ভারতকী রিএল জি.দি.পি.না ২০২১-২২দা চাদা ১১গী অমসুং নোমিনেল জি.দি.পি.দা চাদা ১৫.৪গী গ্রোথকী রেকোর্দ তৌগনি – নীংখা তম্লবা মতুংদগী খ্বাইদগী ৱাংবা ওইগনি। ভি-সেপ ইকনোমিক রিকভরী অসি সর্ভিসেস সেক্তরদা চাউনা রিকভরী তৌনবা আশাশিং অমসুং কঞ্জুম্পসন অমসুং ইনেস্তমেন্তদা চাউনা গ্রোথ লৈনবা লমশিংগা লোইননা অচৌবা বেক্সিনেসন দ্রাইভ অমা হৌখিবা অসিনা তেংবাংশনখ্রে। শেনথুম অমসুং কোর্পোরেৎ এফিবর্সকী কেন্দ্রগী মন্ত্রী শ্রীমতি নির্মলা সিতারমনাT ঙসি পার্লিয়ামেন্ততা ইকনোমিক সর্ভে ২০২০-২১ পুথোকখ্রে মসিনা হায়রি মদুদি কোবিদ-১৯ বেক্সিনগী রোল-আউৎনা ফগৎহল্লকপগা ইরোইননা শেন্মীৎলোনগী থবক থৌরমশিংদা লো বেজ অমসুং মখা তানা নোর্মেলাইজেসন লৈবনা রিবাউন্দ পুরপনা ঙমগনি। আত্মাইর্ভর ভারত মিসনগী মতেংগা লোইননা লোকদাউনশিংদগী তপ্না-তপ্না হনগৎলকপন শেন্মীৎলোনগী ফন্দামেন্তেলশিং অসি অদুমক মপাঙ্গল কন্না লৈদুনা শেন্মীৎলোন অসি হিংগৎহনবগী লম্বীদা খোঙফম চেৎনা চংশিলহল্লি। মসিগী লম্বী অসিনা ২০১৯-২০গী এবসোলুৎ লেবেলদগী হেনগৎহনদুনা রিএল জি.দি.পি. চাদা ২.৪গী গ্রোথ লৈহনগনি –মসিনা তাকপদি শেন্মীৎলোন অসি প্রি-পেন্দেমিক লেবেল য়ৌবদা অমসুং হেনগৎপদা চহি অনি চংখিগনি হায়বনি। প্রোজেক্সনশিং অসি ভারতনা ২০২১-২০দা চাদা ১১.৫ অমসুং ২০২২-২৩দা চাদা ৬.৮কী রিএল জি.দি.পি. গ্রোথকী আই.এম.এফ. এস্তিমেৎ অসুগা মান্নরি।  আই.এম.এফ.কী মতুং ইন্না ভারত অসি মথংগী চহি অনি অসিদা শেন্মীৎলোন খোঙজেল য়াংনা ফগৎলক্লিবা অমা ওইরবা য়াই।

সর্ভে অসিনা হায় “চহিচা অমদা অমুক্তং থোকপা” খুদোংথিবা অসিদা ভারতকী ৱাখল তাবা পোলিসী রেস্পোন্স অসিনা দেমোক্রেসীশিংদা ময়োপিক পোলিসীমেকিং তৌদনবা মরু ওইবা পরা তম্বীখি অমসুং মতম শাংনা কান্নবশিং ফংনবদা মীৎয়েং চংদুনা শীংথানিংঙাই ওইবা কান্নবশিং অদু উৎখ্রে। ভারতনা তোপ-তোপ্পা য়ুম্বী-মরিগী লালোং মদুদি কন্তেনমেন্ত, ফিস্কেল, ফাইনান্সিএল অমসুং মতম-শাংনা চৎকদবা স্ত্রকচরেল রিফোর্মশিং পাইখৎখ্রে। অমরোমদা অনলোক তৌদুনা, চেকশিন্না ফিস্কেল রিপর্কুসনশিং তৌদুনা অমসুং দেৎ সস্তেনেবিলিতী লৈহন্দুনা শেন্মীৎলোনগী ওইরক্লিবা ফীভম য়েংলগা, লোকদাউন মনুংদা শোত্থরবশিং মতেং পাংনবা অমস্মীৎলোনগী ওইরক্লিবা ফীভম য়েংলআ, লোকদাউন মনুংদা শোত্থরবশিং মতেং পাংনবা অমসুং কঞ্জুম্পসন অমদি ইনবেস্তমেন্ত হেনগৎহন্নবা মপুং ফানা য়াথোক্লবা ফিস্কেল অমসুং শেলগী তেংবাং ফংহনখি। অফবা মোনিতরী পোলিসীনা লিক্বিদিতী মরাং কাইহল্লি অমসুং তম্পররী মোরাতোরিয়মগী থোংদা খুদক্কী ওইবা অৱাবা কোকহনখি অমরোমদনা মোনিতরী পোলিসী ত্রান্সমিসন অনক্লোগ তৌখি।

