লৈবাক অসিগী রাজ্যশিংগী মফম অমতদা ওল ইন্দিয়া রেদিওগী স্তেসন থোঙ লোনবা লৈতে হায়না ঙসি প্রসার ভারতীনা শেংদোরক্লি।

ভারতকী তোঙান-তোঙানবা মেদিয়া আউতলেতশিংদা ওল ইন্দিয়া রেদিওগী স্তেসনশিং থিংজিল্লে হায়না অরানবা পাউশিং ফোঙখিবা অদুদা হকচিন্না লৌরদুনা, হায়রিবা পাউশিং অদু য়ুম্ফম য়াওদবা অমসুং অরানবা পাউনি হায়না প্রাসার ভারতীনা শেংদোক্লি।

প্রাসার ভারতীনা মখা তানা হায়খি রাজ্য নত্রগা য়ুনিয়ন তেরিতোরি অমতদা ওল ইন্দিয়া রেদিওগী স্তেসন অমতা পীকথহনবা নত্রগা করিগুম্বা অমদা ওন্থোকপা লৈতে। লমদম অমগী হৈথোই-শিংথোইবা য়োকখৎনবা ওল ইন্দিয়া রেদিওগী স্তেসনগী পান্দমগী মখাদা তোঙান-তোঙানবা লোলশিং, খুন্নাইগী চৎনবীশিং অমসুং মীওই কাংলুপ কয়াগা চুনবা মওংদা ওল ইন্দিয়া রেদিওগী স্তেসনশিংনা মখা তানা লমদম অমগী থৌরমশিং শন্দোক্কনি।

প্রাসার ভারতীনা মখা তানা হায়খি ২০২১-২০২২ মনুংদা মসিগী অকাসবানি, ওল ইন্দিয়া রেদিও, এ.আই.আর নেতৱার্কশিং মপাঙ্গল কনখৎহন্নবা মরুওইবা প্রোজেক কয়া পায়খৎনবা থৌরাং তৌদুনা লৈরে অমসুং ভারত শীনবা থুংনা অনৌবা এফ.এম রেদিও ত্রান্সমিত্তর ১০০ হেন্না পাকথোক-চাউথোক্লে।

মালেমদা খ্বাইদগী চাউবা মীয়ামগী ব্রোদকাস্তিং নেতৱার্ক অমা ওইনা এ.আই.আর নেতৱার্ক অসিদা স্তেসন ২০০ হেন্না অমসুং রেদিও ত্রান্সমিত্তর কয়া লৈরি অমসুং তোঙান-তোঙানবা মওংদা হায়বদি তেরেস্ত্রিএল রেদিও(এফ.এফ, এম.দব্লিউ, এস.দব্লিউ), সেতেল্লাইত দি.তি.ঐচ রেদিও(দি দি ফ্রি দিস দি তি ঐচ), ইন্তরনেত রেদিও(নিউজওনএআইআর এপ্প)তা থৌরমশিং শন্দোক্লি।

দি.দি ফ্রিদিস দি.তি.ঐচ সর্বিসতা সেতেল্লাইত রেদিও চেন্নেল ৪৮ ফংলি অমসুং হৌজিক ভারত শীনবা থুংনা রেদিও স্তেসনশিংদা লমদম-লমদমগী থৌরমশিং শন্দোক্লি।

মখা তানা, নিউজওনএআইআর এপ্পতা লাইভ রেদিও ২০০ স্ত্রিম তৌরি, ২০২০ মনুংদা মালেমগী তোঙান-তোঙানবা লৈবাকশিংদা মীওই মিল্লিয়ন ২.৫ হেনবনা লাইভ রেদিও ২০০ স্ত্রিম তারি অমসুং প্রাসার ভারতীনা “ভোকেল ফোর লোকেল”গী মালেমগী অনৌবা ৱাহন্থোক অমা পীরে।

ভারত্তা দিজিতেল তেরেস্ত্রিএল রেদিও হৌদোক্নবা প্রাসার ভারতীনা থবক পায়খৎলে। চাংয়েং ওইনা সহরশিং/লমদম কয়াদা দিজিতেল দি.আর.এম তেক্নোলোজিগী খুৎথাংদা অখন্নবা এ.আই.আর চেন্নেলশিং শন্দোক্লে। মফমশিং অসিগী মীয়াম্না দিজিতেল ওইনা রেদিও ফ্রিক্বেন্সি অমদা ফংলিবা তোঙান-তোঙানবা রেদিও চেন্নেলশিং তাবা ফংলে। দি.আর.এম ত্রান্সমিত্তরশিংগী খুৎথাংদা ফংলিবা অকাসবানিগী অখন্নবা দিজিতেল রেদিও সর্বিসশিংগী মনুংদা এ.আই.আর নিউজ ২৪x৭, ক্লাসিকেল ঈশৈশিংগী এ.আই.আর রাগম ২৪x৭, লমদম অমগী রেদিওগী থৌরমশিং অমসুং লাইভ স্পোর্তশিং য়াওরি।

এফ.এম রেদিওদা দিজিতেল তেক্নোলোজি চাংয়েং তৌনবা প্রাসার ভারতীনা থবক পায়খৎলে অমসুং ভারত্তা দিজিতেল এফ.এম রেদিও শন্দোকপা হৌনবা অথুবদা অরোইবা ৱারেপ লৌরগনি।

*****