ভারতকী জিলা ৬০০ শীনবা থুংনা হয়েং প্রধান মন্ত্রী কৌশল বিকাস য়োজনা(পি এম কে ভি ৱাই ৩.০)গী অহুমশুবা তাঙ্কক হৌদোক্লগনি। স্কিল দিবলপমেন্ত অমসুং ওন্ত্রেপ্রেনিউয়রশিপ মিনিস্ত্রিনা পায়খৎলিবা তাঙ্কক অসিদা অনৌবা অমসুং কোবিদকা মরী লৈনবা লৌশিং কয়া ফংহন্নবা পান্দম থম্লি।  

স্কিল ইন্দিয়া মিসন পি.এম.কে.ভি.ৱাই ৩.০না লুপা করোর ৯৪৮.৯০গী শেনফম অমগা লোয়ন্না ২০২০-২০২১গী মনুংদা কেন্দিদেত লাখ ৮ হেন্না ত্রেনিং পীনবা পান্দম থম্লি। মশিং য়াম্লবা হৈশিংলবা শীনফম কয়াগী মীওইশিং শেমগৎনবা স্কিল ইন্দিয়াগী মখাদা প্রধান মন্ত্রী কৌশল কেন্দ্র ৭২৯, ইমপেনেল্ত তৌরবা নন-পি.এম.কে.কে ত্রেনিং সেন্তরশিং অমসুং আই.তি.আই ২০০ হেনবনা পি.এম.কে.ভি.ৱাই ৩.০গী ত্রেনিংশিং পাংথোক্কনি। পি.এম.কে.ভি.ৱাই ১.০ অমসুং পি.এম.কে.ভি.ৱাই ২.০দগী তমখিবা পারাশিংদগী য়ুম্ফম ওইরগা হৌজিক লৈরিবা থৌশিলগা চুন্নবা অমসুং কোবিদ-১৯ লাইচৎনা মরম ওইদুনা শোকহল্লবা ত্রেনিং পীবগী থবকশিং হেন্না কনখৎহন্নবা মওংদা মিনিস্ত্রিনা অনৌবা স্কিম অসি ফগৎহল্লে।

মালেমদা ভারতনা ‘স্কিল কেপিতেল’ ওইনা শেমগৎনবা পান্দম ফংনবা সরকারগী মাঙজিল থারিবা স্কিম পি.এম.কে.ভি.ৱাই হৌদোকপদগী প্রধান মন্ত্রী শ্রী নরেন্দ্র মোদীনা জুলাই ১৫, ২০১৫দা হৌদোকখিবা “স্কিল ইন্দিয়া মিসন”গী খোঙজেল য়াংখৎখি।

স্কিম অসি স্কিল দিবলপমেন্ত অমসুং ওন্ত্রেপ্রেনিউয়রশিপকী মিনিস্তর দোক্তর মহেন্দ্রনাথ পান্দেনা হৌদোক্কনি অমসুং রাজ্য মন্ত্রী শ্রী রাজ কুমারশু শরুক য়াগনি। থৌরম অদুদা রাজ্যগী স্কিল মিনিস্তরশিং অমসুং সংসদকী মেম্বরশিংনা ৱা ঙাংগনি।

হয়েং নুংথিল পুং ১২:৩০ তাবদগী মিনিস্ত্রিগী সোসিএল মেদিয়া প্লেতফোর্মশিংদা থৌরম অসি য়েংবা য়াগনি:

পি.এম.কে.ভি.ৱাই ফেসবুক : www.facebook.com/PMKVYOfficial

স্কিল ইন্দিয়া ফেসবুক: www.facebook.com/SkillIndiaOfficial

স্কিল ইন্দিয়া তুইতর: www.twitter.com/@MSDESkillindia

স্কিল ইন্দিয়া য়ুতুব: https://www.youtube.com/channel/UCzNfVNX5yLEUhIRNZJKniHg

*****