পাৱর মন্ত্রালয়

ভারতনা ইন্তরনেসনেল ইনর্জী এজেন্সীগা স্ত্রেতেজিক পার্ত্নরসিপ এগ্রিমেন্ত খুৎয়েক পীনখ্রে

Posted On: 27 JAN 2021 4:56PM by PIB Imphal

অমগা অমগা থাজনবা অমদি মতেং পাংনবা অমসুং মালেমগী ইনর্জী সিক্যুরিতী ফগৎহন্নবা, মরা চেৎহন্নবা অমসুং তুং কোইনা চৎনবা য়াহন্নবা ইন্তরনেসনেল ইনর্জী এজেন্সী (আই.ই.এ.) মেম্বরশিং অমসুং ভারত লৈঙাক্কী মরক্তা ফ্রেমৱর্ক ফোর স্ত্রেতেজিক পার্ত্নরসিপ জনুৱারী ২৭, ২০২১দা খুৎয়েক পীনখ্রে‍। খোঙবু ওইবগী মরী অসিনা ৱাখল লৌশিং তাথোক তাশিন তৌনদুনা ভারতনা আই.ই.এ.গী মপুং ফাবা লূপ্লোয় অমা ওইনবগী লম্বীগী থাক অমা ওইরগনি‍।

এ.ও.য়ু. অদু ভারতকী মায়কৈদগী মিস্তর সঞ্জিব নন্দন সহাই, সেক্রেতরী (পৱার) অমসুং আই.ই.এ.গী মায়কৈদগী দোক্তর ফেথ বাইরোল, আই.ই.এ. একজেক্যুতিব দাইরেক্তরনা খুৎয়েক পীনখি‍।

আই.ই.এ.গী স্ত্রেতেজিক পার্ত্নর অমা ওইনা ভারতকী কান্নবা অমদি থৌদাং তাঙ্কক নাইনা হেনগৎহনবা, লূপকী মনুংদা লৈরিবা থবক থৌরমশিং শেমগৎপা অমদি ইনর্জী সিক্যুরিতী, ক্লীন এন্দ সস্তেনেবল ইনর্জী, ইনর্জী ইফিসিএন্সী, ভারতকী পেত্রোলিয়ম থম্ফম কেপাসিতী হেনগৎহনবা, ভারত্তা গ্যাসতা য়ুম্ফম ওইবা শেন্মিৎলোন চাউথোকহনবা অসিনচিংবা ক্লীন ইনর্জী ত্রাঞ্জিসন প্রোগ্রাম (সি.ই.তি.পি.) য়াওনা স্ত্রেতিক পার্ত্নরসিপকী মচাকশিং আই.ই.এ. লূপ্লোয়শিং অমসুং ভারতনা পুন্না লেপমিন্নগনি‍।

ভারত্তা পুন্না পায়খৎমিন্নগদবা থবক থৌরমশিং পায়খৎপা অমদি স্ত্রেতেজিক পার্ত্নরসিপ মখা তানা চাউখৎহন্নবা আই.ই.এ. লূপ্লোয়শিং অমসুং ভারতকী মরক্তা খন্ন-নৈনবগী থবক থৌরমশিং মতেং পাংবগী থৌদাং আই.ই.এ. সেক্রেতরিএতনা লৌগনি‍।

ভারত লৈঙাক্না ফ্রেমৱর্ক এগ্রীমেন্ত অসিগী খুত্থাঙদা মথক্তা পনখিবা মশক খঙদোক্লবা হীরমশিংদা ইনর্জী সেক্তরদা স্ত্রেতেজিক অমসুং তেক্নিকেল ওইবা তেংবাংনবগী থবক থৌওংশিং পুক্নীং থৌগৎনবা অমদি য়োকখৎনবা মথৌ তাবা খোঙথাংশিং লৌখৎনবা হোৎনরি‍।

*****

 



(Release ID: 1692702) Visitor Counter : 40