প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং য়ুনাইতেদ স্তেৎস ওফ অমেরিকাগী রাস্ত্রপতি জোসেফ আর. বিদেন অনিগী মরক্তা তেলিফোন্দা ৱারি শানখ্রে
Posted On:
08 FEB 2021 11:55PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ুনাইতেদ স্তেৎস ওফ অমেরিকাগী রাস্ত্রপতি জোসেফ আর. বিদেনগা তেলিফোন্দা ৱারি শানখ্রে।
প্রধান মন্ত্রীনা রাস্ত্রপতি বিদেন থাগৎখি, মহাক্কী রাস্ত্রপতি ওইবগী মতম অসিগীদমক য়াইফ-পাউজেল পীখি অমসুং ইন্দিয়া-য়ু.এস স্ত্রাতেজিক পার্তনরসিপ মখা তানা ফগৎনবা মহাক্কা লোয়ন্না চেৎনা থবক তৌমিন্ননবা থাজবা ফোঙদোকখি।
লুচিংবা অনিনা লমদম অসিদা ওইরক্লিবা ফিবমশিং অমসুং মালেমগী শেন-থুম অমসুং রাজনিতিগী ফিবমশিংগী মতাংদা কুপ্না খন্নখি। গনতন্ত্রগী মগুনশিং অমসুং চপ মান্নবা মরুওইবা অপাম্বশিংদা থাজবা থমদুনা ভারত-য়ু.এসকী মরী অসি চেৎনা লৈরি হায়না মখোয়না ফোঙদোকখি। নিয়মদা য়ুম্ফম ওইবা মালেমগী কাংলোন অমা লৈনবা অমসুং মনিংতম্বা অমসুং অপুনবগী ইন্দো-পেসিফিক লমদম অমা শেমগৎনবা ৱাখল মান্নবা লৈবাকশিংগী পুন্না থবক তৌমিন্নবগী মরুওইবা লুচিংবশিংনা অমুক হন্না ফোঙদোকখি।
মালেমগী অইং-অশাগী খল কাইরকপগী মায়োক্নরিবা খুদোংচাদবশিং কোকহনবগী মরুওইবা অদু প্রধান মন্ত্রী অমসুং রাস্ত্রপতি বিদেন্না থমখি। পেরিস এগ্রিমেন্তদা অমুক হন্না থাজবা পীখিবা রাস্ত্রপতি বিদেনগী ৱারেপ প্রধান মন্ত্রীনা তরাম্না ওকখি অমসুং রিনিউএবল ইনর্জিগী লমদা ভারতনা থম্লিবা অচৌবা পান্দমশিংগী মতাংদা পাউদমখি। চহি অসিগী এপ্রিলদা ক্লাইমেত লিদরস সমিৎ অমা রাস্ত্রপতি বিদেন্না পাংথোক্নবা থৌরাং তৌরিবা অসি প্রধান মন্ত্রীনা তরাম্না ওকখি অমসুং সমিৎ অদুদা শরুক য়াগনি হায়বগী থাজবা পীখি।
মখোয়গী খুদোংচাগদবা য়েংলগা অথুবদা মতমদা ভারত্তা লাক্নবা রাস্ত্রপতি বিদেন অমসুং দোক্তর জিল বিদেন্দা প্রধান মন্ত্রীনা চেবাউ পীখি।
*****
(Release ID: 1696412)
Visitor Counter : 173
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam