ঙাকশেল মন্ত্রালয়

ইন্দিয়ান এয়র ফোর্সকীদমক ঐচ.এ.এলদগী ‘তেজাস’ লাইত কম্বেত এয়রক্রাফ ৮৩ লৈবা মন্ত্রীমন্দলনা অয়াবা পীরে

Posted On: 13 JAN 2021 5:27PM by PIB Imphal

জনুৱারি ১৩দা নিউ দিল্লিদা প্রধান মন্ত্রী শ্রী নরেন্দ্র মোদীনা লুচিংদুনা মন্ত্রীমন্দলগী মীফম পাংথোকখ্রে অমসুং লুপা করোর ৪৫,৬৯৬ চঙনা লাইত কম্বেত এয়রক্রাফ তেজাস এম.কে-১এ ফাইত্তর এয়রক্রাফ ৭৩ অমসুং লাইত কম্বেত এয়রক্রাফ তেজাস এম.কে-১ ত্রেন্নর এয়রক্রাফ ১০ লৈবা অমসুং দিজাইন অমসুং ইনফ্রাস্ত্রকচর শেমগৎনবগী লুপা করোর ১,২০২ কাইথোকপগী অয়াবা পীরে।

লাইত কম্বেত এয়রক্রাফ তেজাস এম.কে-১এ মখল অসি লৈবাক অসিদা দিজাইন তৌবা অমসুং পুথোকপা মরিশুবা জেনেরেসনগী অফবা ফাইত্তর এয়রক্রাফনি। এয়রক্রাফ অসিদা ইন্দিয়ান এয়র ফোর্সনা মথৌ পাংথোকপা মতমদা দরকার ওইবশিং ফংনবা এক্তিব ইলেকত্রোনিকেল্লি স্কেন এরে(এ ই এস ই)রাদার, বিয়োন্দ ভিজুএল রেঞ্জ(বি ভি আর) মিসাইল, ইলেকত্রোনিক ৱারফিয়ার(ই দব্লিউ) সুইত অমসুং এয়র তু এয়র রিফুয়েল্লিং(এ এ আর) য়াওরে। লৈবাক অসিগী মচাক-মথুম চাদা ৫০না শাবা ভারত মশানা দিজাইন তৌবা অমসুং শাবা কম্বেত এয়রক্রাফ লৈবা হন্দক্কী অসিনা অহানবনি অমসুং অরোইবদা লৈবাক অসিগী মচাক-মথুম চাদা ৬০ হেন্না শীজিন্নগনি।

প্রোজেক অসিগী মখাদা এ.আই.এফনা মখোয়গী বেজ দিপোশিংদা মখোয়না এয়রক্রাফশিং শেমজিন-শাজিনবগী অয়াবসু মন্ত্রীমন্দলনা পীরে অমসুং মসিনা মিসন ক্রিতিকেল সিস্তেমশিং ঙাইনবগী মতম হন্থহনগনি অমসুং ওপরেসনশিংদা শীজিন্ননবা এয়রক্রাফ মশিং য়াম্না লৈবা হেনগৎহনগনি। থৌরাং অসিনা মখোয়গী বেজশিংদা রিপ্যার তৌনবা দরকার ওইবশিং ফংহন্দুনা এ.আই.এফনা ফ্লিতশিং ফজনা অমসুং মতিক চানা শীজিন্নবা ঙমহনগনি।

অত্মানির্ভর ভারত অভিয়ানগী মখাদা, ঙাক-শেনগী লমদা লৈবাক অসিনা মশাগী ওইবা অৱাংবা থাক্কী তেক্নোলোজিশিং শীজিন্নদুনা খুৎলায়শিং দিজাইন তৌবা অমসুং পুথোকপগী থবক মখা তানা হেনগৎলক্লি। হিন্দুস্থান এরোনোতিক্স লিমিতেদ(হাল)না লাইত কম্বেত এয়রক্রাফ শাবা অসিনা অত্মানির্ভর ভারতকী থবক মখা তানা ফগৎহল্লগনি অমসুং লৈবাক অসিদা মশাগী ওইনা ঙাক-শেনগী খুৎলায়শিং পুথোকপা অমসুং দিফেন্স ইন্দস্ত্রি চাউখৎপা হেনগৎহল্লগনি। এয়রক্রাফশিং অসি লৈনবগীদমক এম.এস.এম.ইশিং য়াওনা দিজাইন অমসুং মেনুফেকচরিংগী হিরমদা থবক তৌরিবা ভারতকী কম্পেনি ৫০০ রোমগা হালগা থবক তৌমিন্নগনি। থবক অসিনা ভারতকী এরোস্পেস মেনুফেকচরিংগী থবকশিং অসি অত্মানির্ভরগী ফিবম অমা পুরকপদা মতেং পাংলগনি।

***** 

 



(Release ID: 1688434) Visitor Counter : 37