হকশেল অমসুং য়াইফ-য়ুম্বাল মন্ত্রালয়

কোবিদ-১৯ বেক্সিন রোল আউৎ

দা. হর্শ বর্ধন্না জনুৱারী ৮দা অশোই-অঙাম য়াওদবা দ্রাই রন পাঙথোক্নবা শেম-শারিবা অসি য়েংশিন্নবা অমসুং মখোয়না হকথেংননা লুচিংনবা রাজ্যশিং/য়ু.তি.শিংগী হলশেল মন্ত্রীশিংগা লোইনননা ৱারী শাখ্রে
হয়েং রাজ্য/য়ু.তি.গী জিলা ৭৩৬তা লৈবাক শিনবা থুংবগী অনিশুবা দ্রাই রন পাঙথোক্কনি
দা. হর্শ বর্ধন্না রাজ্যগী হকশেল মন্ত্রী পুম্নমক্তা মখোয় মশানা হকথেংননা অয়াবা পীখ্রবা বেক্সিনশিংগী মতাংদা অরানবা পাউশিং শন্দোক্তনবা য়েংশিন্নবা হায়খ্রে: “অরানবা শন্দোক্লিবশিং অসিনা হোৎনরিবা পুম্নমক মাংহনদুনা, চহি অমা মনিং হলহনগদৌরি”
“ভারতকী পোলিয়ো ফ্রী স্তেতস অসি অদুমক থম্বা ঙম্নবা জনুৱারী ১৭দা নেস্নেল ইম্ম্যুনাইজেসন নুমিৎ অসি ঐখোয়না মপুং ফানা পাঙথোক্লসি”

Posted On: 07 JAN 2021 5:10PM by PIB Imphal

কেন্দ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধন্না ঙসি ভিদিও কনফরেন্সকী খুত্থাংদা হয়েং জনুৱারী ৮দা লৈবাক শিনবা থুংনা কোবিদ বেক্সিনেসনগী মোক দ্রিল পাঙথোক্নবা শেম শারিবা অসি য়েংশিন্নবা রাজ্যশিং/য়ু.তি.শিংগী হকশেল মন্ত্রীশিং অমসুং প্রিন্সিপল সেক্রেতরীশিং/এদিস্নেল চীফ সেক্রেতরীশিংগা লোইননা ৱারী শাখ্রে। মহাক্না মখোয়না কুপ্না য়েংশিন্নবা অমদি এক্সর্সাইস অসি মখোয় য়াওশিনদুনা লমজিংনবসু খঙহনখ্রে। অনিশুবা ওইনা লৈবাক শিনবা থুংনা পাঙথোক্কদবা মোক দ্রিল অসি রাজ্য/য়ু.তি. ৩৩গী জিলা ৭৩৬দা সেসন সাইৎ অহুমদা পাঙথোক্কনি।

কোবিদ১৯ বেক্সিনেসনগী মোক দ্রিলগী পন্দম অসি তশেংবা বেক্সিন এদমিনিস্ত্রেসনগী থৌরম অদুগা চপ মান্ননা পাঙথোকপনি। দিস্ত্রিক্ত কল্লেক্তর/দিস্ত্রিক মেজিসত্রেদকী লুদিং মখাদা বেনিফিসরী রেজিস্ত্রেসন, মাইক্রো প্লানিং অমসুং থৌরাং তৌবা সেসন সাইৎতা বেক্সিনেসন তৌবা য়াওনা বেক্সিনেসন দ্রাইবকী থৌরাং পুম্নমক চায়েং তৌগনি। দ্রাই রন অসিনা কোবিদ-১৯ রোল আউৎকী হিরম পুম্নমক্কী মতাংদা রাজ্য, জিলা, ব্লোক অমসুং হোস্পিতালগী থাক্তা লৈরিবা ওফিসরশিংদা হেন্না খঙহনগনি। থবক-থৌরমশিং অসিনা এদমিনিস্ত্রেতরশিংনা প্লানিং, ইমপ্লিমেন্তেসন অমসুং মেকানিজমশিং রিপোর্ত তৌবা অসিগী মরক্তা লৈরিবা মরীশিং মপাঙ্গল কনখৎহনবদা, তশেংনা ইমপ্লিমেন্ত তৌদ্রিঙৈ মাংঙোইননা লৈরিবা শিংনবশিং খঙদোকপদা অমসুং বেক্সিনেসন দ্রাইব মপুং ফানা ইমপ্লিমেন্ত তৌনবা থাক পুম্নমক্তা প্রোগ্রাম মেনেজরশিংগী থৌনা হাপ্পদা মতেং ওইগনি।

ত্রিপুরাগী মুখ্য মন্ত্রী (হেল্থ পোর্তফোলিয়োসু পাইরিবা) শ্রী বিপলব কুমার দেব, অন্ধ্র প্রদেশকী উপ মুখ্য মন্ত্রী অমসুং হকশেল মন্ত্রী শ্রী অলা কালি কৃষ্ণ স্রিনিবাস, গুজরাতকী প্রদেশকী উপ মুখ্য মন্ত্রী অমসুং হকশেল মন্ত্রী শ্রী নিতিন ভাই পতেল, বিহারগী হকশেল মন্ত্রী শ্রী মঙ্গল পান্দে, সিক্কিমগী হকশেল মন্ত্রী দা. এম.কে. শর্মা, তামিল নাদুগী হকশেল মন্ত্রী দা. সি. বিজেবাস্কর, তেলঙ্গনাগী হকশেল মন্ত্রী শ্রী ইতেলা রজেন্দ্রা, মহারাস্ত্রগী হকশেল মন্ত্রী শ্রী রাজেশ তোপে, মনিপুরগী হকশেল মন্ত্রী শ্রী লাংপোকলাকপম জয়েন্তাকুমার সিংহ, কেরেলাগী হকশেল মন্ত্রী শ্রীমতি কে.কে. শাইলেজা তীচর, গোৱারগী হকশেল মন্ত্রী শ্রী ভিশ্বাজিৎ রানে, কর্নাতকাগী হকশেল মন্ত্রী দা. কেশবা রেদী সুধাকর, ছত্তিসগরগী হকশেল মন্ত্রী শ্রী তি.এস. সিংহ দিও, দিল্লীগী হকশেল মন্ত্রী শ্রী সত্যন্দ্রা কুমার জেন, মধ্য প্রদেশকী পব্লিক হেল্থ অমসুং য়াইফ-য়ুম্বাল মন্ত্রী দা. প্রভুরাম চৌধরী, রাজস্থানগী মেদিকেল অমসুং হকশেল মন্ত্রী দা. রঘু শর্মা, ওরিশাগী পঞ্চায়তি রাজ অমসধং দ্রিঙ্কিং ৱাতর, লো, হাউসিং এন্দ অর্বান দেবেলপমেন্ত মন্ত্রী শ্রী প্রতাপ জেনা, পঞ্জাবকী হকশেল মন্ত্রী শ্রী বালবির সিংহ সিধু অমসুং অসামগী রাজ্যগী মন্ত্রী (হকশেল) শ্রী পিয়ুশ হজারিকানা মীফম অসিদা য়াওখি।

 

https://static.pib.gov.in/WriteReadData/userfiles/image/image001L7T9.jpg https://static.pib.gov.in/WriteReadData/userfiles/image/image002V8EH.jpg

 

