কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

সরকারনা চহি অসিদা ফুদ সবসিদীগী রেকোর্দ ওইনা লুপা করোর ১২৫২১৭.৬২ কাইথখ্রে অমসুং চৎলিবা শেনবা চহি অসিগী মনুংদা অহেনবা লুপা করোর ২৯৭১৯৬.৫২ কাইথগনি। লৌমী পুম্নমক কান্নবা পীনবা খোঙথাংনি

লুপা করোর ১১৬৬৫৩.৯৬ পঞ্জাবকী ওইনা পি.এফ.এম.এস.তা চংখ্রে অমসুং লুপা করোর ২৪৮৪১.৫৬না হরিয়ানাগী ওইনা চংখ্রে

ই-মোদ অসি হৌজিক লৈরিবা এ.পি.এম.সি. সিস্তেম অসিগী মহুৎ শিনগদবা নত্তে। মসিনা পেমেন্ত তৌবগী মোদ অসি হেন্না ত্রান্সপরেন্ত ওইহন্নবা মওংশিংদা মপাঙ্গল কনখৎহনবা খক্তনি

পেমেন্ত তৌনবগী দিজিতেল ই-মোদ অসিনা লীকেজশিং লৈহনদে অমসুং ২০১৫-১৬তগী হৌদুনা মতম শাংনা লৈবাক অসিদা ইমপ্লিমেন্ত তৌদুনা লাক্লি। মরম অসিনা পঞ্জাব অমসুং হরিয়ানা য়াওনা ওনলাইনদা শেল কাইথনবাগী ইমপ্লিমেন্ত তৌরিবা অসিনা ফার্ম লোশিংদগী হাল্লি

খোঙথাংশিং অসিনা লৌমীশিংগী পীথোক্তনা লৈরিবা শেনফম অসি মখোয়দা হকথেংননা ফংহনবা ঙম্লগনি

জি.ও.আই.না পঞ্জাব অমসুং হরিয়ানাদা অর্থিয়াশিং মুত্থৎনবগী ৱাখল্লোন লৈতে অমসুং মন্দি সিস্তেমদগী অর্থিয়াশিং লৌথোক্নবা য়াথংশিং পীখিবা লৈতে

Posted On: 19 FEB 2021 2:25PM by PIB Imphal

সরকারনা চহি অসিদা ফুদ সবসিদীগী ওইনা রেকোর্দ ওইনা লুপা করোর ১২৫২১৭.৬২ কাইথখি অমসুং শেনবা চহি অসিদা অহেনবা লুপা করোর ২৯৭১৯৬.৫২ কাইথগনি মসিদা লুপা করোর ১১৬৬৫৩.৯৬তি পঞ্জাবকী পি.এফ.এম.এস.তা চংগনি। হরিয়ানাগী ওইনদি চাউরাক্না লুপা করোর ২৪৮৪১.৫৬না লৌমীশিংদা কান্নবা পীরগনি।

ত্রান্সপরেন্সী লৈহন্নবা, পীখিবা পেমেন্তশিং কদাই য়ৌরগে ত্রেক তৌনবা অমসুং পুম্নমক্তা কান্নবশিং ফংহন্নবা পেমেন্ত তৌবদা ই-মোদ শিজিন্নবনা লৌমীশিং, অর্থিয়াশিং, মন্দিশিং অসিনচিংবা য়াওনা শরুক য়ারিবা পুম্নমক্না মখোয়গী পেমেন্তশিং অদু হকথেংননা মথং-মথং ওনলাইনদা ফংহল্লি। মসি হৌজিক লৈরিবা এ.পি.এম.সি. সিস্তেমগী মহুৎ শিন্নবা নত্তে। মসিনা ত্রান্সপরেন্সী হেনগৎহন্নবা অমসুং লান্না শিজিন্নবা অসি তৌহনদবা খক্তনি।

এম.এস.পি. পেমেন্তগী ই-মোদ অসি ভারত্তা হান্নদগী চৎনখ্রে, ভারত সরকারনা হায়রিবা অসি ২০১৫-১৬দগী পঞ্জাব অমসুং হরিয়ানাদা চৎননবা হোৎনরি।

ভারত সরকারনা হোৎনরিবশিং অসি ফার্ম এক্তশিংদগী মমাংদগীনি। সরকার এজেন্সীশিংনা বেনিফিসরীশিংদা শেলগী মতেং ত্রান্সফরশিং তৌবা নত্ত্রগা পেমেন্তশিং পীবা অসি দিজিতেল মোদতা তৌবা চাউনা মাই পাকখ্রে অমসুং কান্নবশিং ফংহনবদা লান্না শিজিন্নবা হন্থহনবদা মতেং ওইরিবা ত্রান্সপরেন্সী হায়বা খুৎলাই অসিবু থাগৎখি।

হরিয়ানা অমসুং পঞ্জাবদা পেমেন্ত তৌবগী ই-মোদ অসি খরা মখৈদি চৎনবা হৌখ্রে খুদম ওইনা হন্দক্কী ফৌ লৈশিনবদা পেমেন্তগী শরুক অমদি ই-মোদকী খুত্থাংদা তৌখি।

