুম্বা সমস্যাশিংগী পাম্বৈগী পাম্বৈ পুথোক্নবগী মায়কৈদা অনৌবা লম্বী থিবগী ওইরক্লি, মতুংদসু হাংদোকখিগনি। অদুবু খরদি ভারত অসি তুংদু লৈতাদবা ওইনবা, ইং-তপ্তবা ওইনবা, লেপ্তনা হোৎনরি। ঐখোয় মখোয়শিং অদু খঙদোকপা তাই।

ঐখোয় মসি কাওরোইদবনি মদুদি পঞ্জাবতা করি ওইখিবগে হায়বদো। য়েন্নখিবা মতমদুদা, পঞ্জাবনা খ্বাইদগী য়াম্না মায়োক্নবা তাখি। ৮৪গী ইরাং থোকখিবা মতমদুদা, খ্বাইদগী য়াম্না পীরাং পঞ্জাবকী, খ্বাইদগী য়াম্বা চৈথেং ফংবা থৌদোকশিং মায়োক্নবা তাখি পঞ্জাবনা। জম্মু-কশ্মীরদা থৌকখি, লাঞ্জদ্রবশিংবু হাৎতোকপীখি। নোর্থ-ইস্ততা থোক্তুনতা লাকখি, নুমিৎ খুদিংগী নোংমৈ ভোম অমসুং হৎন-শুনবা লেপখিদে। ময়াম অসিনা লৈবাক অসিবু মওং অমা নত্ত্রগা অমদা য়াম্না অমাংবা ওইহনখি। মসিগী মরুমদা করম্বা পাঙ্গল লৈরি, মতম পুম্নমক্তা, সরকার খুদিংমক্না মসিবু উখি, খঙখি, চাং য়েংখি। অমসুং মরম অসিনা মখোয়বু অসিগুম্বা সমস্যাশিং অসিগী পাম্বৈ পুথোক্নবগীদমক ঐখোয় খোংজেল য়াংনা মাংদা চংশিল্লি অমসমুং ঐখোয় মসি কাওরোইদবনি মদুদি মীওই খরনা, ঐখোয়গী মরুওইনা পঞ্জাবকী, মরুওইনা সিখ ইচিল-ইনাওশিংগী ৱাখলদা অরানবা ৱাখল্লোন হাপচিন্নবা হোৎনরি। লৈবাক অসি সিখ পুম্নমক্কীদমক চাউথোকচরি। লৈবাক্কীদমক্তা মখোয়না করিবু তৌকিদবগে। মখোয়গী তৌবীমল খঙবা ফোংদোক্লিবা অদুক্কী মতিক ৱাৎলবনি। গুরুশিংগী অফাওবা পরম্পরাশিংদা… ঐগী লাইবক ফবনি মদুদি পঞ্জাবকী তল চাবা ফংজরে ঐহাক। পুন্সিগী মরুওইবা চহিশিং ঐনা পঞ্জাবদা লেনখি, মরম অসিনা ঐ খঙই। অমসুং মরম অসিনা মীওই খরনা মখোয়গীদমক ঙাংলিবা লোন অসি, মখোয়বু লান্না লমজিংনবা মীওই খরনা হোৎনরিবা অসি, মসিদগী কৈদৌনুংদসু লৈবাক অসিগী কান্নবা ওইরোই। অমসুং মরম অসিনা ঐখোয় হিরম অসিদা খন্নবগী মথৌ তাই। 