সর্ভে অসিনা হায়রি, ভারতকী জি.দি.পি. অসি এফ.ৱাই. ২০২০-২১দা চাদা ৭.৭ হন্থগনি পান্নখি, মসিদা অহানবা চহি তঙ্খাইদা চাদা ১৫.৭ হন্থখি অমসুং অকোনবগী তঙ্খাইদা চাদা ০.১ খক্তা হন্থখি। সেক্তর অমমমগী ওইবা য়েংবদা, লৌউ-শিংউ অসি কান্নবা ওইখি অমরোমদনা কন্তেক্ত-বেজ সর্ভিসেস, মেন্যুফেকচরিং, কনস্ত্রক্সন অসি খ্বাইদগী চৈথেং ফংখি অমসুং তপ্না-তপ্না ফগৎলক্লি। সরকারগী কঞ্জুম্পসন অমসুং নেৎ এক্সপোর্তশিং অসিনা গ্রোথ অসি হেন্না চোকচিনখিগদবদগী ঙাকথোকহৌবা ঙমখি।

খন্নরম্বা অদুগী মতুং ইন্না লোকদাউন্না ক্যু ১দা জি.দি.পি. চাদা ২৩.৯ হন্থহনখি, ক্যু ২দা চাদা ৭.৫ হন্থরকপনা অমসুং মরু ওইবা ইকনোমিক ইন্দিকেতর পুম্নমক্তা রিকভরী লৈখিবা অসিনা রিকভরী অসি ভি-শেপ ওইখি। ক্যু ১দা চাউনা হন্থরকপগী মতুংদা ক্যু ২দা জি.দি.পি. গ্রোথ রিকভরী তৌবা অসিনা উৎপগী মতুং ইন্না জুলাইদগী হৌদুনা হোংবা লৈতনা ভি-শেপ রিকভরী লৈখি। ভারতকী মোবিলিতী অমসুং লাইচৎকী ওইরক্লিবা মওং অসিগা মান্নবা অমসুং ফগৎলকপা অসিনা ই-ৱে বিলশিং, রেল ফ্রৈৎ, জি.এস.তি. খোমগৎপা অমসুং পাৱর কঞ্জুম্পসন অসিগুম্বা ইন্দিকেতরশিং অসি প্রি-পেন্দেমিক লেবেল য়ৌবা খক্তা নত্তনা হৌখিবা চহিগী লেবেলশিং অদু হেনগৎখ্রে। ইন্তর অমসুং ইন্ত্রা স্তেৎ মুফমেন্ত অসি অমুক হন্না হৌবা অমসুং থাগী ওইনা জি.এস.তি. খোমগৎপশিং অসি রেকোর্স ওইনা ৱাংখিবনা ইন্দস্ত্রিএল অমসুং কম্মর্সিএলগী থবক থৌরম হৌখি। কম্মর্সিএল পেপর ইস্যু তৌবা হেনগৎলকপা, পোত্থোক হেনগৎলকপা অমসুং চাউনা ক্রেদিৎ গ্রোথ লৈবনা এম.এস.এম.ই.শিং অসিনা এন্তর্প্রাইসশিং হিংগৎনবা অমসুং চাউখৎনবা ক্রেদিৎ ফ্লো হেনগৎকনি হায়না খুদম ওইখি

সেক্তোরেল ত্রেন্দশিং অসিগী মতাংদা সর্ভে অসিনা হায়রি মদুদু চহি অসিদা মেন্যুফেকচরিং সেক্তর অসি মপাঙ্গল কনবা উবা ফংখি, রুরেল দিমেন্দনা অপুনবগী শেন্মীৎলোনগী থবক-থৌরমদা অমসুং স্ত্রকচরেল কঞ্জুম্পসন শিফশিংনা দিজিতেল ত্রাঞ্জেক্সনশিং হেনগৎহনবদা মতেং পাংখি। মসিনা হায় লৌউ-শিংউনা ক্যু ১ অমসুং ক্যু ২ অনিমক্তা চাদা ৩.৪ গী গ্রোথকা লোইননা ২০২০-২১দা ভারতকী শেন্মীৎলোনদা কোবিদ-১৯ লাইচৎনা পীখিবা চৈথেংদা মতেং ওইখি। সরকারনা মথং-মথং পাইখৎপা চাউখৎ থৌরাংগী রিফোর্মশিংনা লৌউ-শিংউগী সেক্তরদা মতেং ওইহনদুনা এফ.ৱাই. ২০২০-২১গী ভারতকী গ্রোথ স্তোরী অসিদা কান্নবা অমা ওইখি।