দা. হর্শ বর্ধন্না মীপুম খুদিংমক্তা লৈবাক অসিনা লাইচৎ অসি মাই পাক্না লান্থেংনখিবা চহি অমা মপুং ফাখ্রে লোইননা কোবিদকী মতাংদা এম.ও.ঐচ.এফ.দবল্যুগী জোইন্ত মোনিতরিং গ্রুপ (জে.এম.জি.)গী অহানবা মীফম জনুৱারী ৮, ২০২০দা পাঙথোকখি হায়না নীংশিংদুনা ৱা ঙাংবা হৌখি। গ্রাউন্দদা চোকথবা লৈতনা থবক তৌরিবা ফ্রন্তলাইন ৱার্করশিংবু মহাক্না থাগৎপা ফোঙদোক্লদুনা অমসুং হনবা লৈতনা তেংবাং পীখি হায়না ফোঙদোক্তুনা মহাক্না প্রধান মন্ত্রী শ্রী নরেন্দ্র মোদীগী থৱায় য়াওবা অমদি হনবা লৈতবা লুংচিং মখাদা করম্না ভারতনা মালেমগী ওইনা নাবা ফগৎলকপগী চাং খ্বাইদগী ৱাংবা ওইখিবা খক্তা নত্তনা অতোপ্পা লৈবাকশিংনা মখোয় মশাগী কন্তেনমেন্তগী হোৎনরিবশিং অসিদা ভারত্তগী এন৯৫ মাস্কশিং, পি.পি.ই. কিৎশিং এক্সপোর্ত তৌরিবা অসিদা মীপাল তাংখিবা লৈবাকশিংগী আশাগী মঙালসু ওইখি হায়না মহাক্না ফোঙদোকখি। ভারতকী ত্রেজেক্তরীদা হোংলক্লিবা অসি ইকাই খুম্নরবা প্রধান মন্ত্রীনা লুচিংবা আত্মানির্ভর য়োজনাদা মনা পীখি।

হৌখিবা থা খরা অসিদা তৌগদবা বেক্সিনেসন দ্রাইব, বেক্সিন এদমিনিস্ত্রেতরশিং ত্রেন তৌবা অসিগী গাইদলাইনশিং শেম্বা অমদি ই-পাউ পীথোক পীশিন তৌবদা থৱায় য়াওনা হোৎনখিবা কেন্দ্র অমসুং রাজ্য সরকারশিংগী ওফিসিএলশিং অমসুং মেদিকেল কম্মুনিতী য়াওনা মখল কয়াগী স্তেকহোল্দরশিংনা চোকথবা লৈতনা হোৎনখিবশিং অসিবু দা. হর্শ বর্ধন্না থাগৎখি। নুমিৎ খরনিগী মমাংদা ইমর্জেন্সীগী শীজিন্ননবা ওথোরাইজেসন হন্দক্তা ফংখিবা লৈবাক অসিগী বেক্সিন অনি অসি পুথোক্নবা চোকথবা লৈতনা হোৎনখিবা সাইন্তিফিক কম্ম্যুনিতীদা মহাক্না তৌবিবল খঙবা উৎখি।

হকশেল মন্ত্রীনা ই-বিন প্লেৎফোর্মদগী রিপর্পজ তৌখিবা তোপ-তোপ্পা দিজিতেল প্লেৎফোর্ম অমা ওইরিবা কো-ৱিন অসিনা বেক্সিনগী স্তোকশিংগী, মখোয়গী থম্বগী তেম্পরেচর অমসুং কোবিদ-১৯ বেক্সিনগী বেনিফিসরীশিং অমমমতগী ওইনা ত্রেক তৌবগী রিএল-তাইম ইনফোর্মেসন পীগনি। প্রি-রেজিস্তর বেনিফিসরীশিংগী ওতোমেতেদ সেসন এল্লোকেসন তৌবগী খুত্থাংদা থাক পুম্নমক্তা প্রোগ্রাম মেনেজরশিংদা প্লেৎফোর্ম অসিনা মতেং পাংগনি, মখোয়গী বেরিফিকেসন অমসুং দিজিতেল সর্তিফিকেৎ অমা বেক্সিন সেদ্যুল মাই পাক্না তৌরবা মতুংদা জেনরেৎ তৌগনি। মহাক্না হায় প্লেৎফোর্ম অসিদা বেনিফিসরী লাখ ৭৮কী মথক্না হৌজিক ফাওবদা রেজিস্তরতৌখ্রে।

