“ভারতকী চাউখৎপগী থাক অসি য়েংলগা, ভারতনা মপুং ওইবা পাই অসি চাউথোকহন্দুনা লায়রবা মীওইশিং লায়রবগী লৈয়াৎনুংদগী পুথোরক্নবা শেন্মিৎলোন চাউখৎহনবদা মীৎয়েং মখা তানা চঙবা মথৌ তারি‍।” শেন্মিৎলোন চাউখৎপগী মতাঙদা তশেং তশেংবা মীৎয়েং থমদুনা শেলথুম অমসুং কোর্পোরেত এফ্যার্সকী কেন্দ্র মন্ত্রী শ্রীমতি নির্মলা সিতরমন্না ঙসি পার্লিয়ামেন্ততা ইকনমিক সর্ভে ২০২০-২১ পুথোকখি‍।

ইকনমিক সর্ভে অসিনা হায়বদা নাকল অমদা থাক মান্নদবা অমসুং খুন্নাই-শেন্মিৎলোনগী মহৈ, অমদি নাকল অমদনা শেন্মিৎলোন চাউখৎপা অমসুং খুন্নাই-শেন্মিৎলোনগী মহৈগী মরক্তা লৈরিবা মরী অসি চাউখৎলবা শেন্মিৎলোনশিংদা উরিবদুদগী ভারত্তা লৈরিবসিগা খেন্নৈ‍। চাউখৎলবা শেন্মিৎলোনশিংদা লৈরিবা ফীভমগা মান্নদবা মওংদা শেন্মিৎলোন চাউখৎপা অমদি থাক মান্নদবা অনি অসি ভারতকী খুন্নাই-শেন্মিৎলোনগী ইন্দিকেতরশিংদা মখোয়গী শাফুগী মতাংদা মান্ননা চৎলি‍।

ইকনমিক সর্ভে অসিনা থাক মান্নদবা অমসুং পর-কেপিতা ইনকমগী মরী অসি ভারতকী স্তেতশিংদা হকশেল, মহৈ মশিং, পুন্সি নুংশাংবা, অঙাঙ শিবগী চাং, পোকপা অমসুং শিবগী চাং, ফর্তিলিতী রেত, ক্রাইম, দ্রগ শীজিন্নবা অমদি পুক্নিং ৱাখলগী হকশেল য়াওনা খুন্নাই-শেন্মিৎলোনগী পরিং ময়ামদা নৈনরবা মদুংতা ৱাফম অসি তারকপনি‍। নৈনবা অদুনা খুন্নাই-শেন্মিৎলোনলগী ইন্দিকেতরশিংদা শেন্মিৎলোন চাউখৎপা অমদি থাক মান্নদবা ফীভম অনিমক্কী মরী মান্নৈ হায়বা উৎলি‍। নৈনবা অসিদা য়ুম্ফম ওইরবা ইকনমিক সর্ভে ২০২০-২১না ভারত্তা “থাক মান্নদবদগী শেন্মিৎলোন চাউখৎহনবনা লায়রবা কোকহনবদা য়াম্না হেন্না শাফু পী” হায়বা উৎলি‍। শেন্মিৎলোন চাউখৎপসি স্তেতকী থাক্তা পর-কেপিতা ইনকম্না উৎলি‍।

ইকনমিক সর্ভে অসিনা শাংলবা মতমসিদা মালেমগী ওইবা মীৎয়েঙদা শেন্মিৎলোন চাউখৎপা অমদি থাক মান্নদবা অনিগী মরক্তা অচৌবা কনফ্লিক্ত অমা হেক হেক উৎলি হায়না ফোঙদোক্লি‍। শেন্মিৎলোন চাউখৎপা অমদি থাক মান্নদবা অনিগী মরক্তা লৈরিবা কনফ্লিক্ত অসি কোবিদ-১৯ লাইচৎ মতুংদা থাক মান্নদবা হায়বা ৱাফমসিদা অহেনবা মীৎয়েঙ চঙনরকপদগী হেন্না ময়েক শেংলক্লি হায়না ইকনমিক সর্ভে ২০২০-২১না পল্লি‍।

অদুম ওইনমক, ভারতকী চাউখৎপগী খেন্নবা থাকশিং, ভারতকী শেন্মিৎলোন চাউখৎলকপা য়াবগী মঙম হেন্না ৱাংবা অমদি তশেংনা লায়রবা মশিং য়াম্লিবা ফীভমসিগী য়েংলগা থাক মান্নদবা হায়বা লমসিদা অহেনবা মীৎয়েঙ চঙবগী খুজিল থৌরাংগী পান্দম ভারতকী লৈরিবা ফীভমসিদা চান্নদবা য়াই হায়না ফোঙদোক্লি‍। অদুগা ভারত অমসুং চাইনাগী খুদম্না কনফ্লিক্ত অসিদা চাউনা শিংনবা অমসু ওইরি‍। ভারত অমসুং চাইনাদা চাউখৎ ৱারীনা শেন্মিৎলোন ৱাংনা চাউখৎলকপনা লায়রবা মশক থোক্না হন্থরকপা উৎলি হায়না সর্ভে অসিনা পল্লি‍।

অসুম্না ইকনমিক সর্ভে ২০২০-২১না চাউখৎপগী খুজিল থৌরাংদা অহেনবা মীৎয়েঙ চঙবদা রিদিস্ত্রিব্যুতিব ওবজেক্তিবশিং অসি মরু ওইদে হায়বা নত্তে, অদুবু চাউখৎলক্লিবা শেন্মিৎলোন অমদা শেন্মিৎলোনগী পাই চাউখৎহল্লবতদা রিদিস্ত্রিব্যুসন অসি ওইথোকপা য়াগনি হায়বা ৱাখৈ পীরি‍।

শম্না হায়রবদা, ভারতকুমবা চাউখৎলক্লিবা লৈবাক অমগীদমক্তা ইকনমিক সর্ভে ২০২০-২১না পীরিবা রিকমেন্দেসন্দি চাউখৎপগী মঙম ৱাংলবা অমদি লায়রবা হন্থহনবগী মীৎয়েঙ পাক চাউরবদি য়ামদ্রবদা অনকপা তুংগী মতম খরগী ওইনা শেন্মিৎলোনগী পাইগী চাউ-শাংবা হেনগৎহনবদা মীৎয়েঙ থমগদবনি হায়বসিনি‍।

******