নহারোল অমসুং শান্ন-খোৎনবগী মন্ত্রালয়
অসম রাইফল্স পব্লিক স্কুল শিলোংনা অৱাং নোংপোক্কী অহানবা খেলো ইন্দিয়া স্পোর্তস স্কুল ওইরে
Posted On:
04 JAN 2021 5:32PM by PIB Imphal
কেন্দ্রগী য়ুথ অফেয়র্স অমসুং স্পোর্তস মন্ত্রী, শ্রী কিরেন রিজিজুনা নিংথৌকাবা নুমিৎতা শিলোংদা অসাম রাইফল্স পব্লিক স্কুল (এ.আর.পি.এস.)বু খেলো ইন্দিয়া স্পোর্তস স্কুল অমা ওইনা হৌদোকখ্রে। হৌজিক ফাওবদা, লৈবাক শিনথুংবদা স্পোর্তস স্কুল ৯বু অয়াবা পীখ্রে, মসিদা স্কুল মঙা (৫) দিফেন্স অমসুং পেরা মিলিতরি ফোর্সেসনা শেন্নরি। অসাম রাইফল্স পব্লিক স্কুলনা অৱাং নোংপোক্তা খেলো ইন্দিয়াগী মনুং চনবা অহানবা স্পোর্তস স্কুল ওইরে।
হৌজিক সরকারনা স্কুল অসিগী শান্নবগা মরি লৈনবা হৈথোয়-শিংথোয়রবা মহৈরোয়শিংগীদমক্তা লৈবগী, চাবগী, লায়রিক তম্বগী, কম্পিতিসনশিংদা শরুক য়াবগী, ইন্স্যুরেন্স অমসুং লাইয়েংবগী, শান্নবগা মরি লৈনবা ত্রেনিং অমসুং মতেং, কোচ অমসুং সপোর্ত স্তাফঈ সেলরী, শান্নবগী ইক্যুইপমেন্তইশিং অমসুং মসিগা মরি লৈনবা অতোপ্পা থবকশিংগী শেল পুম্নমক সরকারনা পুথোক্লগনি। খেলো ইন্দিয়া স্পোর্তস স্কুলগী পান্দম অসি লাইরিক তম্বগা লোয়ন-লোয়ননা পুনশিন্নবনি অমসুং থৌরম অসিদা শান্নববু চাউখৎহনবা অমসুং এথলেতশিংগী শানবগী মওং অমসুং ৱাখল ফগৎহন্নবনি। মসিনা অৱাং নোংপোক্কী, খুঙ্গং অমসুং ত্রাইবল তেলেন্তশিংবু খংবা অমসুং চাউখৎহনবা ঙমগনি।
শ্রী রিজিজুনা হায়খি “মসি অসাম রাইফল্স পব্লিক স্কুলগী ওইনা য়াম্না শিংথানিংঙাই ওইবা খোংথাং অমগী অহৌবনি অমসুং খেলো ইন্দিয়া স্পোর্তস সেন্তর অসিনা হৌগৎলক্লিবা নুপা অমসুং নুপীমচাশিংবু শেমগৎ-য়োকখত্তুনা, তুংদা ওলীম্পিক্তা মেদেল শোয়দনা পোরক্কনি”
কেন্দ্রগী মন্ত্রী অসিনা স্কুল অসিদা হৌখিবা চহি কয়াদগী চাউখৎপা অহোংবা পুরকপগীদমক অসম রাইফল্সকী দাইরেক্তর জেনরেল, লেফ্তনেন্ত জেনরেল কুলদিপ সাংগৱান্না হোৎনখিবশিংগীদমক্তসু থাগৎখি। মহাক্না হায়খি, “ শান্নবা হায়বসি স্কুলগা থানবা য়াররোইদবা শরুক অমনি অমসুং মসিনা তুংগী মকোক ওইবশিং শেমগৎকনি। হৌখিবা চহি কয়াদগী লেফতনেন্ত জেনরেল কুলদিপ সাংগৱাননা স্কুল অসি চাউখৎনবা পাংথোরকা থৌওংশিংনা পোরক্লিবা অহোংবশিং অদুবু ঐহাক্না ইকাই খুম্নবা উৎলি। স্কুল অসিনা হিরম কয়াদা মাং থারকপদা স্পোর্তস স্কুল অসিনা ফিদম্নিংঙাই ওইবা মগুন অমা হাপকনি অমসুং ভারতপু মরু ওইবা শান্ন-খোৎনবগী লমদা মতিক-মগুন লৈবা অমা ওইহন্নবগী প্রধান মন্ত্রী, শ্রী নরেন্দ্রা মোদীগী শাগৎলিবা মঙলান অদুবু মপুং ফাহনবদা সোয়দনা মতেং ওইগনি।”
অসাম রাইফলস পব্লিক স্কুল অসি খেলো ইন্দিয়া স্পোর্তস স্কুল অমা ওইনা থম্লিবগী মরমদি লাইরিক অমসুং শান্নবদা রেকোর্দ অফবা লৈবা, চাবগী অমসুং মহৈরোয়শিং লৈবগী খুদোংচাবা লৈবা, শান্নবগীদমক মথৌ তারিবা ফেসিলিতীশিং শেমগৎনবা খুদোংচাবা লৈবা অমসুং য়ুথ অফেয়র্স অমসুং স্পোর্তসকী মন্ত্রালয় অমসুং হোম এফিয়র্সকী মন্ত্রালয়গী মরক্তা খুৎশম্নদুনা থবক তৌমিন্নবগী য়ানখিবগী মখাদা ওলীম্পিক্কী শান্নবগী মায়কৈদা থৱায় য়াওনা হোৎনদুনা চাউখৎনবা হোৎনবা পাম্বগী মরম্ননি। স্কুল অসিগীদমক খনগৎখিবা মশান্নাশিংদি, আর্চরী, এথলেতিক্স অমসুং ফেন্সিংনি, মসিদা অহানবা চহিগী ওইনা পুন্না এথলেত ১০০ (নুপা অমসুং নুপীমচা শরুক চপ মান্ননা) লৌগনি।
******
(Release ID: 1691388)
Visitor Counter : 148