وزیراعظم کا دفتر

جنہیں ویکسین کی سب سے زیادہ ضرورت ہے ، انہیں سب سے پہلے ملے گی : پی ایم

بھارت اپنی ٹیکہ کاری کی مہم انسانیت پر مرکوز طریقۂ کار کے اصولوں پر چلائے گا : پی ایم

عوام کو خبردار کیا کہ وہ چوکس رہیں اور ویکسین پروٹوکول پر عمل کریں

Posted On: 16 JAN 2021 1:35PM by PIB Delhi

نئی دلّی ، 16 جنوری / وزیر اعظم نریند مودی نے کہا ہے کہ   بھارت کی  کووڈ – 19 ٹیکہ کاری کی مہم  انتہائی انسانیت کے جذبے  اور اہم اصولوں پر مبنی ہے ۔  جن لوگوں کو   ویکسین کی  سب سے زیادہ  ضرورت ہے ، انہیں یہ  پہلے ملے گی ۔  جن لوگوں کو  انفیکشن  سے متاثر ہونے کا  سب سے زیادہ  خطرہ ہے ، انہیں پہلے ٹیکہ  لگایا جائے گا ۔ انہوں نے کہا کہ  ہمارے ڈاکٹر ،  نرسیں ، اسپتال  کے صفائی ستھرائی  کے ورکر  اور نیم طبی عملے    کا ٹیکہ  لگوانے کا پہلا حق ہے ۔ یہ ترجیح   سرکاری اور  پرائیویٹ سیکٹر دونوں  کے طبی  اسپتالوں کے دستیاب ہے ۔  وزیر اعظم آج ویڈیو کانفرنسنگ کے ذریعے   کووڈ – 19 ٹیکہ کاری مہم لانچ  کرنے کے بعد  اظہارِ خیال کر رہے تھے ۔

          وزیر اعظم نے کہا کہ  طبی عملے کے بعد  ضروری خدمات کے ارکان  اور  اُن لوگوں کو  ، جو ملک کی سکیورٹی  اور امن و قانون   کے لئے ذمہ دار ہیں  ، ٹیکہ لگایا  جائے گا ۔   ہماری سکیورٹی فورسز   ، پولیس کا عملہ  ، فائر بریگیڈ   ، صفائی ورکروں کو ترجیح دی جائے گی ۔  وزیر اعظم نے کہا کہ اِن کی تعداد تقریباً 3 کروڑ ہے اور بھارتی حکومت  اِن کی ٹیکہ کاری  کے اخراجات برداشت کرے گی ۔

          ٹیکہ کاری مہم  کے  بہترین بندوبست  کا ذکر کرتے ہوئے وزیر اعظم نے  لوگوں کو خبر دار کیا کہ وہ  دو خوراکیں    لینا نہ بھولیں اور  اس کے بارے میں  محتاط رہیں ۔  انہوں نے کہا کہ  ان دو خوراکوں کے درمیان ایک مہینے کا وقفہ  ہو گا ۔ انہوں نے لوگوں سے کہا کہ وہ  ویکسین لینے کے بعد بھی   اپنی احتیاط جاری رکھیں کیونکہ  دوسری  خوراک لینے کے دو ہفتے  بعد ہی  انسانی جسم  کورونا کے خلاف  ضروری   قوت مدافعت  پیدا  کر سکے گا ۔

          جناب مودی نے  ہم وطنوں سے درخواست کی کہ وہ   ٹیکہ کاری   کے وقت میں بھی  اسی  طرح کے  تحمل  کا اظہار کریں ، جس طرح انہوں نے کورونا کے خلاف لڑائی کے دوران کیا ہے ۔

 

 

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( م ن ۔ و ا ۔ ع ا ۔   )

U. No. 444

 



(Release ID: 1689095) Visitor Counter : 45