জি.এস.তি. কম্পেন্সেসনগী শোর্তফোল কোকহন্নবা রাজ্যশিংদা শেন-থুমগী মন্ত্রালয়না লুপা করোর ৫,০০০গী ১৭শুবা ইনস্তোলমেন্ত কাইথখ্রে। মসিগী মনুংদা রাজ্য ২৩দা লুপা করোর ৪,৭৩০.৪১গী শেনফম কাইথখ্রে অমসুং জি.এস.তি. কাউন্সিলগী মেম্বর ওইবা লেজিসলেতিব এসেমব্লী (দিল্লী, জম্মু অমসুং কাশ্মির অমদি পুদুচেরী) য়াওনা য়ুনিয়ন তেরিতোরী (য়ু.তি.) ৩দা লুপা করোর ২৬৯.৫৯গী শেনফম কাইথখি লেমহৌরিবা রাজ্য ৫, অরুনাচল প্রদেশ, মনিপুর, মিজোরাম, নাগালেন্দ অমসুং সিক্কিমদা জি.এস.তি. ইমপ্লিমেন্ত তৌবনা মরম ওইরগা রিভেন্যুদা অৱাৎপা অমত্তা লৈতে।

হৌজিক ফাওবগী ওইনা লেজিসলেতিব এসেমব্লীগা লোইননা রাজ্যশিং অমসুং য়ু.তি.শিংদা জি.এস.তি. কম্পেন্সেসন শোর্তফোলগী চাদা ৯১কী মথক্তা কাইথখ্রে। মসিগী মনুংদা রাজ্যশিংদা হৌজিক ফাওবদা লুপা করোর ৯১,৪৬০.৩৪গী শেনফম থাদোকখ্রে অমসুং লেলেজিসলেতিব এসেমব্লীগা লোইননা য়ু.তি. ৩দা লুপা করোর ৮,৫৩৯.৬৬কী শেনফম থাদোকখ্রে।

জি.এস.তি. ইমপ্লিমেন্ত তৌবনা মরম ওইরগা রেভিন্যুদা লুপা করোর লাখ ১.১০গী শোর্তফোল থোকহল্লিবা অসি কোকহন্নবা ওক্তোবর ২০২০দা ভারত সরকারনা স্পেসিএল বোরোৱিং ৱিন্দো অমা থমখি। রাজ্যশিং অমসুং য়ু.তি.শিংগী মহুৎ শিনবীদুনা ভারত সরকারনা ৱিন্দো অসিগী খুত্থাংদা বোরোৱিংশিং তোরি। বোরোৱিং অসি তাঙ্কক ১৭ থোক্না ওক্তোবর ২৩, ২০২০দগী হৌনা মপুং ফানা পাঙথোকখ্রে।

অখন্নবা ৱিন্দো অসিগী মখাদা ভারত সরকারনা চহি ৩ অমসুং ৫গী তেনরগা লোইননা সরকারগী স্তোক পুবা য়াহনখ্রে। তেনর অমমমদা পুরিবা অসি জি.এস.তি. কম্পেন্সেসন শোর্তফোলগী মতুং ইন্না রাজ্য পুম্নমক্কী মরক্তা চপ মান্না য়েন্থোকখি। হন্দক কাইথরিবা অসিগা লোইননা পন্দুনস লৈরিবা জি.এস.তি. শোর্তফোলগী শরুক অসি চহি ৫গী মখাদা পুবগী ওইনদুন রাজ্য ১৬ অমসুং য়ু.তি. ২গী ওইনদি লোইশিনখ্রে। রাজ্যশিং/য়ু.তি.শিং অসি অহানবা ইনস্তোলমেন্তদগী হৌনা সি.এস.তি. কম্পেন্সেসন কাইথবদা য়াওদুনা লাকখি।

হন্দক্কী চয়োল অসিদা কাইথিবা শেনফম অসি রাজ্যশিংদা ফংহনবা অসিগুম্বা ফন্দশিং অসিগী ১৭শুবা ইনস্তোলমেন্তনি। হন্দক্কী চয়োল অসিদা শেনফম অসি শেন্দোইগী চাং ৫.৫৯২৪%দা পুখিবনি। হৌজিক ফাওবদা চাংচৎ ওইনা শেন্দোইগী চাং ৪.৮৩০৭%দা স্পেসিএল বোরোৱিং ৱিন্দোগী খুত্থাংদা কেন্দ্র সরকারনা লুপা করোর ১,০০,০০০গী শেনফম পুখি।

জি.এস.তি. ইমপ্লিমেন্তেসননা মরম ওইরগা রিভেন্যুদা শোর্ফোল অসি কোকহন্নবা স্পেসিএল বোরোৱিংগী খুত্থাংদা ফন্দশিং পীবগী মথক্তা, জি.এস.তি. কম্পেন্সেসনগী শোর্তফোল কোক্নবা ওপ্সন-I খনখিবা রাজ্যশিংনা অহেনবা ফাইনান্সিএল রিসোর্সশিং মোবিলাইজ তৌবদা মতেং পাংনবা ভারত সরকারনা গ্রোস স্তেৎস দোমেস্তিক প্রদক্ত (জি.এস.দি.পি.)গী ০.৫০%গা চপ মান্নবা অহেনবা বোরোৱিংগী অয়াবসু পীখি। রাজ্য পুম্নমক্তা ওপ্সন-I খন্নবগী মখোয়দা খুদোংচাবা পীখি। প্রোবিজন অসিগী মখাদা রাজ্য ২৮দা লুপা করোর ১,০৬,৮৩০ (জি.এস.দি.পি.গী ০.৫০%)গী অহেনবা শেনফমগী ৱোরোৱীগী অয়াবা পীখ্রে।

রাজ্য ২৮দা অহেনবা বোরোৱিংগী অয়াবা পীখিবা শেনফম অমসুং স্পেসিএল ৱিন্দোগী খুত্থাংদা লাকখিবা ফন্দশিংগী শেনফম অমসুং রাজ্যশিং অমদি য়ুনিয়ন তেরিতোরীশিংদা হৌজিক ফাওবদা কাইথখিবা অসি এনেক্স তৌরি।

রাজ্য অমমগী জি.এস.দি.পি.গী চাদা ০.৫০গী অহেনবা বোরোৱিং অয়াবা পীখিবা অমসুং ১৯.০২.২০২১ ফাওবদা রাজ্যশিং/য়ু.তি.শিংদা স্পেসিএল ৱিন্দোগী খুত্থাংদা পাস তৌখিবা ফন্দশিংগী শেনফম।

 (লুপা করোরদা)

* রাজ্যশিং অসিগী জি.এস.তি. কম্পেন্সেসনগী অৱাৎপা ‘নিল’ ওই

****