শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না ঙসি পার্লিয়ামেন্তদা পুথোকখিবা ইং কুমজা ২০২১-২২গী বজেৎতা সহরগী মফমশিংদা পব্লিক ত্রান্সপোর্ত সিস্তেমদা অচৌবা কান্নবা অমা পীখ্রে।

মহাক্না হায় সরকার অসিনা মেত্রো রেল নেৎৱার্ক চাউথোকহনবা অমসুং সহরগী বস সর্ভিস ফগৎহনবগী খুত্থাংদা সহরগী মফমশিংদা পব্লিক ত্রান্সপোর্তকী শরুক হেনগৎহন্নবা থবক পাউখৎলগনি। পব্লিক বস ত্রান্সপোর্ত সর্ভিসেস চাউথোকহনবদা মতেং পাংনবা লুপা করোর ১৮০০০ চংগদবা অনৌবা স্কীম অমা হৌদোক্লগনি। মসিনা অনৌবা পি.পি.পি. মোদেলশিং দিপ্লোই তৌবদা মতেং পাংদুনা প্রাইবেৎ সেক্তর প্লেয়রশিংনা বস ওতোমোবাইল সেক্তর চাউখৎহল্লগনি, ইকনোমিক গ্রোথ লৈহল্লগনি, নহারোলশিংদা থবক্কী খুদোংচাবা পীরগনি অমসুং সহরদা লৈরিবশিংগী চত্থোক-চৎশিন তৌবদা নুংঙাইবা হেনগৎহল্লগনি।

খঙজিনবা য়াবদি লৈবাক শিনবা থুংনা খোঙজেল য়াংনা মেত্রো ত্রেন সর্ভিসশিং চাউথোরক্লি। পুন্না কি.মি. ৭০২গী কনভেন্সনেল মেত্রো চেলহনখ্রে অমদি সহর ২৭তা অতোপ্পা মত্রো কি.মি. ১,০১৬ অমসুং আর.আর.তি.এস. শাবগী থবক চত্থরি। বজেৎ পুত্থোকপদা মন্ত্রীনা হায় সরকার অসিনা অনৌবা তেক্নোলোজী অনি মদুদি ‘মেত্রো লাইৎ’ অমসুং মেত্রোনিও’ দিপ্লোই তৌনবা থৌরাং তৌরি মসিনা তাইয়র-১গী সহরশিং অমসুং তাইয়র-১গী সহরশিংগী লোন্নবা মফমশিংদা চপ মান্নবা এক্সপরিয়েন্স, খুদোংচাবা অমসুং খুদোংথিদবা মওংদা অতাবা মমলদা মেত্রো রেল সিস্তেমশিং ফংহনগনি।

বজেৎ অসিনা মখাদা পীরিবশিং অসিদা কেন্দ্রনা ফন্দিং তৌনবা প্রপোজ তৌখ্রে :

1. লুপা করোর ১৯৫৭.০৫গী শেনফমদা কি.মি. ১১.৫গী কোচি মেত্রো রেলৱে ফেজ-II
2. লুপা করোর ৬৩,২৪৬কী শেনফমদা কি.মি. ১১৮.৯গী চেন্নাই মেত্রো রেলৱে ফেজ-II
3. লুপা করোর ১৪,৭৮৮গী শেনফমদা কি.মি. ৫৮.১৯গী বেঙ্গলুরু মেত্রো রেলৱে ফেজ ২এ অমসুং ২বি
4. লুপা করোর ৫,৯৭৬ অমসুং লুপা করোর ২,০৯২গী শেনফমশিংদা মথং শিৎনা নাগপুর মেত্রো রেলৱে ফেজ-II  অমসুং নাশিক মেত্রো

*****