কেন্দ্রগী বজেৎকী মতাংদা মথং-মথং পাঙথোকপা মীদিয়াগী ইন্তর্ভ্যু অমদা দেবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সন, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা বজেৎ অসি পোস্ত কোবিদ ইন্দিয়াগী মঙলানগা চান্ননা শেমখি হায়না ফোঙদোকখ্রে। মহাক্না হায় মসি ইকনোমিক দোক্যুমেন্ত অমা ওইজরবসু ঙসি পুথোকখিবা বজেৎ অসিনা ইকনোমীশিংগী হিরমশিং খক্তা নত্তনা মোদীনা লুচিংবা ভারত অসিনা মালেমগী লৈবাকশিংগী মরক্তা ফ্রন্তলাইন মেম্বর অমা ওইহন্নবা রোদমেপ অদুসু য়াৎখ্রে।

ওপ্পোজিসননা শিংনবা অমসুং প্রোপেগেন্দা কয়া তৌখিবা অসিগী ওন্নতৈনবদা দা. জিতেন্দ্র সিংহনা হায়, পুথোকখিবা বজেৎ অসি ক্রিতিকশিং তুমিন লৈখ্রে অমসুং মখোয়বু য়ানিংদবা ফোঙদোকপা খক্তগী ওইনা ক্রিতিসাইস তৌনবা লৈহনখি। মহাক্না হায় মীচম প্রজাদা অহেনবা পোৎলুম নত্ত্রগা লাইএবিলিতী পীবগী মহুৎ তোঙান তোঙানবা কম্মেন্তেতরশিংনা অপাম্বা ফোঙদোকখিবগী মতুং ইন্না বজেৎ ২০২১-২২না লৈবাক অসিনা কোবিদ লাইচৎকী অপনবশিং থেংনরিঙৈ অসিদা মতেং ওইররে।

দা. জিতেন্দ্র সিংহনা হায় বজেৎ অসিনা থমখিবা প্রাইওরিতীশিং অসিনা অতোপ্পা লৈবাকশিংনা ফীদমনীংঙাই ওইহল্লগনি। খুদম ইনা হেল্থ সেক্তরদা অৱাংবা প্রাইওরিতী থম্বা অসি অমুক্তা থোকখিদ্রিবা খক্তা নত্তনা মসিনা ভারতনা মশাগী হোৎনজনবা অমদি অতোপ্পাশিংদগী মাং থানা চৎতুনা সরকারগী লুচিং মখাদা লৈবাক অসিগী কোরোরনা বেক্সিনগুম্বা অচৌবা থৌরাংশিং পাখৎনবা মশাদা থাজবা অদু লৈহল্লি মসিনা হকচাং ফনা থম্বা, হেল্থ কিয়র অমসুং ৱেলনেসকী চেকশিল থৌরাং অদু হেন্না খঙহল্লি।

বজেৎ অসিগী মীনা কয়া খঙনদবা ৱাফম খরা থমলদুনা দা. জিতেন্দ্র সিংহনা হায় মসিনা খুন্নাই অসিগী শরুক খুদিংমক্তা হরাও-তয়াম্বা পুরকখ্রে। অমরোমদা নহারোলশিংগী , স্তার্ত-অপশিংগী তেক্স হোলিদে অসি চহি অমা শাংদোকখ্রে অমরোমদা অহল ওইরবা প্রজাশিং, চহি ৭৫কী মথক্তা লৈবা পেন্সনরশিংগীদমক্তা ইনক তেক্স রিতর্নশিং ফাইল তৌদবা য়াদবা অদু কোকপীখ্রে।

জম্মু অমসুং কাশ্মিরদা গ্যাস পাইপলাইন অমা অমদি লদাখতা য়ুনিভর্সিতী লিংখৎপগী মতাংদা জা. জিতেন্দ্র সিংহনা হায় অনৌবা য়ুনিয়ন তেরিতোরী অনি অসিগী [্রধান মন্ত্রী নরেন্দ্র মোদীনা কয়াম খনবগে হায়বা অদু উৎলি। মহাক্না অৱাং নোংপোক্তা লৈবা অশাম অমদি ৱেস্ত বেঙ্গলদা তী গার্দেন ৱার্করশিংদা তেংবাং পীখিবা অসিবুসু থাগৎখ্রে।

প্রধান মন্ত্রী মোদীনা থোনখিবা “আত্মানির্ভর ভারত”কী য়ুম্ফম অসিগী পান্দম অদু ফংনবা হোৎনবা ওইনা চহি অসিগী দিসেম্বরদা ইস্রোনা লোঞ্চ তৌগদবা “গগনয়ান” অসিবু দা. জিতেন্দ্র সিংহনা থাগৎখ্রে।

<><><><><>