ইকাই খুম্নজরবা চিয়রমেন,

ঐখোয়গী লৈবাক্কী চাউখৎ-থৌরাংগীদমক্তা খুঙ্গংগী শেন্মিৎলোন – মসিগী মগুন অমা লৈজৈ। খুঙ্গংগী শেন্মিৎলোন অসি ঐখোয়গী আত্মনির্ভর ভারতকী মরুওইবা য়ুম্বী অমনি। আত্মনির্ভর ভারত, মসি সরকারগী থবক ওইবা য়ারোই অমসুং ওইসু ওইরোইদবনি। মসি লৈবাক মচা করোর ১৩০গী ৱারেপ ওইগদবনি। ঐখোয় চাউথোকচগদবনি অমসুং মসিদা ৱাখল অনি লোংবা তৌরোইদবনি। অমসুং মহাত্মা গান্ধীগুম্বা মহাপুরুশনা ঐখোয়দা লম্বী অসি তাকপীরম্বনি। করিগুম্বা ঐখোয় মফম অদুদগী খরা নাথৈরবদি অমুক হন্না লম্বী অদুদা লাকপগী মথৌ তাই অমসুং আত্মনির্ভর ভারতকী লম্বীদা ঐখোয় চখৎপা তাই। খুঙ্গং অমসুং শহরগী অহাংবা অসি মেনশিনগে হায়রবদি মসিগীদমক্তসু ঐখোয় আত্মনির্ভর ভারতগী মায়কৈদা চংশিনবা তাই। অমসুং ঐনা থাজৈ মদুদি ঐখোয়না ৱাফমশিং অসিবু পুদুনা মাংদা চংশিনবা মতমদা ঐখোয়গী লৈবাক্কী মীচম মীয়ামগী থাজবা হেনগৎহনগনি। হৌজিক ৱাহং-পাউখুমগী মতমদা জল-জীবন মিশনগী মতাংদা খন্নখি – অদুক্কী মতিক তেনখ্রবা মতমগী মনুংদা ইমুং করোর অহুম ফাওবদা থক্নবা ঈশিং য়ৌহনবগী, কোঞ্জিলগী কনেক্সন পীবগী থবক লৌইখ্রে। আত্মনির্ভরতা অসি শেন্মিৎলোন্দা পুম্নমক্না শরুক য়ারবতদা ওইথোকপা ঙমগদৌরিবনি। ঐখোয়য়গী ইচল সোনলনা মহাক্কী ৱারোল পীবদা ইচল-ইচাশিংনা শরুক য়ারকপদা ফোকস তৌনবগী মহাক্না পাক-শন্না ৱারী শাখি।  

কোরোনাগী মতমদা রাশনবু ওইরো, শেল-থুমগী তেংবাং ওইরো নত্ত্রগা লেম্না গ্যাস সিলিন্দর – সরকারনা মখল খুদিংদা অমরোমদা ইমাশিং-ইচ/ইচলশিংদা খুদোংচাদবা থোকহন্দনবা অদুক্কী মতিক হোৎনখি অমসুং মখোয়না পাঙ্গল অমা ওইদুনা পোৎশকশিং অসিবু শেন্নবদা মতেংসু পাংখি। মতৌ অসুম্না লুরবা ফিভম অসিদা ঐখোয়গী লৈবাক্কী নুপীগী পাঙ্গলনা খাংবা কনবগা লোইননা ইমুং-মনুংবু শেন্নখি, ফিভম অদু শেন্নখি; কোরোনাগী লানফম অসিদা ইমুং খুদিংমক্কী মমা ওইবীগী পাঙ্গলগী চাউরবা থৌদাং য়াখি। অমসুং মখোয়বু ঐনা থাগৎলিবমখৈ তারবনি। ইচল-ইচেশিংগী থৌনা অমসুং ঐনা খঙই মদুদি আত্মনির্ভর ভারত্তা চাউরবা থৌদাং ঐখোয়গী ইমা-ইচল, ইচেশিংনা য়াগনি, মসি ঐ তশেংনা থাজৈ। ঙসি লান্ফম অসিদসু ঐখোয়গী ইচানুপীশিংনা শরুক য়াবা হেনগৎলক্লি। অনৌ অনৌবা লেবর কোর্ত শেম্লি, মদুদসু ইচানুপীশিংগীদমক্তা সেক্তর খুদিংদা থবক তৌনবগীদমক মান্নবা তলবকী হক পীরি। মুদ্রা য়োজনাদগী লোন লৌখিবা চাদা ৭০ অদু, ঐখোয়গী ইচে-ইচলশিংনা লৌখি হায়বদি অমরোমদা এদিশন্নি। চাউরাক্না নুপী করোর 7লোম্না শরুক য়াদুনা সেল্ফ হেল্প গ্রুপ লাখ ৬০দগী হেনবনা ঙসি আত্মনির্ভর ভারতকী হোৎনরিবশিং অসিদা অনৌবা থৌনা অমা হাপ্লি।

ভারতকী নহা ওইরিবা পাঙ্গলদা ঐখোয় অদুক্কী মতিক শাফু পীগনি, ঐখোয় অদুক্কী মতিক তাঞ্জা মখোয়দা পীগনি, ঐনা খল্লি মদুদি মদুনা ঐখোয়গী লৈবাক্কীদমক্তা, তুংলমচৎকীদমক্তা, মহাল নাইবা তুংলমচৎকীদমক্তা অচেৎপা য়ুম্বী অমা ওইগনি। নেস্নেল এজুকেসন পোলিসী লাকপদা, নেস্নেল এজুকেসন পোলিসী অদুদসু ঐখোয়গী নহা ওইরিবা মীরোলগীদমক্তা অনৌবা তাঞ্জা পীনবা হোৎনৈ। অমসুং ঐহাক নুংঙাইবা ফাওই মদুদি নেস্নেল এজুকেসন পোলিসীগী ৱারী-ৱাতাইদা মতম শাংনা চংহনখি, অদুবু মসিগী অয়াবা লৈবাক অসিদা মতৌ অসুম্না পীখি, মদুনা অনৌবা থাজবা অমা পোকহনখি। অমসুং ঐনা থাজৈ মদুদি অনৌবা এজুকেসন পোলিসী অসি, অনৌবা নেস্নেল এজুকেসন পোলিসী অসিনা লৈবাক অসিগী অনৌবা থৌওং অমদা তম্ননবগী অনৌবা থৌওং অমগী ৱাখল্লোন পোক্লকপনি।

ঐখোয়গী এম.এস.এম.ই. সেক্তর – থবক পীবগী খ্বাইদগী চাউবা তাঞ্জা এম.এস.এম.ই.না ফংলি। অমসুং কোরোনাগী মতমদা স্তিমুলসকী মতাংদা ঙাংনখিবা অদুদসু এম.এস.এম.ই.শিংদা মপুং ফানা মিৎয়েং থমখি অমসুং মদুগী ফলননি ইকোনোমিক রিকভরীদা ঙসি ঐখোয়গী এম.এস.এম.ই.শিংনা য়াম্না চাউবা থৌদাং লৌরিবা অমসুং ঐখোয় মসি মাংদা পুখৎলি।

ঐখোয় পুম্নমক হৌরকপদগী ‘সবকা সাথ-সবকা বিকাস-সবকা বিশ্বাস’কী মন্ত্র অসি পুদুনা চৎলি। অমসুং মসিগী ফল ওইনা নোর্থ-ইস্ত ওইরো নত্ত্রগা নক্সালনা শোকহল্লবা মফম, তপ্না তপ্না মফম অদুদা ঐখোয়গী সমস্যাশিং হন্থরকপনা মরম ওইদুনা নুংঙাইবা অমসুং ইং-তপ্পগী তাঞ্জা পোক্লকপনা মরম ওইদুনা চাউখৎপগী মরুওইবা ইচেলদা ঐখোয়গী খোংলোই পুম্নমক লাক্ননবগী তাঞ্জা ফংলি অমসুং ভারতকী মাঙাল নাইবা তুংলমচৎতা ইস্তর্ন ইন্দিয়ানা য়াম্না চাউবা থৌদাং লৌগনি, ঐ মসি ময়েক শেংনা উবা ফংলি। অমসুং ঐখোয়না মসি অকনবা মওংদা পুরক্কনি।

ঐহাক ইকাই খুম্নজরবা গুলাম নবীজীনা ঙাংবা তাজরম্মি। মহাক্না য়াম্না ইং-তপ্না, অমসুং অয়াকপা ৱাহৈ য়াওদনা ঙাংবীখি। অমসুং ঐনা খল্লি মদুদি ঐখোয় পুম্নমক পার্লিয়মেন্তরীয়নশিং অসি মঙোন্দগী তমজনীংঙাই ওই অমসুং ঐনা মহাকপু ইকাই খুম্নজৈ। মহাক্না জম্মু-কশ্মীরগী মীখলগীদমকসু থাগৎপীখি। মহাক্না হায়খি মদুদি য়াম্না শাংলবা মতমদগী ঐগী থমোইদা জম্মু-কশ্মীর অসি থোইদোক-হেন্দোকপা ওইরি অমসুং মশানা তাবসুনি, মহাক্কী থমোইদা পোক্লিবা ৱাখল্লোন অসিমক হিন্দুস্তান অপুনবগী থমোইদা জম্মু-কশ্মীরগী মতাংদা পোক্লি।

