కోవిడ్ నుంచి కోలుకున్నవారి మొత్తం సంఖ్య భారీగా పెరుగుతూ ఇప్పుడు 97% చేరుకుంది. ఇది అంతర్జాతీయంగా కూడా ఘన విజయం. ఇప్పుడు ఇంకా కోవిడ్ చికిత్స పొందుతున్నవారి సంఖ్య నేడు 1,68,235 కు తగ్గింది. మొత్తం పాజిటివ్ కేసులలో వీరి వాటా 1,56% మాత్రమే.

ఇప్పటివరకు మొత్తం 1,04,34,983 మంది కోవిడ్ బాధితులు కోలుకున్నారు. గత 24 గంటలలో 11,858 మంది కోలుకున్నారు. కోలుకుంటున్నవారి సంఖ్య ఎక్కువగా ఉండటంతో చికిత్సలో ఉన్నవారికీ, కోలుకున్నవారికీ మధ్య తేదా పెరుగుతూ ప్రస్తుతం 1,02,66,748 కు చేరింది..

భారత్ లో నమోదవుతున్న రోజువారీ కొత్త కేసులు కూడా తగ్గుదలబాటలో సాగుతున్నాయి.  2021 సెప్టెంబర్ 11న అత్యధికంగా 96,551 కేసులు నమోదుకాగా 2021 ఫిబ్రవరి 1న  ఆ సంఖ్య I 11,427 కు తగ్గిపోయింది.

రోజువారీ కోవిడ్ మరణాలు కూడా బాగా తగ్గుతూ 120 లోపుకు చేరాయి. గత 24 గంటలలో 118 మరణాలు నమోదయ్యాయి.

దేశవ్యాప్త టీకాల కార్యక్రమంలో భాగంగా 2021 ఫిబ్రవరి 1 ఉదయం 8 గంటలవరకు 37,58,843 మంది లబ్ధిదారులు కోవిడ్ టీకాలు తీసుకున్నారు.

గడిచిన 24 గంటలలో 253 శిబిరాలలో  14,509 మంది  టీకాలు తీసుకున్నారు. ఇప్పటివరకు నిర్వహించిన మొత్తం శిబిరాలు  69,215

కొత్తగా కోలుకున్న వారిలో 86.47%  మంది 10 రాష్ట్రాలు, కేంద్రపాలిత ప్రాంతాలకు చెందినవారు కాగా, కేరలలో అత్యధికంగా ఒక్క రోజులోనే 5,730 కోలుకోగా, మహారాష్ట్రలో 1,670 మంది, తమిళనాడులో 523 మంది కోలుకున్నారు.

గత 24 గంటలలో 11,427 కొత్త కోవిడ్ కేసులు నమోదయ్యాయి. అందులో  80.48% కేసులు కేవలం 5 రాష్ట్రాల్లో నమోదయ్యాయి.  కేరళలో అత్యధికంగా 5,266 కొత్త కేసులు వచ్చాయి. .ఆ తరువాత స్థానంలో ఉన్న మహారాష్ట్రలో  2,585, కర్నాటకలో 522  కొత్త కేసులు వచ్చాయి. మొదటి రెండు స్థానాల్లో ఉన్న కేరళ, మహారాష్ట్రలోనే కొత్త కేసుల్లో 68.71% నమోదయ్యాయి.

గత 24 గంటలలో  నమోదైన కోవిడ్ మరణాలలో 76.27% ఆరు రాష్ట్రాలలో నమోదైనవి కాగా మహారాష్టలో అత్యధికంగా 40, ఆ తరువాత  కేరళలో 21, పశ్చిమ బెంగాల్ లో 9 మరణాలు నమోదయ్యాయి.  

****