লৈবাক অসিদা রিছর্সকী থবক মপাঙ্গল কনখৎহন্নবা; লৈবাক অসিনা অনৌবা থবক পায়খৎপা অমসুং রিছর্স অমসুং দিবলপমেন্তগী থবক ফগৎহন্নবা শেনবা চহি ২০২০-২১গী কেন্দ্রগী বজেত্তা অনৌবা থৌরাং কয়া লাউথোক্লে। ঙসি সংসদতা কেন্দ্রগী বজেত পুথোকপদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না দিজিতেল ওইনা শেন পীবা, স্পেসকী থবকশিং অমসুং সমুদ্র মনুংদা থিজিনবগী মতাংদা অনৌবা থৌরাং কয়া লাউথোকখ্রে।

নেসনেল রিছর্স ফাউন্দেসন

নেসনেল রিছর্স ফাউন্দেসনগী চহি ৫ হেন্না লুপা করোর ৫০,০০০ কাইথোক্নবা ফাইনান্স মিনিস্তরনা লাউথোকখ্রে। মহাক্না হায়খি মসিনা লৈবাক্কী ওইনা মরুওই হায়না মশক খঙদোক্লবা হিরমশিংদা মিৎয়েং চঙদুনা লৈবাক অসিদা রিছর্সকী থবকশিং মপাঙ্গল কনখৎহনবা ঙমগনি।

দিজিতেল ওইনা শেন পীথোক-পীশিনগী থবক ফগৎহনবা

হাওসতা শ্রীমতি সিতারমন্না হায়খি হৌখিবা মতম খর অসিদা দিজিতেল ওইনা শেন পীথোক-পীশিনগী থবক শিংথাবা য়ানা হেনগৎলে অমসুং মসি হেন্না খুমাঙ চাউশিন্নবা থবকশিং পায়খৎপা দরকার ওইরে। দিজিতেল ওইনা শেন পীথোক-পীশিনগী থবক পুক্নিং থৌগৎনবা অমসুং মখা তানা দিজিতেল ত্রান্সসেক্সনশিং ফগৎনবা শেন্থং পীনবা স্কিম অমগীদমক লুপা করোর ১,৫০০ কাইথোক্লগনি।

নেসনেল লেঙ্গোইজ ত্রান্সলেসন মিসন(এন তি এল এম)

লৈঙাক অমসুং থৌশিলগা মরী লৈনবা লৌশিং কয়া ইন্তরেত্তা দিজিতেল ওন্থোক্নবা নেসনেল লেঙ্গোইজ ত্রান্সলেসন মিসন(এন তি এল এম)কৌবা অনৌবা থবক অমা পায়খৎলগনি অমসুং মসি ভারতকী মরুওইবা লোলশিং ফংগনি।

ভারতকী স্পেসকী থবকশিং

মিনিস্তরনা হাওসতা হায়খি স্পেস দিপার্তমেন্তগী মখাদা পি.এস.য়ু অমা ওইরিবা নিউ ইন্দিয়া স্পেস লিমিতেদনা ব্রাজিলগী অমাজোনিয়ান সেতিলাইত অমসুং ভারতকী অপীকপা সেতিলাইত খর পুনবা পি.এস.এল.ভি-সি৫১ থাগৎলগনি। দিশেম্বর ২০২১দগী হৌগদৌরিবা গগানয়ান মিসনগীদমক রুসিয়াগী জেনেরিক স্পেস ফ্লাইত্তা ভারতকী এস্ত্রোনোত মরি ত্রেনিং পাংথোক্লি।

দিপ ওসিন মিসন

সমুদ্রগী ইরোন্নুং নিংথিনা মশক খঙদোক্নবা চহি ৫ রোম হেন্না, লুপা করোর ৪,০০০গী বজেতকী শেনফম অমগা লোয়ন্না শ্রীমতি নিরমালানা দিপ ওসিন মিসন অমা হৌদোক্লে। মিসন অসিনা সমুদ্রগী অরুবা মফমশিং থিজিনগনি অমসুং সমুদ্রগী থৱায় পানবশিং ঙাক-শেন্নবা প্রোজেকশিং পায়খৎকনি।

*****