শেল-থুম মন্ত্রালয়

ওনলাইন স্কুলিংনা কোবিদ-১৯ লায়চৎ মনুংদা অচৌবা লম্বী অমা ওইখ্রে: ২০২০-২১গী ইকোনোমিক সর্ভে

ইন্দিয়াগী খুঙ্গংশিংদা স্কুল ছাত্রশিংনা শ্মার্তফোন শিজিন্নবগী চাং অসি ২০১৮দা ৩৬.৫%দগী ২০২০দা ৬১.৮% হেনগৎখি

Posted On: 29 JAN 2021 3:43PM by PIB Imphal

ফাইনান্স অমসুং কোর্পোরেত এফিয়র্সকী য়ুনিয়ন মিনিস্তর শ্রীমতি নির্মালা সিথারমন্না ঙসি পার্লিয়ামেন্ততা পুথোকপা ২০২০-২১গী ইকোনোমিক সর্ভেদা হায়রি মদুদি ওনলাইন স্কুলিংনা কোবিদ-১৯ লায়চৎ মনুংদা অচৌবা লম্বী অমা ওইরি। ২০২০গী ওক্তোবরদা ফোংবা সর্ভে, এন্নুএল স্তেতস ওপ এজুকেসন রিপোর্ত (এ.এস.ই.আর.) ২০২০ ৱেব-১ (রুরেল)দা হায়রি মদুদি সরকারগী অমসুং লনাইগা ওইবা স্কুলগী অঙাংশিংনা শ্মার্তফোন শিজিন্নবগী চাং অসি ২০১৮দা ৩৬.৫%দগী ২০২০দা ৬১.৮% হেনগৎখি। সর্ভে অসিনা হায়রি মদুদি মসি ফজনা শিজিন্নরবদি, খুঙ্গং অমসুং শহর, নুপা অমসুং নুপী, চহি অমসুং ইনকম খেন্নবা লৈতনা মহৈ তম্বগী খেন্নবা লৈবা অসি হন্থরগনি।

কোবিদ-১৯ লায়চৎ অসিগী মনুংদা মহৈ তম্বা লাইথোক্নবা, সরকারনা অঙাংশিংদা মহৈ তম্বা ফংহন্নবা খোঙথাং কয়া অমা লৌখৎলি। য়াম্না মরুওইবা অমনা পি.এম. ই.বিদ্যা অসি খুমাং চাওশিনবা খোঙথাং অমা হায়বদি দিজিতেল/ওনলাইন/ওন-এয়র এজুকেসন অসিনা মখল কয়া অমা য়াহনবা অমসুং ছাত্র অমসুং ওজাদা চপ মান্নবা এজুকেসন পীবা অসিনি। চাওরাক্না কোর্স ৯২ অমা হৌখ্রে অমসুং ছাত্র করোর ১.৫ অমনা স্বায়ম এম.ও.ও.সি.গী মখাদা হায়রিবা অসি এন.আি.ও.এস.তা মরী লৈনবা কোর্স ওইরি। কোবিদ-১৯গী চৈথেং অসি খর হন্থনবা, স্তেত/য়ুতি.শিংদা ওনলাইন ওইনা দিজিতেলদগী মহৈ তম্নবা লুপা করোর ৮১৮.১৭ পীখি অমসুং লুপা করোর ২৬৭.৮৬ অমনা সামাগ্রা শিক্সা স্কীমগী মখাদা ওনলাইন ওইনা ওজাশিং ত্রেনিং তৌনবা পীখি। দিজিতেল এজুকেসনন্দা প্রগ্যাতা লমজিং লমতাক অসি শেগৎতুনা পান্দম থম্লিব অসি স্কুল লোন্দুনা য়ুমদা লৈরিবা ছাত্রশিংদা ওনলাইন/দিজিতেল এজুকেসন পীনবনি। মানোদর্পন খোঙথাং অসিনা ৱাখলগী ওইবা মতেং পীনবা আত্মানির্ভর ভারত আভিয়ান অসিদা য়াওরি।  

২০২০-২১গী ইকোনোমিক সর্ভেদা উবা ফংলে মদুদি ইন্দিয়া অসি মথংগী দিকেৎতা মালেমগী ওইনা নহারোলনা মীশিং খ্বায়দগী ৱাংবা ওইগনি হায়রি। মরম অদুনা, মখোয়দা অফবা মখলগী এজুকেসন পীবনা ঐখোয়গী লৈবাক্কী লাইবক লেপকদৌরিবনি (নেস্নেল এজুকেসন পোলিসি, ২০২০)। য়ু. – দি.আই.এস.ই. ২০১৮-১৯গী মতুং ইন্না, লাখ ৯.৭২ হেনবা সরকারগী ইলিমেন্তরি স্কুলশিংগী ইনফ্রাস্ত্রকচর মশক থোক্না ফগৎলক্লি। মসিগী মনুংদা চাদা ৯০.২ অমদি নুপীমচাগী তোইলেৎ, চাদা ৯৩.৭ অমনা নুপামচাগী তোইলেৎ, চাদা ৯৫.৯ অমনা থক্নবা ঈশিং ফংহনবা, চাদা ৮২.১ অমনা চাম্নবা (থক্নবা ঈশিং, তোইলেৎ অমসুং খুৎ-শা হাম্নবা), চাদা ৮৪.২ অমনা মেদিকেল চেক-অপ তৌনবা মচাক, চাদা ২০.৭ অমনা কম্প্যুতর অমসুং চাদা ৬৭.৪ অমনা ইলেক্ত্রিক্সিতি কন্নেক্সন অমসুং ৭৪.২ অমনা অতৈ চংগদবশিং।  