জম্মু-কশ্মীর মরোমদোম লেপচগনি, মায়কৈ অসোমদা ঐখোয়গী – পঞ্চায়ৎকী মীখল তৌখ্রে, বি.দি.সি.গী মীখল তৌখ্রে, দি.দি.সি.গী মীখল তৌখ্রে, অমসুং পুম্নমক অসি গুলাম নবীজীনা থাগৎখি। থাগৎপা অসিগীদমক্তা ঐনা অদোম্বু হায়নীংঙাই লৈতনা থাগৎচরি। অদুবু ঐ অকিবা পোকই, অদোম্না থাগৎপীরি। ঐনা থাজৈ মদুদি অদোমগী পার্তীগী মীওইশিংনা মসিবু মতিক চাবা স্পিরিৎতা পুগনি, লান্না জি-২৩গী ৱারেপ ওইনা লৌদুনা ওন্থোক ওনশিন তৌরোই।

ইকাই খুম্নজরবা চিয়রমেন ইবুংঙো,

কোরোনাগী শিংনবতনা থল্লবা মতম অসিদসু শিংননবা হোৎনরক্লি। ঐখোয়গী অথৌবা জৱানশিংগী থৌনা অমসুং হৈ-শিংবনা মতিক চাবা পাউখুম পীখি। হিন্দুস্তানী খুদিংমক্না ৱাফম অসিদা চাউথোকচরি। অরুবা ফিভম অসিদসু ঐখোয়গী জৱান্না চপ য়ুংনা লেপ্লি। খোংলোই কয়ানসু ঐখোয়গী জৱানশিংগী থৌনা অদুবু শিংথানরি, ঐ মদুগীদমক তৌবীমল খঙবা উৎচরি। এল.এ.সি.দা ওইরিবা ফিভম অদুদা ভারতকী মায়ওন য়াম্না ময়েক শেংই অমসুং লৈবাক অসিনা মদু নীংথিজনা উরি অমসুং চাউথোকচবসু পোক্লি। বোর্দর ইনফ্রাস্ত্রকচর অমসুং বোর্দর সেক্যুরিতীগী মতাংদা ঐখোয়গী ফিরেপ্তা করিগুম্বা মখল অমত্তগী কোমথোকপা লৈতে, অমসুং ঐখোয়গী য়োকপী-থাকপীবা ঐখোয়গী ৱাখল্লোন, ঐখোয়গী পান্দম উরিবা মখোয়শিং অদুদা মসিগী মতাংদা ঐখোয়দা করিগুম্বা মখল অমত্তগী ৱাহং হংলক্লোই, মখোয়না খঙই মদুদি ঐখোয় মসিদা খোংফম চেৎনা লেপকদবশিংনি। অমসুং মরম অসিনা ঐখোয় হিরমশিং অসিদা কদাইদসু তুং হনবা তৌদে।

ইকাই খুম্নজরবা চিয়রমেন,

হাউস অসিগী অথোইবা ৱারী-ৱাতাই অসিগীদমক্তা পুম্নমকপু থাগৎচরদুনা অরোইবদা মন্ত্র অমা পঞ্জরদুনা ঐগী ৱাহৈ লোইশিঞ্জগে। ঐখোয়গী মফম অসিদা বেদশিংদা অচৌবা ৱাখল্লোন অমা ফংই। মদু ঐখোয় পুম্নমক্কীদমক্তা, ইরৈবাকচা করোর ১৩০কীদমক্তা মন্ত্র অসি য়াম্না চাউবা ইথিল অমনি। বেদশিংদা মন্ত্র অসি হায়রি -

"অয়ুতো অহং মে আত্মা অয়ুতং মে, অয়ুতং চক্ষু, অয়ুতং শ্রোতম”