চহি অসিগী মনুংদা ইন্দস্ত্রিএল প্রদক্সনদা ময়েক শেংনা ভি-শেপ রিকভরী ওইবা ফংখি মেন্যুফেকচরিং রিবাউন্দ তৌখি অমসুং ইন্দস্ত্রিএল ভেল্যু মহৌশাগী ফীভমদা হল্লকপা হৌখি। ভারতকী সর্ভিসেস সেক্তর অসি দিসেম্বর থাদা থা অহুম চুপ্না পি.এম.আই. সর্ভিসেস আউৎপুৎ অমসুং অনৌবা বিজিনেস হেনগৎলকপগা লোইননা লাইচৎনা মরম ওইরগা হন্থহনখিবা অদুদগী রিকভরী তৌবা ঙমখি।

রিস্ক পামদবা অমসুং ক্রেদিৎ লৈতবগী চৈরক্তা এফ.ৱাই ২০২০-২১দা বেঙ্ক ক্রেদিৎ সবদ্যু ওইখি। অদুম ওইনমক ওক্তোবর ২০১৯দা চাদা ৭.১ ওইরম্বদগী ওক্তোবর ২০২দা চাদা ৭.৪ হেনগৎতুনা লৌউ-শিংউ অমসুং মরী লৈনবা থবক থৌরমশিংদা ক্রেদিৎ গ্রোথ লৈখি। ওক্তোবর ২০২০দা কনস্ত্রক্সন, ত্রেদ অমসুং হোস্পিতেলিতী অসিগুম্বা সেক্তরশিংদা মপাঙ্গল লৈবা ক্রেদিৎ ফজলো লৈবা উখি অমরোমদা বেঙ্ক ক্রেদিৎ অসি মেন্যুফেকচরিং সেক্তরদা লেংদনা লৈখি। সর্ভিসেস সেক্তরগী ক্রেদিৎ গ্রোথ অসি ওক্তোবর ২০১৯দা চাদা ৬.৫ ওইরম্বদগী ওক্তোবর ২০২দা চাদা ৯.৫ হেনগৎখি।

২০২০দা ইনফ্লাসনগী মরু ওইবা হৌরকফম অসি চিঞ্জাক মমলশিং ৱাংবনা ওইখি। অদুম ওইনমক দিসেম্বর ২০২০দা ইনফ্লেসন অসি নবেম্বরদা চাদা ৬.৯ ওইখিবা অদুগা চাংদম্নবদা ইয়র-ওন-ইয়র চাদা ৪.৬ য়ৌদুনা আর.বি.আই.গী তার্গেৎ রেঞ্জ চাদা ৪+/-২গী মনুংদা লৈখি। মসি মরু ওইনা মনা-মশিং, সিরিএলশিং অমসুং প্রোতিনগী পোত্থোকশিং অমসুং ফেবরেবল বেস ইফেক্তশিংদা চীঞ্জাক্কী মমলশিং হন্থরকপা ঙমহনখি।

এক্সতর্নেল সেক্তরনা ভারতনা চহি অসিগী অহানবা শরুক তঙ্খাইদা জি.দি.পি.গী চাদা ৩.১গী একাউন্ত সর্প্লস রেকোর্দ তৌদুনা মপুং ফানা মতেং পীখি, মসি অয়াম্বনা মপাঙ্গল লৈবা সর্ভিস এক্সপোর্তশিং মতেং পাংখি অমসুং দিমান্দ হন্থরকপনা এক্সপোর্তশিংদগী (মর্চেনদাইজ এক্সপোর্তশিং ২১.২% হন্থখি) ইম্পোর্তশিংদা (মর্চেনদাইজ ইম্পোর্তশিং ৩৯.৭% হন্থখি) চাউনা হন্থহনখি। মতুং তারকপা ওইনা ফোরেন এক্সচেঞ্জ রিজর্ব হেনগৎতুনা দিসেম্বর ২০২০দা থা ১৮গী ইম্পোর্তশিং কভর তৌখি।

