প্রধানমন্ত্রীগী লোইশঙ
প্রধান মন্ত্রীনা ফেব্রুৱারি ১০দা ৱর্ল্দ সস্তেনেবল দিভেলপমেন্ত সম্মিৎ ২০২১ হৌদোক্কনি
Posted On:
08 FEB 2021 5:34PM by PIB Imphal
প্রধান মন্ত্রী, শ্রী নরেন্দ্র মোদীনা ফেব্রুৱারি ১০গী নুমিদাংগী পুং ৬.৩০ তাবা মতমদা ৱর্ল্দ সস্তেনেবল দিভেলপমেন্ত সম্মিৎ ২০২১বু ভিদিও কনফরেন্সিংগী খুত্থাংদা হৌদোক্কনি। সম্মিৎ অসিগী মপুং ওইবা হীরমদি “ঐখোয় অপুনবগী তুংগী মতমগী নৌহৌননা ৱাহন্থোক পীবাঃ মীপুম খুদিংমক্কী তেক্ত-কায়দবা অমসুং অচেৎপা অকোয়বা লৈহনবা” হায়বনি। গুয়ানাগী কো-ওপরেতিব রিপব্লিক্কী রাস্ত্রপতি, হিজ এক্সেলেন্সী, দাঃ মোহম্মদ ইর্ফান অলি; পাপুৱা ন্যু গিন্যাগী প্রধান মন্ত্রী, শ্রী জেমস মরাপ্পে; রিপব্লিক ওফ মালদিবসকী পীপল’স মাজিলিগী স্পীকর, শ্রী মোহম্মদ নশীদ; য়ুনাইতেদ নেসন্সকী দিপ্যুতী সেক্রেতরী জেনেরেল, মিস অমিনা জে. মোহম্মদ অমসুং ইনভাইরনমেন্ত, ফোরেস্ত অমসুং ক্লাইমেৎ চেঞ্জকী কেন্দ্রগী মন্ত্রী, শ্রী প্রকাশ জাব্রেকরনা থৌরম অসিদা শরুক য়াগনি।
সম্মিৎকী মতাংদা ৱারোল খরা
ইনর্জী অমসুং রিসোর্স ইন্সতিত্যুৎকী ২০শুবা খ্বাইদগী নীংথিরবা থৌরম অমা ওইরিবা ৱর্ল্দ সস্তেনেবল দিভেলপমেন্ত সম্মিৎ ২০২১ অসি ফেব্রুৱারি ১০-১২, ২০২১ ফাওবা ওনলাইনগী খুত্থাংদা পাংথোক্কনি। সম্মিৎ অসিনা সরকার। কারবারগী লুচিংবা, একাদেমিস্যান, ক্লাইমেৎ সাইন্তিস্ত, নহা অমসুং সিবিল সোসাইতী কয়াগী য়াম্লবা মীওইশিংবু অইং-অশা হোংবগী মাইয়োক্তা লান্থেংননবগীদমক্তা অমত্তা ওইনা পুন্সিনগনি। ভারতকী ইনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়, ন্যু অমসুং রিন্যুএবল ইনর্জী মন্ত্রালয় অমসুং আর্থ সাইন্স মন্ত্রালয়না সম্মিৎ অসিগী মপুং ওইবা খোঙলোই ওইগনি। ইনর্জী অমসুং ইন্দস্ত্রী ত্রাঞ্জিসন, এদাপ্তেসন অমসুং রেজিলিএন্স, মহৌশাদা য়ুম্ফম ওইবা ৱারোইশিন, ক্লাইমেৎ ফাইনান্স, সর্ক্যুলর ইকোনোমী, তসেং-তসেংবা সমুদ্র অমসুং নুংশিৎ মোৎশিনবশিং অসিনা সম্মিৎ অসিগী মনুংদা খন্ন-নৈনগদবা মরু ওইবা হীরম ওইগনি।
****
(Release ID: 1696271)
Visitor Counter : 175
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam