نئی دہلی ،11فروری 2021

بھارت نے ایک اور اہم کامیابی حاصل کی ہے ۔بھارت کووڈ -19 کے خلاف 70 لاکھ سے زیادہ لوگوں کو ٹیکہ لگانے والا دنیا کا سب سے تیز ملک بن گیا ہے۔

بھارت نے یہ کامیابی صرف 26دنوں میں حاصل کی ہے،جبکہ امریکہ نے اس تعداد تک پہنچنے میں 27دن اور انگلینڈ نے 48 دن کا وقت لیا ہے۔ بھارت کچھ دن پہلے 60 لاکھ کے اعدادو شمار تک پہنچنے والا بھی دنیا کا پہلا ملک بنا تھا ۔

11فروری ،2021 کو صبح آٹھ بجے تک ملک گیر سطح پر کووڈ -19 ٹیکہ کاری مہم کے تحت 70 لاکھ (7017114) سے زیادہ مستفدین کو ٹیکے لگائے گئے ہیں۔

بھی تک کل 7017114 مستفدین کو ٹیکے لگے ہیں ،جن میں 5705228 صحت کی  دیکھ بھال  کرنے والے اہلکار (ایچ سی ڈبلیو) اور 1311886 فرنٹ لائن اہلکار (ایف ایل ڈبلیو) شامل ہیں۔

ٹیکہ کاری کے 26ویں دن یعنی دس فروری کو 40549 مستفدین (ایچ سی ڈبلیو 94890 اور ایف ایل ڈبلیو310459) کو 8308 سیشن میں ٹیکے لگائے گئے ہیں۔

ٹیکے لگائے جانے  والے مستفدین کی تعداد میں ہر روز اضافہ ہورہا ہے۔ 13 ریاستوں/مرکز کے زیر انتظام علاقوں میں 65 فیصد سے زیادہ رجسٹرڈ طبی دیکھ بھال  اہلکاروں کو ٹیکے لگائے گئے ہیں۔ بہار میں سب سے زیادہ تعداد میں 79فیصد رجسٹرڈ ایچ سی ڈبلیو کو کووڈ کے ٹیکے لگ چکے ہیں۔

سات ریاستوں /مرکز کے زیر انتظام علاقوں میں 40 فیصد سے کم رجسٹرڈ طبی اہلکاروں کو ٹیکے لگ چکے ہیں۔ پڈوچیری میں سب سے کم 17.5فیصد اہلکاروں کو ٹیکے لگے ہیں۔

کووڈ -19 کےخلاف بھارت کی لڑائی سے دیگر محاذ پر بھی ہر روز کامیابی حاصل ہورہی ہے۔17ریاستوں/مرکز کے زیر انتظام علاقوں میں پچھلے 24 گھنٹوں کے دوران کوود سے کوئی بھی موت نہیں ہوئی ہے۔ یہ ریاست/ مرکز کے زیر انتطام علاقے ہیں- تلنگانہ ،گجرات ،آسام،ہریانہ ،اوڈیشہ ،اتراکھنڈ ،میگھالیہ ،ناگالینڈ،لکشدویپ ،لداخ،سکم ،منی پور ،میزورم ،انڈما اور نکوبار جزائر،تریپورہ ،اروناچل پردیش، دمن اور دیو اور دادر اور نگر حویلی ۔

ملک میں پچھلے 24 گھنٹوں کے دوران 142562 زیر علاج معاملے درج ہوئے ہیں۔ اب ملک کے کل متاثرہ معاملوں کی تعداد کل معاملوں کی صرف 1.31 فیصد ہی ہے۔ فی دس لاکھ کی آبادی پر ملک میں زیر علاج معاملوں کی تعداد صرف 104 ہے،جو دنیا میں سب سے کم ہے ۔

ملک میں پچھلے 24 گھنٹوں کے دوران 12923 نئے تصدیق شدہ معاملے درج ہوئے ہیں جبکہ اسی مدت کے دوران 11764 نئے مریض ٹھیک ہوئے ہیں۔بازیابی کی قومی شرح 97.26 فیصد ہے،جو دنیا میں بازیابی کی سب سے اونچی شرح ہے۔

ابھی تک کل 10573372 کووڈ کے مریض ٹھیک ہوچکےہیں ۔زیر علاج معاملوں اور ٹھیک ہوئے معاملوں کے درمیان فرق مسلسل بڑھتے ہوئے 10430810 تک پہنچ گیا ہے۔ 83.20 فیصد ٹھیک ہوئے نئے معاملے چھ ریاستوں میں درج ہوئے ہیں۔ کیرالہ میں سب سے زیادہ تعداد میں 5745 نئے مریض ٹھیک ہوئے ہیں۔ مہاراشٹر اور گجرات میں تقریباً 2421 اور495 نئے مریض ٹھیک ہوئےہیں۔

85.11 فیصد نئے مریض چھ ریاستوں سے متعلق ہیں۔

کیرالہ مین کل سب سے زیادہ 5980 نئے مریض سامنے آئے ہیں،جبکہ مہاراشٹر اور تمل ناڈو میں تقریباً3451 اور 479 نئے معاملے درج ہوئے ہیں۔

پچھلے 24 گھنٹوں کے دوران کووڈ-19 کے 108 مریضوں  کی موت ہوئی ہے۔79.63 فیصد اموات کے معاملے سات ریاستوں سے متعلق ہیں۔ مہاراشٹر میں سب سے زیادہ 30 لوگوں کی موت ہوگئی ہے ،جبکہ کیرالہ میں موت کے 18 نئے معاملے درج ہوئے ہیں۔

ش ح ۔ا م۔ م ف۔

U:1415