সর্ভে অসিনা হায়রি মদুদি ইন্দিয়া অসি ইলিমেন্তরি থাক্তা লিতরেসিগী চাং অসি চাদা ৯৬ ওইরি। নেস্নেল সেম্পল সর্ভে (এন.এস.এস.)কী মতুং ইন্না লিতরেসিগী চাং অসি চহি ৭ অমসু মথক্তা ইন্দিয়া পুম্বা চাদা ৭৭.৭ ওইরি।  নুপীগী লিতরেসিগী চাং অসিনা লৈবাক্কী অসিদগী নেম্লি মসি এস.সি., এস.তি., ও.বি.সি., মসি ধর্ম্মগী ওইবা কাংবু হিন্দু অমসুং ইজলাম য়াওননি।

সরকারগী স্কুলশিং অমসুং লোইশঙশিং অসিদা পুবা ঙম্বা অমসুং তান্নবা ঙম্বা ওইদুনা অফবা মহৈ তম্বা ঙম্নবা সরকারনা নেস্নেল এজুকেসন পোলিসি, ২০২০ অমা হান্না লৈরম্বা চহি ৩৪ লিরবা নেস্নেল এজুকেসন পোলিসি, ১৯৮৬ অসিদগী শিনখ্রে। অনৌবা পোলিসি অসিনা পান্দম থম্লিবা অসি লৈবাক অসিগী স্কুলশিং অমসুং হায়র এজুকেসন সিস্তেমশিং অসি অওনবা অমা পুরক্নবনি। পান্দম অসিনা ছাত্র পুম্বদা, মখোয়গী হৌরকফম য়েংদনা, অফবা মখলগী এজুকেসন সিস্তেম অসি অখন্নবা মিয়েং অমদা পীবা অসিনি। ২০২০-২১গী মনুংদা পীবা স্কুল এজুকেসনগী প্রোগ্রাম অমসুং স্কীম  অদুদি সমাগ্রা সিক্সা, ওজাশিংগী মথৌ হেনগৎহনবা, ইনক্লুজন্দা মিয়েং থম্বা, স্পোর্তস অমসুং ফিজিকেল এজুকেসন্দা মিয়েং থম্বা অমসুং রিজনেলদা মিয়েং থম্বা অসিনি।

হৈ-শিংবা চাওখৎহনবা

২০২০-২১গী ইকোনোমিক সর্ভেদা হায়রি মদুদি চহি ১৫-৫৯ ফাওবদা লৈবা চাদা ২.৪ অমদি ভোকেসনেল/তেক্নিকেল ত্রেনিংদগী ৱার্কফোর্স ফংলি অমসুং অতোপ্পা ৮.৯ ৱাক্পোর্স অমনা ইনফোর্মেল ওইবা ত্রেনিংশিংদগী ফংলি। চাদা ৮.৯ অসিগী মনুংদা ফংলিবা ৱার্কফোর্স হায়বদি নন-ফোর্মেল ত্রেনিং ফংবা অসি থবক মনুংদা ত্রেনিং(৩.৩ পর সেন্ত), মশানা তৌজবা (২.৫ পর সেন্তঃ অমসুং চারোল-শুরোল (২.১ পর সেন্ত) অমসুং অতোপ্পা (১ পর সেন্ত)নি।

ফোর্মেল ত্রেনিং ফংলবশিং অসিগা মরক্তা অয়াম্বনা আই.তি-আই.তি.ই.এস.দা নুপী অমসুং নুপা অনিমক ওইরি, মতুংদা ইলেক্ত্রিকেল পাৱর অমসুং ইলেক্ত্রোনিক্স, মেকানিকেল ইঞ্জিনিয়রিং, স্ত্রাতেজিক মেনুফেক্তুরিং, ওতোমেতিব, ওফিস অমসুং নুপাগী মরি লৈনবা ব্যুজিনেসশিং অতোপ্পা নুপীগী ওইবা তেক্সতাইল হেন্দলুম – এপ্পারেল, ওফিস অমসুং ব্যুজিনেসকা মরী লৈনবা নুপীগী থবকশিং অসিনি।

সরকার অসিনা পোলিসি কয়া অমা হৈ-শিংবা অসি চাওখৎনবা হন্দক্তা লৌখৎলি। অপুনবা স্কিল রেগুলেতর – নেস্নেল কাউন্সিল ফোর ভোকেসনেল এজুকেসন অমসুং ত্রেনিং (এন.সি.ভি.ই.তি.) অসি চৎনখি। অহানবা ওইনা, মনা পীবা অমসুং এসেসমেন্ত বোদী অমা ২০২০গী ওক্তোবরদা খঙহনখি। প্রধান মন্ত্রী কৌশাল বিকাস য়োজনা ৩.০ অসি ২০২০-২১দা হৌদোকখি হায়রিবা অসিদা মাইগ্রেন্তশিং য়াওনা কেন্দিদেৎ লাখ ৮ পান্দম থমখি। আই.তি.আই.গী গ্রেদিং পীরিবা অসিনা মখোয়গী মগুন হেনগৎনবা অমসুং ময়েং শেংনা উনবনি। 

******

 



(Release ID: 1693312) Visitor Counter : 153