প্রধানমন্ত্রীগী লোইশঙ
পি.এম.না জনুৱারী ১৬তা স্তার্তঅপশিংগা লোইননা ৱারী শাগনি অমদি ‘প্রারম্ভা: স্তার্তঅপ ইন্দিয়া ইন্তরনেস্নেল সম্মিৎ’তা ৱা ঙাংগনি
Posted On:
14 JAN 2021 3:59PM by PIB Imphal
প্রধান মন্ত্রী শ্রী নরেন্দ্র মোদীনা জনুৱারী ১৬গী নুমিদাং ৱাইরম পুং ৫ তাবা মতমদা ভিদিও কনফরেন্সকী থোংদা স্তার্তঅপশিংগা লোইননা ৱারী শাগনি অমদি ‘প্রারম্ভা: স্তার্তঅপ ইন্দিয়া ইন্তরনেস্নেল সম্মিৎ’তা ৱা ঙাংগনি।
সম্মিৎ অসি কম্মর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেলত্রেদনা জনুৱারী ১৫-১৬তা পাঙথোক্কনি। নুমিৎ নিনিগী সম্মিৎ অসি অগস্ত ২০১৮দা কাথমন্দুদা পাঙথোকখিবা মরুশুবা বি.আই.এম.এস.তি.ই.সি.দা প্রধান মন্ত্রীনা ভারতনা বি.আই.এম.এস.তি.ই.সি. স্তার্তঅপ কনক্লেবকী য়ুম্বু ওইগনি হায়না লাউথোক্লখিবা অদুগী মতুং ইন্না পাঙথোক্কদবনি।
প্রধান মন্ত্রীনা জনুৱারী ১৬, ২০১৬দা হৌদোকখিবা স্তার্তঅপ ইন্দিয়া ইনিসিয়েতিব অসিগী চহি মঙা মপুং ফাবগী পাল্লন ওইনা সম্মিৎ অসি পাঙথোক্কনি। লৈবাক ২৫ হেনবদগী শরুক য়ারিবশিং অমদি মালেমগী ওইনা ৱাঙাংলোই ২০০ হেনবনা শরুক য়াবগা লোইননা সম্মিৎ অসি ভারত সরকারনা স্তার্তঅপ ইন্দিয়া ইনিসিয়েতিব হৌদোকখিবা মতুংদা পাঙথোকপা খ্বাইদগী চাউবা স্তার্তঅপ কনফ্লুয়েন্স ওইরগনি। মসিদা স্তার্তঅপ ইকোসিস্তেমশিং অমত্তা ওইনা দেবেলপ তৌনবা অমদি মপাঙ্গল কখৎহন্নবা মালেম শিনবা থুংবদগী লৈবাক কয়াগা লোইননা মল্তিলেতরেল কোওপরেসন অমসুং থবক তৌমিন্নবা হেনগৎহন্নবা মীৎয়েং থম্বগা লোইননা সেসন ২৪ পাঙথোক্কনি।
***
(Release ID: 1688555)
Visitor Counter : 253
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam