প্রধানমন্ত্রীগী লোইশঙ
তিকা খ্বাইদগী য়াম্না দরকার ওইবা মীওইশিং হান্না তিকা থাগনি: প্রধান মন্ত্রী
ভারতকী তিকা থাবগী খোঙজং অসি মীওইবা খুন্নাইগী য়াইফনবা থবক্না লমজিংলে: প্রধান মন্ত্রী
মখোয় চেকশিনবা হেনগৎনবা অমসুং তিকাগী চৎন-পথাপশিং ইন্নবা মীয়ামদা চেকশিনৱা থম্লক্লি
Posted On:
16 JAN 2021 1:35PM by PIB Imphal
প্রধান মন্ত্রী শ্রী নরেন্দ্র মোদীনা হায়খি মদুদি ভারতকী তিকা থাবগী খোঙজং অসি মীওইবগী মীনুংশি অমসুং মরুওইবা ৱাখল্লোলশিংদা য়ুম্ফম ওইরগা পায়খৎপনি। তিকা খ্বাইদগী য়াম্না দরকার ওইবা মীওইশিং হান্না তিকা থাগনি। লায়না অসি লৌনবা য়াবগী খুদোংথিবা খ্বাইদগী য়াম্না মায়োক্নরিবা মীওইশিং হান্না তিকা থাগনি। ঐখোয়গী দোক্তরশিং, নর্সশিং, হোস্পিতাল সেনিতেন শিন্মীশিং অমসুং পেরা-মেদিকেল স্তাফশিং অহানবা ওইনা তিকা থাগদবনি। সরকার অমসুং লনাইগী হোস্পিতালশিং অনিমক্তা অহানবগী ওইনা খুদোংচাবশিং পীরে। ঙসি ভিদিও কনফরেন্সকী খুৎথাংদা ভারত শীনবা থুংনা কোবিদ-১৯ তিকা থাবগী খোঙজং হৌদোক্লবা মতুংদা প্রধান মন্ত্রীনা ৱা ঙাংখি।
প্রধান মন্ত্রীনা হায়খি মেদিকেল স্তাফকী মতুংদা, তঙাইফদবা থবকশিং পাংথোক্লিবা মীওইশিং, লৈবাক অসিগী সেকুরিতি অমসুং লো অমসুং ওর্দরগী থৌদাং লৌরিবা মীওইশিং তিকা থাগনি। ঐখোয়গী সেকুরিতি ফোর্সশিং, পুলিস পর্সোনেলশিং, ফাইয়র ব্রিগেদ, সেনিতসন ৱার্করশিং হান্না খুদোংচাবা পীগনি। মশিং করোর ৩ রোম ওইগনি অমসুং মখোয় তিকা থাবদা চঙবা শেনফম ভারত সরকারনা পুথোক্কনি।
তিকা থানবা পাক-চাউনা থৌরাং তৌবগা লোয়ন্না তিকা দোজ অনি মপুংফানা থানবা চেকশিন্নবা প্রধান মন্ত্রীনা মীয়ামদা খঙহনখি। মহাক্না হায়খি দোজশিংগী মরক্তা থা অমগী মতম কান্নগনি। অনিশুবা দোজ কাপ্লবা মতুং চয়োল অনিগী মতুংদা মীওইবগী হকচাংদা কোরোনাদগী ঙাকথোকপা ঙম্বগী শক্তি(ইম্মুনিতি)লৈরক্কদবা মরম্না তিকা থাখ্রবা মতুংদশু মীয়াম্না চেকশিন্না লৈগদবনি।
কোরোনাগী মায়োক্তা লান্থেংনবা মতমদা মীয়াম্না উৎখিবা খাংবা কনবা অদুগা চপ মান্নবা থৌওং তিকা থাবা মতম অসিদশু উৎনবা শ্রী মোদীনা মীয়ামদা হায়জখি।
******
(Release ID: 1689048)
Visitor Counter : 222
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada