ঙসি ফেব্রুৱারি ১১,২০২১দা ভর্চুএল ওইনা পাংথোকপা থৌরম অমদা ইল সালভাদোর, পানামা, তুনিসিয়া, য়ুনাইতেদ কিংদম অমসুং অর্জেন্তিনাগী এম্বেসেদরশিং/হায় কমিসন্নরশিংদগী পীরকপা শক্তাক-চেশিং ভারতকী রাস্ত্রপতি শ্রী রাম নাথ কোবিন্দনা অয়াবা পীখ্রে। মখোয়গী শক্তাক-চেশিং পীশিল্লকখিবা মীওইশিং অদুদি:

১. গুইলেরমো রুবিও ফুন্স, ইল সালভাদোরগী এম্বেসেদর

২. য়াসিএল বুরিল্লো রিভেরা, পানামাগী এম্বেসেদর

৩. হায়েত তালবি, তুনিসিয়াগী এম্বেসেদর

৪. অলেক্স ইলিস, য়ু.কেগী হায় কমিসন্নর

৫. হুগো জেবিয়র, অর্জেন্তিনাগী এম্বেসেদর

মখোয় এনভোই ওইনা হাপ্লকপদা রাস্ত্রপতিনা মহাক্কী য়াইফ-পাউজেল পীখি। মহাক্না হায়খি হায়রিবা লৈবাক মঙা অসিগী এনভোইশিংগা ভারতকা মরুপ-মপাং ওইবা মরী লৈনরি অমসুং ঐখোয়গা লৈনবা মরী অসি শান্তি অমসুং নুংঙাই-য়াইফনা লৈনবগী পান্দমদা য়ুম্ফম ওইবনি। ২০২১-২২ তার্মগী ওইনা য়ু.এন সেকুরিতি কাউন্সিলগী নন-পর্মনেন্ত সিতকীদমক ভারতনা মীরেপ ওইবদা শৌগৎপগীদমক মখোয়গী সরকারশিং থাগৎখি।

শ্রী কোবিন্দনা হায়খি কোবিদ-১৯ লাকশিন্দুনা ঐখোয়গী হকশেল অমসুং শেন-থুমগী ফিবম ফগৎনবা অপুনবা থবকশিংদা ভারতনা মালেমগী ওইনা মাঙজিল থারি। ভারত সরকারগী ভেকশিন মাইত্রিগী মখাদা ভারতনা পুথোকপা মমল য়াম্না হোঙবা তিকাশিং লৈবাক কয়াদা য়ৌখ্রে, মসিনা ঐখোয় ‘মালেমগী ফার্মাসি’ হায়না খঙনবা অদু অমুক হেনগৎলে।

মখোয়গী ৱারোলশিংদা, ভারতকা লৈনবা মরীশিং মপাঙ্গল কনখৎহন্নবা মখোয়গী লুচিংবশিংনা পীখিবা থাজবশিং অমসুং মখোয়গী লৈবাক্কা ভারত্ত লৈনবা অকনবা মরীগী মতাংদা এনভোইশিংনা ফোঙদোকখি। মালেমগী লৈবাকশিংদা কোবিদ-১৯ তিকা ফংহন্নবা ভারতনা হোৎনরিবশিং মখোয়না থাগৎখি।

*****