প্রভাসি ভারতীয়া দিৱস(পি বি দি) কনভেন্সন অসি এক্সতর্নেল এফেয়ার্স মিনিস্ত্রগী মরুওইবা থৌরমনি অমসুং মপান লৈবাকশিংদা লৈরিবা ভারতমচাশিংগা উন্নবা মরুওইবা মফম অমা পীরে। হৌজিক কোবিদ লাইচৎ লৈজরবসু, মপান লৈবাকশিংদা লৈরিবা ঐখোয়গী মীয়ামগী য়েংলগা, জনুৱারি ৯,২০২১দা ১৬শুবা প্রভাসি ভারতীয়া দিৱস কনভেন্সন পাংথোক্কনি। কনভেন্সন অসি ভর্চুএল ওইনা পাংথোক্কনি। ১৬শুবা প্রভাসি ভারতীয়া দিৱস কনভেন্সন ২০২১গী থিমদি “অত্মানির্ভর ভারত্তা মতেং পাংবা” অসিনি।

প্রভাসি ভারতীয়া দিৱস কনভেন্সন কাংলুপ অহুম লৈগনি। থৌরম অসিদা ভারতকী প্রধান মন্ত্রী শ্রী নরেন্দ্র মোদীনা হৌদোক্কনি অমসুং সুরিনামগী প্রসিদেন্ত চন্দ্রিকাপরসাদ সন্তোকিনা চীফ গেস্ত ওইনা মরুওইবা ৱারোল পীগনি। নহারোলগীদমক পাংথোকপা ওনলাইন ভারত কো জানিয়ে কুইজদা মাইপাক্লবশিংসু লাউথোক্কনি।

হৌদোকপগী থৌরম মতুংদা প্লেনারি সেসন অনি পাংথোক্কনি। অহানবা প্লেনারিদা এক্সতর্নেল এফেয়ার্স মিনিস্তর অমসুং কমর্স অমসুং ইন্দস্ত্রি মিনিস্তরনা অত্মানির্ভর ভারত্তা মপান লৈবাকশিংদা লৈখ্রবা ভারতমচাশিংগী থৌদাংগী মরমদা ৱা ঙাংগনি অমসুং অনিশুবা প্লেনারিদা হেল্থ মিনিস্তর অমসুং এক্সতর্নেল এফেয়ার্সকী রাজ্য মন্ত্রীনা কোবিদ মতুংদা হকশেল,শেন-থুম, খুন্নাই অমসুং মালেমগী মরীশিংগী মতাংদা থেংনরিবা অৱাবশিংগী মতাংদা ৱা ঙাংগনি। প্লেনারি অনিমক্তা খন্ন-নৈনবশিং পাংথোক্কনি অমসুং শরুক য়ানবা মপান লৈবাকশিংদা লৈবা ভারতমচা অখঙ-অহৈশিংদা চেবাউ পীখ্রে।
প্রভাসি ভারতীয়া দিৱসকী অরোইবা থৌরমগী শরুক অমা ওইনা রাস্ত্রপতিজিনা মহাক্কী লোইশিনবগী ৱারোল পীগনি। ২০২০-২১গী ওইনা প্রভাসি ভারতীয়া সম্মান মনা ফংলবশিংগী মমিংশু লাউথোক্কনি। তোঙান-তোঙানবা হিরমশিংদা ভারত অমসুং মপান লৈবাকশিংদা মখোয়না পাংথোকখিবা থবকশিং অমসুং মখোয়গী মাইপাকপশিং ইকায়খুম্নবা উৎপা ওইনা খনগৎলবা মপান লৈবাকশিংদা লৈবা ভারতমচাশিংদা প্রভাসি ভারতীয়া সম্মান মনা পীবনি।

“ভারত অমসুং মপান্দা লৈরিবা মাইপাক্লবা নহা ওইরিবা ভারভমচাশিং পুনশিনবা’ হায়বা পান্দমদা নহারোলশিংগী প্রভাসি ভারতীয়া দিৱসশু জনুৱারি ৮,২০২১দা পাংথোক্কনি অমসুং য়ুথ এফেয়ার্স অমসুং স্পোর্তসকী মিনিস্তরনা এনকর ওইগনি। থৌরম অদুদা নিউ জিলেন্দগী কম্মুনিতি অমসুং ভোলুন্তরি সেক্তরগী মিনিস্তর প্রিয়ানকা রাধাকৃষ্ণনন্না স্পিসিএল চীফ গেস্ত ওইনা শরুক য়াগনি।

*****