আই.আই.তি. জী (এদভান্স)না লৌখিবা ৱারেপ অমদি হৌখিবা একাদেমিক ইয়রনা লৌখিবা ৱারেপ অদুগী মতুং ইন্না এজুকেসন মন্ত্রালয়না জী (মেন)দা য়ুম্ফম ওইরগা মিং চনবা য়াহল্লিবা এন.আই.তি.শিং, আই.আই.তি.শিং, এস.পি.এ.শিং অমসুং অতোপ্পা সি.এফ.তি.আই.শিংগা মরী লৈননা মথংগী একাদেমিক ইয়র ২০২১-২২গী ওইনা জোইন্ত এন্ত্রান্স একজামিনেসন (মেন)গী মখাদা ইলিজিবিলিতী ক্রাইতেরিয়া ওইনা মার্ক ৭৫% (ক্লাস ১২গী চাংয়েংদা) ফংগদবনি হায়না লৈরিবা অসি লৌথোক্নবা ৱারেপ লৌখ্রে।

Considering the decision taken for IIT JEE(Advanced) and in line with the decision taken for the last academic year, it has been decided to waive off the 75% marks (in class 12 exam) eligibility criteria under Joint Entrance Examination (Main) for the next academic year 2021-2022

— Dr. Ramesh Pokhriyal Nishank (@DrRPNishank) January 19, 2021

নেস্নেল ইন্সতিত্যুতস ওফ তেক্নোলোজী (এন.আই.তি.শিং), ইন্সিয়ন ইন্সতিত্যুত ওফ ইঞ্জিনীয়রিং সাইন্স এন্দ তেক্নোলোজী (আই.আই.ই.এস.তি.), শিবপুর (ৱেস্ত বেঙ্গল) অমসুং অতোপ্পা সেন্ত্রেলী ফন্দেদ তেক্নিকেল ইন্সতিত্যুসনশিং (সি.এফ.তি.আই.শিং – আই.আই.তি.শিং য়াওদনা) অসিদা তোঙান তোঙানবা অন্দর গ্রেজ্যুৎ প্রোগ্রামশিংদা মিং চনবা অসি নেস্নেল তেস্তিং এজেন্সী (এন.তি.এ.)না পাঙথোকপা জোইন্ত এন্ত্রান্স একজামিনেস (মেন)দা কেন্দিদেৎনা ফংখিবা রেঙ্কশিং/মেরিৎতা য়ুম্ফম ওই।

জীগী রেঙ্কশিংদা য়ুম্ফম ওইরগা মিং চনবা আই.আই.তি.শিং/এন.আই.তি.শিং/আই.আই.তি.শিং অমসুং অতোপ্পা সি.এফ.তি.আই.শিংদা মিং চন্নবগী ক্বালিফাই ওইনবা কেন্দিদেৎশিংনা ক্লাস ১২গী চাংয়েংদা য়ামদ্রবদা মার্ক ৭৫% ফংগদবনি নত্ত্রগা মরী লৈনবা বোর্দশিংনা পাঙথোকপা ক্লাস ১২গী চাংয়েংদা মকোক থোংবা পর্সেন্তাইল ২০দা য়াওবা ওইগদবনি। এস.সি./এস.তি. মহৈরোইশিংগী ক্লাস ১২গী চাংয়েংগী ক্বালিফাইয়িং মার্ক অসি ৬৫% ওইগনি।

জী (এদভান্স)কী চাংয়েংগী তাং লাউথোকপদা এজুকেসন মন্ত্রীনা মহৈরোইশিংদা লাইজনবা একাদেমিক ইয়র ২০২১-২২গী মিং চনবগী ইলিজিবিলিতী ক্রাইতেরিয়াদা ৭৫% মার্ক (ক্লাস ১২গী চাংয়েংদা) ফংবা হায়না লৈরম্বা অদু লৌথোক্লগনি হায়না লাউথোকখ্রে।

*****