মন্ত্রী মহাক্কা থবক পুমিন্নরিবা রাজ্যশিংগী ফম পাইরিবশিংদা লৈবাক অসিগী কোবিদ-১৯ বেক্সিন মীপুম খুদিংমক য়ৌহন্নবা কোল্দ চেন ইনফ্রাস্ত্রকচর অসি মতিক চানা অপগ্রেদ তৌখ্রে অমসুং সীরিঞ্জশিং অমসুং অতোপ্পা লোজিস্তিক্সশিংগী সপ্লাইশিং মরাং কাইনা পীখ্রে হায়না অমুক হন্না থাজবা পীখ্রে মরমদি “ভারতনা ইম্ম্যুনাইজেসন থেংনরকপগী চহি কয়াগী এক্সপিরিয়েন্স লৈরে অমসুং মালেমগী ওইনা খ্বাইদগী চাউবা য়ুনিভর্সেল ইম্ম্যুনাইজেসন প্রোগ্রামশিং পাঙথোক্লি অমদি অসুম্নবা চাউনা পাঙথোকপা অসিগীদমক্তা লৈবাক পুম্বনা থাগৎনখি”। মহাক্না পোলিয়ো, রুবেল্লা অমসুং মীজলশিংগী ওইবা ভারতকী তোঙান তোঙানবা মাই পাকখিবা ইম্ম্যুনাইজেসন দ্রাইবশিং অদু থমখি অমদি মহাক মশানা হকথেংননা নাইন্তীসকী ঙল্লিঙৈগী মতমদা লৈবাক অসিদগী পোলিয়ো মুত্থৎনবা ভারত মচা মিলিয়ন কয়ানা পুন্না হোৎনদুনা ঙমখিবা অসু পাউদমখি। “লৈবাক আসিগী য়ু.আই.পি. অমসুং এন্তি-পোলিয়ো কেম্পেনগী মমল য়াম্লবা এক্সিপিরিয়েন্স অদুনা কোবি-১৯গী বেক্সিনেসনগী থবক-থৌরমশিংগী মপাঙ্গল কনখৎহনবদা শীজিন্নরি”, হায়না মহাক্না ফোঙদোকখি।

মসিগী ইরোইননা মহাক্না মহাক্কা থবক পুমিন্নরিবা রাজ্যগী ওইনা থৌ পুরিবশিংদা জনুৱারী ১৭, ২০২১দা পাঙথোক্কদবা নেস্নেল ইম্ম্যুনাইজেসন দে (এন.আই.দি.) অসিসু মরু ওইনা লৌনবা নীংশিংখি। মহাক্না রাজ্য/য়ু.তি.গী হলশেল মন্ত্রীশিংদা নন-কোবিদ ইসেন্সিএল সর্ভিসেসতা অকাইবা পীদনবা খঙহনখি। রাজ্যশিং/য়ু.তি.শিং অমসুং তোঙান তোঙানবা পার্তনরশিংনা পুন্না হোৎনখিবশিংগা লোইননা ভারত অমসুং খা নোংপোক এসিয়াগী লমদমগী অতোপ্পা লৈবাক ১১ অসি পোলিয়ো মুত্থৎলে হায়না দবল্যু.ঐচ.ও.না লাউথোকপা ঙমখিবনি। মরম অসিনা ঐখোয়না ভারতপু পোলিয়ো-ফ্রী স্তেসন অসি অদুমক থম্বা ঙম্নবা হোৎনবা তাই”, হায়না মহাক্না ফোঙদোকখি। য়ুমলোন্নবা খরনা হৌজিক গাওবা পোলিয়ো লাকশিনবা ঙমদ্রিবা অসিদা এন.আই.দি.শিং মপুং ফানা রোল আউৎ তৌবা মরু ওই হায়না মহাক্না ফোঙদোকখি।