লৌমীশিংদা পীরিবা দাইরেক্ত ওনলাইন পেমেন্ত অসিনা ফার্ম লো অহুমদগী হাল্লি। পঞ্জাবদা লৌমীশিংদা এম.এস.পি.গী পেমেন্ত অসি আর্থয়াশিংগী খুত্থাংদা পীখি অমসুং হরিয়ানাদা এফ.সি.আই.না এম.এস.পি.গী পেমেন্ত ওনলাইন মোদকী খুত্থাংদা লৌমীশিংগী বেঙ্ক একাউন্তশিংদা ফংহনখি অমরোমদা রাজ্যগী এজেন্সীশিংনা লৌমীশিংদা এম.এস.পি. পীবা অসি আর্থিয়াশিংগী খুত্থাংদা শরুক খরা অমসুং লৌমীশিংনা ই-খারিদ পোর্তেলদা লৌমীশিংনা পীরকখিবা ওপ্সন অদুগী মনুং ইন্না শরুক খরনা লৌমীশিংগী একাউন্তদা হাপখি।

জি.ও.আই.না ২০১৫-১৬দগী হৌদুনা পঞ্জাব অমসুং হরিয়ানাগী রাজ্য সরকারশিংগা লোইননা দাইরেক্ত ওনলাইন পেমেন্ত তৌনবা চাং নাইনা হোৎনরি।

অদুম ওইনমক, রাজ্য সরকার অনিমক্না দাইরেক্ত ওনলাইন পেমেন্তগী থৌরাং অসি ইমপ্লিমেন্ত তৌনবগী কোমথোকপিনবা/মতম পীবিনবা জি.ও.আই.দা চকশিনদুনা লাকখি। মসিনা মরম ওইরা জি.ও.আই.না পঞ্জাব অমসুং হরিয়ানাগী রাজ্য সরকারদা লাক্কদৌরিবা পন্থা অসিদগী লৌমীশিংদা ই-মোদকী খুত্থাংদা ওনলাইন পেমেন্ত তৌনবা অমসুং মসিগী মতুং তারকপদা হিরম অসিদা কোমথোকপা লৈররোই হায়না য়াথং পীখ্রে।

জি.ও.আই.গী শেলথুম মন্ত্রালয়না শোইদনা ঙাক্না চৎনবগী হায়রকপগী ‌মতুং ইন্না পেমেন্ত তৌবা মতমদা পব্লিক ফাইনান্সিএল মোদ্যুল সিস্তেম (পি.এফ.এম.এস.)কী এক্সপেন্দিচর এদভান্স ত্রান্সফর মোদ্যুল (ই.এ.তি.) অসি রাজ্যগী এজেন্সীশিংনসু শিজিন্নগদবনি। রাজ্য সরকারশিংনা মখোয়গী ওনলাইন পেমেন্ত সিস্তেম অদু পি.এফ.এম.এস.কা ইন্তিগ্রেৎ তৌগদবনি। ওনলাইন পেমেন্ত সিস্তেম অদুদা জি.ও.আই.না পীবা লৌমীশিংগী ওনলাইন রেজিস্ত্রেসনগী অমসুং মখোয়দা ওনলাইন পেমেন্ত তৌনবগী ফিচর য়াওবা মথৌ তাই।

ওনলাইন প্রোক্যুর্মেন্ত সিস্তেমনা নিয়ম চুম্না রেজিস্ত্রেসন তোদুনা অমসুং তশেংনা লৈশিল্লিবা অদু য়েংশিনবগী খুত্থাংদা লৌমীশিংদা ত্রান্সপরেন্সী অমসুং খুদোংচাবা ফংহনগনি। রাজ্য পুম্নমক্তা লৌমীশিংদগী ওনলাইন ওইনা পোত্থোক লৈশিন্নবা থৌগৎখ্রে।

প্রোক্যুরিং এজেন্সীশিংনা শিজিন্নবা ই-প্রোক্যুরিং মোদ্যুলগী খুত্থাংদা লৌমীশিংনা লাউথোকখিবা এম.এস.পি., খ্বাইদগী নকপা পর্চেস সেন্তর, পর্চেস সেন্তরদা লৌমীশিংনা মাগী পোত্থোক অদু পুরক্নবা অরোইবা তাং অসিনচিংবগী মতাংদা খ্বাইদগী অনৌবা/অপদেৎ তৌরবা ই-পাউ ফংলি। মসিনা লৌমীশিংদা স্তোক দেলিবরী তৌনবগী মতম ঙাইবা অদু হন্থনবা খক্তা নত্তনা লৌমীগী খুদোংচাবগী মতুং ন্না স্তোক অদু খ্বাইদগী নকপা মন্দিদা পীবা ঙমহনগনি।

পেমেন্ত ই-মোদ ওইনা তৌবনা লৌমীশিং, অর্থিয়াশিং, মন্দিশিং য়াওনা ভেল্যু চেন পার্তিসিপেন্ত পুম্নমক্না মখোয়গী পেমেন্ত অদু অতোপ্পা ভেল্যু চেন পার্তিসিপেন্তগী (খুদম ওইনা লৌমীশিংদা অর্থিয়ানা পীবা) খুত্থাংদা ফংবগী মহুৎ হকথেংননা ফংহনগনি। মসিনা পুম্নমক্তা ত্রান্সপরেন্সী অমসুং কান্নবশিং ফংহনগনি। মসিনা হৌজিক লৈরিবা এ.পি.এম.সি. সিস্তেমগী মহুৎ শিনগদবা নত্তে।

ভারত সরকারনা জে.এ.এম. ত্রিনিতীগী খুত্থাংদা পি.এম.কিসানগী খুত্থাংদা তৌবাগুম্বা লৌমীশিংদা হকথেংননা কান্নবশিং মখা তানা ফংহন্নবা হোৎনরি।

 

****



(Release ID: 1699445) Visitor Counter : 38