প্রধান মন্ত্রী কিসান সম্পদা য়োজনা(পি এম কে এস ৱাই)গী মখাদা ক্রিয়েসন/এক্সপান্সন ওফ ফুদ প্রোসেসিং এন্দ প্রিজার্বেসন কেপাসিতিস(সি ই এফ পি পি সি) স্কিম অমসুং এগ্রো-প্রোসেসিং ক্লস্তর(এ পি সি)গী মচাক-মথুমশিং শেমগৎনবা স্কিমগী মখাদা থাগৎলকপা প্রোজেকশিং খন্ননবা ঙরাং ভিদিও কনফরেন্সকী খুৎথাংদা ফুদ প্রোসেসিং ইন্দস্ত্রিগী য়ুনিয়ন মিনিস্তর শ্রী নরেন্দ্র সিংহ তোমারনা লুচিংদুনা ইন্তর-মিনিস্তরিয়েল এপ্রুবেল কমিতি(আই এম এ সি) অনিগী মীফম পাংথোকখ্রে। মীফম অদুদা রাজ্য মন্ত্রী শ্রী রমেশ্বর তেলিশু শরুক য়াখি। ভিদিও কনফরেন্সকী খুৎথাংদা প্রোজেকশিংগী প্রোমোতরশিংশু মীফম শরুক য়াখি।

আই.এম.এ.সিদা প্রোজেকশিং অয়াবা পীখিবা অসিনা শেম-শাবা হেনগৎলক্তুনা অমসুং হোর্তিকলচর অমসুং লৌউ-শিংউগী পোৎথোকশিং মগুন হেনগৎহন্দুনা লৌমীশিংগী শেন্থোক হেনগৎহনগনি অমসুং থবক ফংহনগনি হায়বগী থাজবা থম্লি।

মীফমদা অয়াবা পীখ্রবা প্রোপোজেলশিংগী অকুপ্পা মরোলশিং মখাদা পীরি:

সি.ই.এফ.পি.পি.সিগী মখাদা:

• হিমাচল প্রদেস, মনিপুর, অরুনাচল প্রদেস, মহারাস্ত্রা, নোংচুপ বঙ্গাল, কর্নাতাকা, মিজোরম অমসুং গুজরাতকী লুপা কোতি ৩৬.৩০গী গ্রান্তস-ইন-এদ য়াওনা প্রোপোজেল ১১গী অপুনবা লুপা কোতি ১১৩.০৮ ।
• হায়রিবা প্রোজেকশিং অসিদা লনাই ওইনা লুপা কোতি ৭৬.৭৮ থাদগনি অমসুং মীওই ৩৭০০ থবক পীগনি অমসুং লৌমী ৬৮০০ কান্নবা পীগনি হায়না থাজবা থম্লি।
• লৌউ-শিংউগী পোৎথোকশিং শেম-শানবা অমসুং লীদুনা থম্নবা অমসুং চীঞ্জাক শেম-শাবগী থবক হেনগৎহন্নবা পি.এম.কে.এস.ৱাইগী মখাদা স্কিম অসি মে ৫, ২০১৭দা অয়াবা পীখি। মসিনা লৌউ-শিংউগী পোৎথোকশিং মাঙবা হন্থহন্দুনা মগুন হেনগৎহনবা অমসুং শেম-শাবগী থবক হেনগৎহনগনি।

এ.পি.সিগী মচাক-মথুম শেমগৎনবগী মখাদা:

• মৈধ্য প্রদেস, অন্ধ্র প্রদেস, কর্নাতাকা, মহারাস্ত্রা, অরুনাচল প্রদেস, অসাম অমসুং রাজস্থান রাজ্যশিংগী লুপা কোতি ৬৬.৬১গী গ্রান্তস-ইন-এদ য়াওনা অপুনবা লুপা কোতি ২৫০.৩২গী প্রোপোজেল ৯ য়াওরি।
• হায়রিবা প্রোজেকশিং অসিদা লনাই ওইনা লুপা কোতি ১৮৩.৭১ থাদগনি অমসুং মীওই ৮২৬০ থবক পীগনি অমসুং লৌমী ৩৬০০ কান্নবা পীগনি হায়না থাজবা থম্লি।
• ক্লস্তর ওইনা চীঞ্জাক পুথোক্নবা য়ুনিতশিং লিংখৎনবা ওন্ত্রেপ্রেনিউয়রশিং পুক্নিং থৌগৎনবা পি.এম.কে.এস.ৱাইগী মখাদা এ.পি.সিগী মচাক-মথুমশিং শেমগৎনবা স্কিম মে ৫, ২০১৭দা অয়াবা পীখ্রে।

****