২০২০গী মার্চ লোইরকপদা চাদা ২০.৬ ওইরম্বদগী ২০২০গী সেপ্তেম্বর লোইরকপদা চাদা ২১.৬ ওইদুনা জি.দি.পি.গা এক্সতর্নেল দেৎকী রেসিয়ো অসি পীক্না হেনগৎখি। অদুম ওইনমক অপুনবা অমসুং শোর্ত-তর্ম দেৎকা (ওরিজিনেল অমসুঢ রেসিদ্যুএল) ফোরেন এক্সচেঞ্জকী রেসিয়ো অসি রিজর্বশিংদা হেনগৎলকপনা মরম ওইরগা ফগৎলকখি। 

ভারত অসি ইক্বিতীশিংগী গ্লোবেক এসেৎ সিফকী চৈরক অসিদা এফ.দি.আই. হেনগৎলকপা অমসুং হৌগৎলক্লিবা ইকনোমীশিংদা থুনা রিকভর তৌনবগী লমশিং লৈবগা লোইনা এফ.ৱাই. ২০২০-২১দা পাম্নরবা ইনবেস্তমেন্ত দেস্তিনেসন ওইখি। নেৎ এফ.পি.আই. ইনফ্লোশিং অসি গ্লোবেল মোনিতরী ইজিং অমসুং ফিস্কেল স্তিমুলস পেকেজশিংগী মরক্তা য়িল্দকী অনৌবা সর্চ হৌরকপা অমসুং য়ু.এস. দোলর হন্থরকপগা লোইননা ইনবেস্তরশিংগী রিস্ক লৌনিংবা পোক্লকপা অসিনা নবেম্বর ২০২০দা য়ু.এস. দোলর বিলিয়ন ৯.৮ ওইদুনা থাগী ওইনা খ্বাইদগী ৱাংবগী রেকোর্দ তৌখি। ২০২০দা ইক্বিতী এফ.আই.আই. ইনফ্লোশিং ফংবা হৌগৎলক্লিবা মার্কেৎশিংগী মরক্তা অমা ওইখি।

বাউয়েন্ত সেনসেক্স অমসুং এন.আই.এফ.তি.ৱাই.না মরম ওইরগা ভারতকী মার্কেৎ-কেপিতেলাইজেসনদগী গ্রোস দোমেস্তিক প্রদক্ত (জি.দি.পি.) রেসিয়ো অসি ওক্তোবর ২০১০দগী অহানবা ওইনা চাদা ১০০ হেনবা ঙমখি। অদুম ওইনমক মসিনা ফাইনান্সিএল মার্কেৎশিং অমসুং রিএল সেক্তরগী মরক্তা দিসকন্নেক্ত তৌবগী অকিবশিং হেনগৎহনখি।

চহি অসিগী অরোইবা শরুক তঙ্খাইদা এক্সপোর্তশিংদা চাদা ৫.৮ হন্থখি অমসুং ইম্পোর্তশিং চাদা ১১.৩ হন্থখি। ভারতনা চহি ১৭কী মতুংদা ইতিহাসিক ওইনা খ্বাইদগী ৱাংদুনা এফ.ৱাই,২১দা জি.দি.পি.গী করেন্ত একাউন্ত সর্প্লস চাদা ২ ওইগনি পান্নরি।

সপ্লাইরোমদা য়েংবদা গ্রোস ভেল্যু এদেদ (জি.ভি.এ.) গ্রোথ অসি এফ.ৱাই. ২০১৯-২০দা চাদা ৩.৯ওইখিবা অদুগা য়েংনবদা ২০২০-২১দা চাদা -৭.২ ওইখি। ২০২০-২১দা ভারতকী শেন্মীৎলোন অসি কোবিদ১৯ লাইচৎকী চৈথেং অসি চাদা ৩.৪গী গ্রোথ লৈবগা লোইননা মতেং পাংখি, অমরোমদা ইন্দস্ত্রী অমসুং সর্ভিসেস অসি চহি অসিগী মনুংদা চাদা ৯.৬ অমসুং চাআ ৮.৮.তা হন্থৈ হায়না পান্নরি।

