২০২১গী জানুৱারীগী ২৩দা য়ুনিয়ন হোম মিনিস্তর শ্রী অমিত শাহনা হৌদোকখিবা অৱাং-নোংপোক কাউন্সিলগী ৬৯শুবা প্লেনরি ঙসি মায় পাক্না লোইশিনখ্রে।

নুমিৎ নিনিগী ওইবা এন.ই.সি. প্লেনেরিনা অৱাং-নোংপোক্কী মফমশিংদা মাইকৈ খুদিংদা চাওখৎ থৌরাংদা মিয়েং থম্লি অমসুং মফম অসিদা হৌজিক ফাওবদা পীখিবা মখল কয়াগী প্রোজেক্তশিংগী চংশিল্লিবা থবকশিংগী মরমদা খন্নখ্রে। ইজ ওফ দুইং ব্যুজিনেস্তা শেন্থং হেন্না থাদনবা অমসুং রেঙ্কিং ফগৎনবা হায়রিবা অসিদা অয়াবা পীরি। মখল কয়াগী তেক্নিকেল সেসন্দা, চাওখৎনবা প্রোজেক্তশিং হায়বদি পুন্সি মহিং, এন্ত্রেপ্রেন্যুরশিপ, ইনফ্রাস্ত্রকচর, কন্নেক্তিবিতি অমসুং অৱাং-নোংপোক্কা মরী লৈনবা অতৈ মফমশিংগী ৱা খন্নখি।

সেসন অসিগী লোইশিল্লকপা অসিদা ৱা ঙাংবদা, দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.), এম.ও.এস. পি.এম.ও., পর্সোন্নেল, পব্লিক গ্রীবেন্সেস, পেন্সনস, এতোমিক ইনর্জি অমসুং স্পেসকী য়ুনিয়ন মিনিস্তর ওফ স্তেত (ইন্দিপেন্দেন্ত চার্জ) দাঃ জিতেন্দ্র সিংহনা প্রধান মন্ত্রী শ্রী নরেন্দ্র মোদীগী অৱাং-নোংপোক্কী মফম চাওখৎহনবা অমসুং অতোপ্পা চাওখৎলবা স্তেতশিংগী থাক্তা পুরকপা অসিগী মিয়েং অসি অমুক হন্না হায়খ্রে।  

দাঃ জিতেন্দ্রনা খঙহল্লি মদুদি অৱাং-নোংপোক্কী মফমশিং অসি প্রধান মন্ত্রীগী লুচিং মখাদা চহি তরুক অসিদা য়াম্না থুনা চাওখৎপা পুরক্লি অমসুং হায়রিবা অসি লৈবাক শিনবা থুংনা অয়েৎপা য়াওদনা খুদম পীরি মদুদি অৱাং-নোংপোক্কী মফমশিং অসি য়াম্না থুনা চাওখৎপা পুরক্লে হায়বা অসিনি। মহাক্না তানা হায় মদুদি মখা তানা য়াম্না তৌরকখিবা য়ানা লৈরি অমসু প্রধান মন্ত্রীনা হৌজিক ওইরিবা অসিদগী হেন্না চাওখৎপা পাম্লি হায়না ফোংদোক্লি। মহাক্না ফোংদোকখি মদুদি মসিগী স্তেতশিং অমসুং মিনিস্ত্রীশিংদা পীরিবা অসিনা অৱাং-নোংপোক্কী মফমশিংনা লাক্কদৌরিবা মতুংদা থেংনরিবা অৱাবা কয়া অমা লানবা ঙম্লগনি।  

দাঃ জিতেন্দ্র সিংহনা সেন্ত্রেল সরকারগী মিনিস্ত্রী অমসুং দিপার্তমেন্ত কয়াগী মকোক থোংবা ওফিসিএলশিনা পীবা প্রজেন্তেসনশিং পুক্নিং চংনা তাখি অমসুং অৱাং নোংপোক্কীদমক মতেং পীবিনবা মিনিস্ত্রীগী সেক্ত্রেতরীশিংদা মতেং নীখি।

দাঃ জিতেন্দ্র সিংহনা মখা তানা হায় মদুদি অৱাং নোংপোক্কী মফমশিংনা ইন্দিয়াগী চাওখৎপগী ৱারীদা মকোক চিংগনি, মসি অতৈ লৈহৌরিবা মালেম্না লায়চৎ মতুং অসিদা ললোল-ইতিক তৌদুনা ইকোনোমি অসিবু ফগৎনবা হোৎনরিঙৈদা। দাঃ জিতেন্দ্র সিংহনা হায় মদুদি অৱাং নোংপোক্কী মফমশিংনা কোবিদ লায়চৎ মতুং অসিদা ললোনবগী মফম ওইরগনি অমসুং ৱা অসিনা ইকোনোমিগী মরু ওইবা য়ুম্বী ওইরগনি। মহাক্না অদুম ওইনমক স্তেত খুদিংবু মশানা শেম শাদুনা কোবিদ মতুং অসিদা অৱাং নোংপোক্কী মফমশিংনা চান্নবা মফম অমা ওইহৌনবা হোৎনগদবনি হায়রি।

মিনিস্তরনা স্তেতশিংদা তকশিল্লি মদুদি মিনিস্ত্রী কয়া অমনা থাদরিবা ফন্দশিং মফম চানা শিজিন্নদুনা স্কীম অসিগী কান্নবা অসি খ্বায়দগী অরোইবা মীওই অদু ফাওবা য়ৌহনগদবনি। মিনিস্তরনা হায় মদুদি এন.ই.সি.গী মখাদা পীরিবা ফন্দশিং অসি শিজিন্নরিবা অসিগী চাং অসি থাগৎনিঙাইনি অমসুং মিনিস্ত্রীশিং অসিনা মফম অসিদা পীরিবা ফন্দশিং অসি মফম চানা শিজিন্নগনি হায়না আশা তৌই। 

******