জনুৱারি ১৫,২০২১ ফাওবদা, মৈধ্য প্রদেসকী(ক্বাকশিং অমসুং খুনুশিংদা)বুরহানপুর, রাজগর, দিন্দোরি, ছিন্দৱারা, মান্দলা, হারদার, ধার সাগর অমসুং সাতনা জিলাশিং; উত্তরখান্দগী(ক্বাকশিং অমসুং উমাইবী) দেহরাদুন জিলা; দিল্লিগী(ক্বাক)রোহিনি অমসুং রাজস্থানগী(ঙানু অমসুং ব্লেক স্তোর্ক)জয়পুর জুদা এভিয়ান ইনফ্লুয়েঞ্জা শন্দোক্লে হায়বা খঙলে।

মসিগী মথক্তা, মৈধ্য প্রদেসকী হারদা জিলাগী অনন্দ/ভাগিরাথ কলাওসিয়াগী পোলত্রি ফার্ম অমসুং ছতিসগরগী বালোদ জিলাগী জি.এস পোলত্রি ফার্মদা এভিয়ান ইনফ্লুয়েঞ্জাগী কেসশিং লৈরে হায়বা খঙলে। হৌজিক ফাওবদা লৈবাক অসিগী রাজ্য ১১দা এভিয়ান ইনফ্লুয়েঞ্জা শন্দোক্লে।

লায়না অসিগী মরমদা মীয়াম ৱাখল তাহন্নবা থবক কয়া পায়খৎলে। মীয়াম মরক্তা এভিয়ান ইনফ্লুয়েঞ্জাগী মরমদা লান্না পাউ শন্দোক্লিবা অসি থিংনবা থবকশিংশু পায়খৎলে।

রাজ্যশিং অমসুং য়ু.তিশিংগী এনিমেল হসবেন্দরি দিপার্তমেন্তশিংগা লোয়ন্না ভিদিও কনফরেন্স পাংথোকখিবগী মতুংইন্না এভিয়ান ইনফ্লুয়েঞ্জা অসি লৈবাক অসিদা অনৌবা অমা নত্তে ২০০৬তগী হৌনা চহি খুদিংগী থেংনদুনা লাক্লি হায়না রাজ্যশিং/য়ু.তিশিংগী চীফ সেক্রেতরিশিং অমসুং লৈঙাকপশিংদা অইবা ওইনা খঙহনখ্রে। লৈবাক অসিনা লায়না অসি মপুংফানা লাকশিল্লে। ভাইরস অসি সেলসিয়ন দিগ্রি ৭০দা য়াম্না লাইনা হাৎপা ঙম্মি অমসুং মরম অদুনা নিংথিনা থোঙলবা য়েন অমসুং য়েরুম চাবদা মীওইবগী হকচাং শোক্নিংঙাই ওইদে। এভিয়ান ইনফ্লুয়েঞ্জা লৈতবা মফমশিং অমসুং রাজ্যশিংদগী য়েন অমসুং য়েরুম পুশিল্লকপা অমসুং য়োনবদা অথিংবা পীদনবা য়াথং পীনবা রাজ্যশিংদা খঙহনখ্রে।

*****