সর্ভে অসিনা ২০২০গী চহি অসি কোবিদ-১৯ লাইচৎনা খুদুম চনখি অমসুং গ্লোবেল ফাইনান্সিএল ক্রাইসিসকী মতুংদা খ্বাইদগী শাথিনা মালেমগী শেন্মীৎলোন মনিং হলহনখি। লোকদাউনশিং অমসুং সোসিএল দিস্তেন্সিংগী কাংলোনশিংনা শোকচিল্লবা মালেমগী শেন্মীৎলোন অসি চপ লেপহনখি। ২০২০দা গ্লোবেল ইকনোমিক আউৎপুৎ অসি চাদা ৩.৫ হন্থরবা য়াই পান্নরি (আই.এম.এফ. জনুৱারী ২০২১গী এস্তিমেৎ)। মসি য়েংলগা সরকারশিং অমসুং মালেম লৈরিবা সেন্ত্রেল বেঙ্কশিংনা মরু ওইবা পোলিসী রেৎশিং হন্থহনবা, ক্বান্তিতেসতিব হন্থহন্নবা খোঙথাংশিং, লোন গরেন্তীশিং, কেশ ত্রান্সফরশিং অমসুং ফিস্কেল স্তিমুলসকী খোঙথাংশিং অসিগুম্বা মখোয়গী শেন্মীৎলোনশিং মতেং পাংনবা মখল কয়াগী পোলিসী তুলশিং পাইখৎখি। ভারতনা লাইচৎনা পীবা চৈথেং অদু মশক খঙদোকখি অমসুং লৈবাক অসিগী মীশিং য়াম্বা, পোপুলেসন দেন্সিতৌ ৱাংবা অমসুং অৱাৎপা লৈরিবা হেল্থ ইনফ্রাস্ত্রকচর অসি য়েংলগা তোঙান তোঙানবা ইন্তরনেস্নেল ইন্সতিত্যুসনশিংনা লাইনা অসি শন্দোকপা হেনগৎকনি খন্নরিঙৈ চৈরক অসিদা ভারতনা মশাগী ওইবা তোপ-তোপ্পা লম্বেল অমা য়াৎচখি।

সর্ভে অসিনা তাক্লি মদুদি লাইচৎ হৌরকপদা – ভারত্তা কনফর্ম কেস ১০০ খক্তা ঙাইরিঙৈ মতমদা – অকনব লোকদাউন থমখিবা অসি ভারতকী তোপ তোপ্পা খোঙথাংশিং লৌখৎপা অদু তাক্লি। অহানবদা পোলিসী রেস্পোন্স অসি ইপিদেমিওলোজিকেল অমসুং ইকনোমিক রিসর্চ অনিমক্কী ফাইন্দিংশিংদা য়ুম্ফম ওইখি। লাইচৎ অসিগী শন্দোকপগী চাং অসি চাউনা তম্বা ঙমদবগী অৱাবা মায়োক্নবা অসিদা পোলিসী অসিনা খ্বাইদগী ফীভম শোকপা মতমদা অমাংবা থোকপা হন্থহনবদা মীৎয়েং থম্বা পোলিসী পাইখৎনবা রিকম্মেন্দ তৌখিবা হনসেন অমসুং সর্জেন্ত (২০০১)দা নোবেল-প্রাইজ ফংখিবা রিসর্চ অদু ইমপ্লিমেন্ত তৌখি। অমুক্তা থোকখিদ্রিবা লাইচৎ অমা থেংনবদা মীওইবা কয়াগী পুন্সিশিং মাংখিবা অসিনা খ্বাইদগী ফীভম শোকপা ওইখি। অদুম ওইনমক ইপিদেমিওলোজিকেল রিসর্চনা সোসিএল দিস্তেন্সিং ঙাক্তুনা পোপুলেসন দেন্সিতী ৱাংবনা খুদোংথিবশিং মায়োক্নগদবা লৈবাক্তা অহৌবগী, অকনবা লোকদাউনগী কান্নবা অদু থমখি। মরম অসিনা ভারতকী পোলিসী হ্যুমেন রেস্পোন্স অসিনা মীওইবগী পুন্সিশিং কনবদা মীৎয়েং থম্লি, অহৌবগী মতম খরা ৱারবসু, অকনবা লোকদাউন অসিবা পুন্সি কনবা অমসুং শেন্মীৎলোন ফগৎহনবগী খোঙজেলদা মতম শাংনা কান্নবা পীগনি খঙখি। পুন্সি কয়া কনখ্রে অমসুং ভারতনা মতম খরা ৱাদুনা মতম শাংনা কান্নগদবা খোঙথাং থৌনা লৈন লৌবগী খুদুম ওইদুনা ইকনোমিক রিকভরীদা ভি-শেপ উবা ফংখি।

অনিশুবদা ভারতনা লাইচৎ অসিনা শেন্মীৎলোনগী সপ্লাই অমসুং দিমান্দ অনিমক্তা পীবা চৈথেং অদু মশক খঙদোকখি। মথং-মথং রিফোর্মশিং– মরু ওইবা ইকনোমীশিংদা তোপ-তোপ্পা ওইরিবা – পুরক্তুনা লোকদাউন মনুংদা সপ্লাই-সাইদকী অপনবশিং অসি মতম শাংনা হন্থহনখি। দিমান্দ সাইদ পোলিসী অসিনা এগ্রিগেৎ দিমান্দ খঙঙি হায়বা তাক্লি । মরম অসিনা লাইচৎকী অহৌবা থাশিংদা করি থোক্কদবা তম্বা ঙমদবা মতমদা অমসুং লোকদাউন্না শেন্মীৎলোন্দা অপনবা পীবা মতমদা ভারতা দিসক্রেসনরী কঞ্জুম্পসন তৌদুনা অতাংবা ফিস্কেল রিসোর্সশিং মাংহনখিদে। মসিগী মহুৎ পোলিসী অদুনা তঙাই ফদবশিং য়েংশিনখি মসিদা শোত্থরবা শরুকশিংদা দাইরেক্ত বেনিফিৎ ত্রান্সফর তৌবা অমসুং মালেমগী খ্বাইদগী চাউবা ফুদ সবসিদী প্রোগ্রামনা বেনিফিসরী করোর ৮০.৯৬ য়ৌহনবা য়াওখি। ভারত সরকারনা ইমর্জেন্সী ক্রেদিৎ লাইন গরেন্তীস্কীম লোঞ্চ তৌদুনা শোকহল্লবা সেক্তরশিংদা মথৌ তাবা মতেং ফংহনদুনা এন্তিতীশিংনা ইমপ্লোইমেন্ত পীনবা অমসুং লাইএবিলিতীশিং থুংহন্নবা মতেং পাংখি।

অনলোক ফেস মনুংদা খুদোংথিবা হন্থরক্লবা মতমদা থৱায় খন্নবা চেকশিল থৌরাং হন্থরকপা মতমদা অমরোমদা ইকনোমিক মোবিলিতী হেনগৎলকখি, অমরোমদনা ভারতনা ফিস্কেল শিজিন্নবা হৌখি। চুন্নবা মোনিতরী পোলিসীনা লিক্বিদিতী মরাং কাইহনখি অমসিং তেম্পররী মোরাতোরিয়মগী থোংদা দেবতরশিংদা খুদক্কী মতেং ফংহনি অমরোমদনা মোনিতরী পোলিসী ত্রান্সমিসন অনক্লোগ তৌখি। ভারতকী দিমান্দ-সাইদ পোলিসী অসিনা ব্রেক ফারিঙৈদা এসেলরেতর নেৎপনা অতাংবা থাও মাংহনবা খক্তনি হায়বা ৱাখল্লোন অদু খঙহনখি।

২০২০গী চহিনা মালেমদা অকিবগী মশক ওইরবা নোবেল কোবিদ-১৯ ভাইরস থেংনহনদুনা মোবিলিতী সেফতী অমসুং মহৌশাগী পুন্সি – অসিদা শিংনখি। অসুম্না ভারত্তা অমসুং মালেমদা চহিচা অসিগী খ্বাইদগী অচৌবা শেন্মীৎলোন্দা শিংনবা ওইখি। লায়েং নত্ত্রগা বেক্সিন লৈতবনা পব্লিক হেল্থ পোলিসী অসিনা পাক শন্না শন্দোরক্লিবা খুদোংথিবা অসি লাকশিন্নবা মীৎয়েং চংখি। লাইনা অসি হন্থহনবগা লোইননা লাইচৎ অসি লাকশিন্নবা মথৌ তাখিবা লোকদাউন অসিনা মরম ওইরগা শেন্মীৎলোনগী থবক থৌরমশিংদা অপনবা পীখিবনা রেসেসন্দা চাউনা মাংথখিবা হনগৎহনবা হোৎনবা অসি খ্বাইদগী মরু ওইখি। মসিনা মরম ওইরগা “পুন্সি অমদি হিংবগী লম্বী মরক্তা মুক্নব”গী অৱাবা অসি থোকহনখি।

***