চহি ৫গী মমাংদা, ২০১৬গী জানুৱারীগী ১৩দা, ভারত সরকারনা লৌমীশিংগী খুদোংথিবা কয়া অমা কন্নবা পুৱারী ওইবা খোঙথাং কয়া অমা লৌখৎলি অমসুং মরু ওইবা স্কীম - প্রধান মন্ত্রী ফাসল বিমা য়োজনা (পি.এম.এফ.বি.ৱাই.) অসি অয়াবা পীখি। স্কীম অসিনা লৈবাক অসিদা লৈরিবা লৌমীশিংদা হেন্না খুমাং চাওশিনবা খুদোংথিবা কয়া অমা কন্নবা অনেম্বা প্রিমিয়ম পীরি। ভারত সরকারনা লৈবাক অসিগী লৌমীশিং অসিগী নিংবা কাইদনবা ফিরেপ কয়া অমা লৌরি।

লৌমীগী প্রিমিয়ম শরুক অহেনবা অসি স্তেত অমসুং জি.ও.আই.না চপ মান্ননা সবসিদি পীরি। অদুম ওইনমক, অৱাং-নোংপোক স্তেতশিংগী ওইনা জি.ও.আই.না ৯০% শরুক পীদুনা মফম অসিদু চাওখৎনবা হোৎনরি।

হেক্তরদা চাংচৎতা শেনফম লুপা ১৫,১০০ পীরম্বা অদুদগী পি.এম.এফ.বি.ৱাই,গী মখাদা লুপা ৪০,৭০০ পীরি।

লৌমীশিং অসিগী অৱাবা হন্থনবা, স্কীমশিং অসি মরু হুনবদগীনা লোকপা ফাওবা মরক্তা লাকপা খুদোংথিবশিং অসি থেংননবা পীরি। মীওই অমগী মফম অদুগী ওইবা অৱাবা তাবা অমসুং লোকপা মতুংদা তাবা অসিশু কোনশিল্লি।

খুদম খর হায়রবদা ২০১৯গী খারিফ পান্থাদা আন্ধ্র প্রদেস অমসুং কর্নাতকাদা লুপা করোর ৫০০ অকংবা থোকপা কনখি, ২০১৮দা খারিফ পান্থাদা হারিয়ানাদা লেন্না মাংহনবদা লুপা করোর ১০০, ২০১৯-২০গী মরক্তা রাবি লৌরোক পান্থাদা রাজস্থান্দা লুপা করোর ৩০, ২০১৯দা মহারাস্ত্রাদা মতম চাদনা নোং চুবদা লুপা করোর ৫০০০ ক্লেইম লৈখি।

পি.এম.এফ.বি.ৱাই.পোর্তেলগা লোয়ননা রেকোর্দ লৌনবা, লৌমীনা লায়না লৌবা য়ানবা ক্রোপ ইন্সুরেন্স মোবাইল-এপ অমসুং তেক্নোলোজি হায়বদি সেতেল্লাইত মমি লৌবা, রিমোৎ-সেন্সিং তেক্নোলোজি, দ্রোনশিং, আর্তিফিসিএল ইন্তিলিজেন্স অসিনা স্কীম অসিগী মরু ওইবা মচাক খরনি। স্কীম অসিনা লৌমীশিংদা মখোয়গী মহৈ-মরোংশিং হেক মাংবগা পুং ৭২গী মনুংদা রিপোর্ত তৌবা হায়রিবা অসি ক্রোপ ইন্সুরেন্স এপ, সি.এস.সি. সেন্তর নত্ত্রগা মনাক নকপা এগ্রীকলচর ওফিসরদা তৌগদবনি।  

কন্না হোৎনদুনা কান্নবা অসি পুরক্নবা, স্কীম অসি লৌমী মশা-মশানা চোংথোক্তুনা তৌনবা শেম্লি, হায়রিবা অসি ২০২০গী ফেব্রুৱারীদা পীখ্রে। মখা তানা স্তেতশিংনা পীফম থোকপা শেনফম অদুগী মওং খর কোমথোক্তুনা লৌমীশিংদা মতিক চাবা কান্নবা ফংনবা হোৎনগদবনি।

স্কীম অসিনা লৌমী করোর ৫.৫ অমা চহিদা পীরি। হৌজিক ফাওবদা, স্কীম অসিগী মখাদা লুপা করোর ৯০,০০০ হেনবা অমা ফংহনখ্রে। আধার পুথোকপা অসিনা লৌমীশিংনা মখোয়গী একাউন্তদা খুদক্তা চংহনবা ঙম্মী। কোবিদ মনুং অসি ফাওবদা লৌমী লাখ ৭০ কান্নহনখি অমসুং ক্লেম তৌখিবা লুপা করোর ৮৭৪১.৩০ অসি বেনিফিসরিদা ফংহনখি।

ভারত সরকারনা লৌমীশিংদা স্কীম অসিগী খুদোংচাবা অসি লৌনবা অমসু অৱাবা মনুংদা আত্মানির্ভর কিসান অসিগী মতেং লৌগদবনি।

****