২০২১গী ফেব্রুৱারি ১৬তা ন্যু দিল্লীদা রক্সা মন্ত্রী শ্রী রাজনাথ সিংহনা ই-চাৱানি পোর্তেল অমসুং মোবাইল এপ লোঞ্চ তৌখ্রে৷ লৈবাক অসিদা লৈরিবা কেন্তোনমেন্ত লোর্দ ৬২গী রিসাইদেন্ত লাখ ২০ হেনবদা ওনলাইন সিভিক সর্ভিসেস ফংহন্নবা পোর্তেল(https://echhawani.gov.in/) অসি শেমখিবনি৷

পোর্তেল অসিগী মতেংদগী বত্তন অমখক নমদুনা কেন্তোনমেন্ত এরিয়াশিং অসিদা লৈরিবা রিসাইদেন্তশিং অসিনা মরু ওইবা সর্ভিসশিং খুদম ওইনা হায়রবদা লিসশিং রিন্যু তৌবা, পোকপা অমসুং শিবগী সর্তিফিকেৎকী এপ্লিকেসন থাবা, ইশিং অমসুং সিৱেজ কন্নেক তৌবা, ত্রেদ লাইসেন্সেস, মোবাইল তোইলেত লোকেতরশিং অমসুং তোঙান তোঙানবা তেক্স অমসুং ফীশিং পেমেন্ত তৌবা য়াহল্লগনি৷ ইগোভ ফাউন্দেসন, ভারত ইলেক্ত্রোনিক্স লিমিতেদ(বি,ই,এল.), দাইরেক্তোরেৎ জেনেরেল দিফেন্স ইস্তেত(দি.জি.দি.ই.) অমসুং নেস্নেল ইনফোর্মেতিক্স সেন্তর(এন.আই.সি.)না খুৎশম্নদুনা শেম্লিবা পোর্তেল অসিনা মীয়ামশিংনা মশা মশাগী ময়ুমশিংদগী হায়রিবা সর্ভিসশিং অসি লৌনবগী খুদোংচাবা অদু পীরিবা প্লেতফোর্ম অমনি৷

থৌরম অসিদা ৱা ঙাংলদুনা লৈবাক অসিদা লৈরিবা মীয়ামশিং অসিদা খ্বাইদগী চাওনা খুদোংচাবশিং ফংহন্দুনা লৈবাক অসিগী শেল-থুমগী ফিভম চাওখৎনবা হোৎনবদা অমসুং লৈঙাক-শাশন অসিবু হেন্না ইফিসিয়েন্ত অমসুং ত্রেন্সপরেন্সী লৈহন্নবা সরকার অসিনা হোৎনরিবা অসিগীদমক রক্সা মন্ত্রীনা সরকার অসিবু থাগৎখ্রে৷ মসিগী সিস্তেম অসি প্রজা মীয়াম্না য়াম্না পাম্না শিজিন্ননবা অমসুং মীয়ামশিং অসিগী পুন্সি অসি হেন্না লাইনা হিংহন্নবা অমসুং থবকশিং হেন্না লাইনা পাংথোকপা য়ানবা সরকার অসিনা হোৎনরি হায়না মহাক্না ফোংদোকখ্রে৷ অফবা লৈঙাক লৈহন্নবা অমসুং মীয়ামশিং অসিগী পুন্সি অসি হেন্না লাইনা হিংহনবা য়ানবা প্রধান মন্ত্রী শ্রী নরেন্দ্র মোদীনা ‘মিনিমম গভর্মেন্ত – মেক্সিমম গভর্নেন্স’, দিজিতেল ইন্দিয়া অমসুং ই-গভর্নেন্সকুম্বা ইনিসিয়েতিবশিং পুথোকখ্রে অমসুং হায়রিবা হিরমশিং অসিগীদমক ই-চাৱানি পোর্তেল পুথোরকপা অসি অচৌবা খোঙথাং অমা ওই হায়না রক্সা মন্ত্রীনা ফোংদোকখ্রে৷ 

‘অনৌবা ভারত’কী মংলান অসিগা লোইননা ই-চাৱানি পোর্তেল অসি কেন্তেনমেন্ত বোর্দশিং অসিগী মথৌ অসি শেমদোক্নবা ইন্নোবেতিব ইফর্ত অমনি হায়না শ্রী রাজনাথ সিংহনা ফোংদোকখ্রে৷ কেন্তোনমেন্ত বোর্দশিং অসিগী সর্ভিসেস দিস্ত্রিব্যুবন সিস্তেম অসি পোর্তেল অসিনা হেন্না ইফেক্তিব অমসুং ত্রান্সপরেন্সী লৈহল্লগনি হায়না মহাক্না থাজনা ফোংদোকখ্রে৷ পোর্তেল অসি মীয়াম্না কা হেন্না পাম্না শিজিন্নহন্নবগীদমক বেনিফিসরীশিং অসিগী ফীদবেক্ত অদু চাং নাইনা য়েংশিন্নবা মরী লৈনবা ওফিসরশিং অসিদা শ্রী রাজনাথ সিংহনা হায়খ্রে৷

হৌখিবা চহী খরা অসিদা ভারত অসি মালেম অসিগী পৱারহাউস অমা ওইবা ঙমখ্রে অমসুং দিফেন্স, ইকোনোমী, ত্রেদ, আই.তি., এগ্রিকল্চর অমসুং ইনবেস্তমেন্তগী ফিল্দশিং অসিদা কা হেন্না খুদোংচাবা ফংলিবা লৈবাক অমা ওইখ্রে হায়না শ্রী রাজনাথ সিংহনসু ফোংদোকখ্রে৷

নহাক্কী এন্দ্রোইদ মোবাইলদা ইচাৱানি এপ অসি দাউনলোর্দ তৌনবা মখাগী লিঙ্ক অসিদা নম্মু:-

https://play.google.com/store/apps/details?id=org.egovernment.echhawani.citizen

                                                                                        *****