হায়বদি ঐ অমখক্তা নত্তে, ঐ ইথন্ত নত্তে, ঐ ঐগা লোইননা মীওই করোর কয়া উরি, ফাওরি। মরম অসিনা ঐগী নুংগী পাঙ্গল অসি করোর কয়াগীনি। ঐগা লোইননা করোর কয়াগী মিৎয়েং য়াওরি, ঐগা লোইননা করোর কয়াগী তাবগী পাঙ্গল লৈরি, কর্ম শক্তিসু য়াওরি।

ইকাইখুম্নজরবা চিয়রমেন,

বেদগী ইহুলশিং অসিগা লোইননা, ৱাখল্লোন অসিগা লোইননা ইরৈবাকচা করোর ১৩০দগী হেল্লবা ভারনা অমত্তা ওইনা মাংদা চংশিল্লি। ঙসি ইরৈবাকচা করোর ১৩০গী মঙলান অসি হিন্দুস্তানগী মঙলান্নি। ঙসি ইরৈবাকচা করোর ১৩০গী অনীংবা অসি লৈবাক অসিগী অনীংবনি। ঙসি ইরৈবাকচা করোর ১৩০গী তুংলমচৎ অসি ভারতকী মঙান নাইবা তুংলমচৎকী গরেন্তীনি। অমসুং মরম অসিনা ঙসি লৈবাক অসিনা পোলিসীশিং শেমলকপা, হোৎনরকপা অসি শুপ্নগী খুদক্কী ওইবা অমা-অতোংগীদমক্তা নত্তে তুং কোইনা চৎকদবা অমসুং ২০৪৭দা লৈবাক অসিনা চহি চাম্মা শুবা কুমওন পাংথোরপকপদা, লৈবাক অসিবু অনৌবা মতোল অদুদা পুননবগী মঙলানশিং অদু পুদুনা য়ুম্ফম অসি থোল্লি। অমসুং ঐনা থাজৈ মদুদি থবক অসি মপুং ফাহনবদা ঐখোয় শোইদনা মায় পাক্কনি। 

ঐনা অমুক্কা হন্না ইকাই খুম্নজরবা রাস্ত্রপতিজীগী ৱারোল অসিগীদমক হায়নীংঙাই লৈতনা থাগৎচরি, মহাকপু নোলুকচরদুনা হাউস্তা অফবা মওংদা ৱারী ৱাতাই পাংথোক্লে হায়না ঐনা হায়জরি। কনানা করি কান্নবা ফংলিবা, ঐঙোন্দসু কয়ারক হন্না লান্দারকখিবা, হায়বা য়াবা পুম্নমক হায়নখি, অদুবু ঐহাক নুংঙাইবা ফাওই মদুদি অমবু ওইরো অমবু ওইরো ঐহাক অদোমগীদমক্তা কান্নবদি ওইবা ঙম্লে। য়েংবীয়ু অদোম অমরোমদা কোরোনাগী মরমনা চৎথোক-চৎশিন তৌখিদ্রে, পন্দুনা লৈবা তাখি, অমসুং য়ুমদসু অফা-অপুন্ননা লৈবীরমগনি। হৌজিক অদোমগী শাওনীংবা ময়াম অদু মফম অসিদা লৌথোকপীখিবা অদুনা অদোমগী পুক্নীং অদু কয়াদা য়াংলবা। অদোম য়ুমদা কয়াদা নুংঙাইনা মতম লেল্লগদবা। অদুনা অদোম্না ফংলিবা নুংঙাইবা অসিগীদমক্তা, ঐহাক কান্নবা ওইরে, মসিসু ঐ লাইবক ফবনি হায়না লৌজৈ, অমসুং নুংঙাইবা অসি লেপ্তনা লৌবীবা ঐনা পামজৈ। ৱারী-ৱাতাই তৌদুনা লৈবীয়ু, লেপ্তনা ৱারী-ৱাতাই তৌবীয়ু। হাউস অসি হিংহন্দুনা থম্বীয়ু। মোদী লৈজরি, খুদোংচাবা লৌবীয়ু।

হন্না হন্না থাগৎচরি

***