কেন্দ্রগী একুজেসন মন্ত্রী শ্রী রামেশ পোখ্রিয়ল ‘নিশঙ্ক’না ঙসি কলা উৎসব ২০২০গী লোইশিনবগী থৌরমদা ৱা ঙাংখ্রে।

থৌরম অদুদা ৱা ঙাংলদুনা শ্রী পোখ্রিয়লনা হায় কলা উৎসবনা ‘এক ভারত শ্রেশথা ভারত’ অচুম্বা মাইকৈদা পুদুনা অমসুং ৱাখল্লোন অসিদা থৌনা হাপদুনা প্রধান মন্ত্রী শ্রী নরেন্দ্র মোদীগী মঙলান অদু মঙ ফাওনবা ঙমহনখ্রে। মহাক্না লকা উৎসব ২০২০দা লমদম অসিগী ওইবা শান্নপোৎশিং অমসুং মশান্নশিংগী সেগমেন্ত পুথোরকপা অসিদা থাগৎখ্রে অমসুং মসিনা ‘ভোকেল ফোর লোকেল’ থৌগৎলি হায়না ফোঙদোকখ্রে।

নেস্নেল এজুকেসন পোলিসী ২০২০গী মতাংদা ৱা ঙাংলদুনা কেন্দ্রগী মন্ত্রীনা পোলিসী অসিনা এজুকেসনগী খুত্থাংদা কলা অমসুং চৎনবী থৌগৎলি হায়না ফোঙদোকখ্রে। কলা উৎসব ২০২০না নেস্নেল এজুকেসন পোলিসী ২০২০গী রিকম্মেন্দেসনশিংসু হাপখি। মহৈরোইশিংনা কলা মখল অমা হেক্তা পাঙথোকপদা মখোয়গী ৱাখল শীজিন্নৈ অমসুং মদু মান্নবা হোৎনৈ অমদি মদুদা থৱায় হাপতুনা অশেংবা মালহল্লি। কলা উৎসবনা থবক-থৌওং অসিদা খুদোংচাবা অমা পীরি। অসিগুম্বা খুদোংচাবশিং অসিনা মহৈরোইগী লম খুদিংমক্কী দেবেলপমেন্তদা মতেং পাংলিবা মহৈরোইশিংগী রিজনিং, কম্প্রিহেনসিবিলিতী, প্রোব্লেম সোল্ফ তৌবা, কোগনিতিব অমসুং দেসিসিবকী পাঙ্গল হেনগৎহল্লি।

Attending the 'Valedictory Function' of Kala Utsav. @ncert @PIB_India @MIB_India @DDNewslive @EduMinOfIndia @mygovindia @transformIndia https://t.co/tTpU3R7RmJ

— Dr. Ramesh Pokhriyal Nishank (@DrRPNishank) January 28, 2021

শ্রী পোখ্রিয়ালনা ভর্চুএল ওইনা পুক্নিং থৌগৎনিংঙাই ওইবা অসিগুম্বা পর্ফোর্মেন্সশিং পীখিবা অসিদা শরুক য়ারিবশিং অমসুং ওর্গনাইজরশিংবু থাগৎখি, চহি অসিদা অৱাবা কয়াগী মরক্তা থা খরগী মমাংদা খল্লুদবা মাই পাকপা অমা ফংবা ঙমখি। রাজ্য পুম্নমক্তগী পুম্নমক্না থৱায় য়াওনা শরুক য়াখিবা অসিনা ভারতকী অখন্নবা মগুন অমসুং থৌনাগী হৌরকফম ওইরিবা অসি য়ুনিতী অমসুং দাইভর্সিতী তুংনফম অমনি হায়বা অমুক হন্না উৎখিবা অসিদা মহআক্না নুংঙাইবা ফোঙদোকখ্রে।

কলা উৎসব ২০২০গী মরমদা:

কলা উৎসব ২০২০ অসি দিজিতেল প্লেৎমখল অমগী  খুত্থাংদা জনুৱারী ১০, ২০২১দা ওনলাইন্দা হৌদোকখি। তোঙান তোঙানবা রাজ্যশিং, য়ুনিয়ন তেরিতোরীশিং, কেন্দ্রিয়া বিদ্যালয় সঙ্গাথন অমসুং নভোদিয়া বিদ্যালয় সম্মিতি স্কুলশিংদগী পুন্না তীম ৩৫না কলা উৎসব ২০২০দা শরুক য়াখ্রে মসিদা মহৈরোই ৫৭৬না মখোয়গী তেলেন্ত উৎখ্রে। শরুক য়ারিবশিং অসিগী মনুংদা মীমান্নদ্রবা মরি য়াওনা নুপীমচা ২৮৭ অমসুং নুপামচা ২৮৯না কলা উৎসব ২০২০দা শরুক য়াখ্রে। একুজেসন মন্ত্রালয়গী দিপার্তমেন্ত ওফ স্কুল এজুকেসন অমসুং লিতরেসী অমদি নেস্নেল কাউন্সিল ওফ এজুকেসনেল রিসর্চ এন্দ ত্রেনিংনা শিংথানিংঙাই ওইবা থবক তৌখি। মখোয়না চোকথবা লৈতনা হোৎনখিবনা মরম ওইরগা কলা উৎসব ২০২০ অসি কোবিদ-১৯ লৈজরবসু মাই পাকখিবনি।

জনুৱারী ১১দগী ২২, ২০২১ ফাওবা পাঙথোকখিবা কলা উৎসব ২০২০গী চাংদম্নবা অসিদা পুন্না আর্ত মখল মপান মমিং ওইনা পল্লবদা— ১. ক্লাসিকেল ঈশৈ ২. নাৎকী ওইবা ফোক্কী ঈশৈ ৩. ক্লাসিকেল জন্ত্রাশিং
৪. নাৎকী/ফোক্কী জন্ত্রাশিং ৫. ক্লাসিকেলগী জগোয় ৬. ফোক্কী জগোয় ৭. ভিজ্যুএল আর্তশিং (তু-দাইমেন্সন) ৮.ভিজ্যুএল আর্তশিং (থ্রি-দাইমেন্সন) ৯. লমদম অসিগী মশান্না- শান্নপোৎশিং য়াওখি। মমাংদা কলা উৎসবতা আর্ত মখল মরি খক্তা লৈরমখি হৌজিক্তি আর্ত মখল মঙা অমসু হাপচিনখ্রে।

কলা উৎসব ২০২০গী ফলগীদমক মসিদা নম্বীয়ু

****