দা. হর্শ বর্ধন্না কোবিদ-১৯ বেক্সিন পুথোরক্নবা  অমসুং রোল আউৎকীদমক্তা ঐখোয়গী হ্যুমেন রিসোর্সকী কেপাসিতী মপাঙ্গল কনখৎহন্নবা মেদিকেল ওফিসরশিং, বেক্সিনেতরশিং, মহুৎ শিন্নবা লৈরিবা বেক্সিনেতরশিং, কোল্দ চেন হেন্দলরশিং, সুপরভাইজরশিং, দেতা মেনেজরশিং, আশা কোওর্দিনেতরশিং অমসুং ইমপ্লিমেন্তেসন প্রোসেসতা য়াওগদবা অতোপ্পা পুম্নমক য়াওনা তোঙান তোঙানবা থাকশিংদা বেক্সিন হেন্দলরশিং অমসুং এদমিনিস্ত্রেতরশিংগী ওইনা তোঙান তোঙানবা কাংলুপশিংগী অকুপ্পা মরোল য়াওবা ত্রেনিং মোদ্যুলশিং দিবেলপ তৌখ্রে। মহাক্না হয়েং পাঙথোক্কদবা লৈবাক অসিগী অনিশুবা দ্রাই রনগী মাঙোইননা তোঙান তোঙানবা থৌদোকশিংদা ওপরেস্নেল প্লানিং অমসুং আই.তি. প্লেৎফোর্ম অসি ফিল্দদা তেস্ত তৌখ্রে হায়না ফোঙদোকখি। মমাংদা জনুৱারী ২, ২০২১দা পাঙথোকখিবা লৈবাক অসিগী মোক দ্রিলনা অরোইবা ওইবা পাঙথোকপদা মখল অমতগী অপনবা পীদনবা অমসুং ওপরেস্নেল প্রোসিজরদা মখা তানা শেমদোকপদা মতেং পাংখি। রাজ্য/য়ু.তি. অয়াম্বদগী লাকখিবা ফীদবেক অসি দ্রাই রন মাই পাক্না পাঙথোকখিবগী অয়াম্বা ওইখি।

হয়েং লৈবাক অসিদা পাঙধোক্কদবা দ্রাই রন অসিদা মখোয়না হকথেংননা য়াওদুনা, লুচিংদুনা অমদি চেকশিন্না য়েংশিন্নবা অপাম্বা ফোঙদোক্লদুনা দা. হর্শ বর্ধন্না হকশেল মন্ত্রালয়শিংদা কোবিদ১৯ বেক্সিনগী সেফতী অমসুং ইফিকেসীগী মতাংদা তোকঙাশিং অমসুং অরানবা ইপাউ শন্দোকপা কেম্পেনশিং য়েংশিন্নবা খঙহনখি। মহাক্না সোসিএল মীদিয়াশিংদা বেক্সিন অসিগী সাইদ-ইফেক্তশিংগী মতাংদা মীয়ামগী ৱাখলদা চিংনবা পোকহল্লিবা তোকঙা শন্দোক্লিবা অসি য়ুম্ফম য়াপদবনি হায়না ফোঙদোক্লদুনা মহাক্না হায়খি, “অরানবা শন্দোক্লিবশিং অসিনা হোৎনরিবা পুম্নমক মাংহনদুনা, চহি অমা মনিং হলহনগদৌরি”। মহাক্না রাজ্যগী হেল্থ ওথোরিতীশিংনা তোঙান তোঙানবা স্তেকহোল্দরশিং অমসুং নহাশিংগা লোইননা থবক তৌমিন্নুনা কোবিদ১৯গী মরমদা অচুম্বা ই-পাউ ফংহনদুনা মসিগী মরমদা তোকঙা অমসুং লান্না থাজরিবা অসি কোহন্নবা হোৎন্ননবা অপাম্বা ফোঙদোকখি।

রাজ্য/য়ু.তি,গী মন্ত্রীনা তৌখিবা দ্রাই রনগী মতাংদা মখোয়গী ফীদবেক অমসুং এক্সপিরিয়েন্স অমদি হয়েংগী এক্সরসাইসকী শেম-শারিবা অসি থমখি। মখোয়না বেক্সিনেতরশিংগী ত্রেনিং সেসন পাঙথোকপা, বেনিফিসরীশিংগী দেতাবেজ অপদেৎ তৌবা, কোল্দ চেন মেনেজমেন্ত, সেসন এল্লোকেসন, এদভর্স ইভেন্ত ফোলোৱিং ইম্ম্যুনাইজেসন (এ.ই.এফ.আই.) অসিনচিংবগী অসিগী মরমদা পাউদমখি। কেন্দ্রগী মন্ত্রীদা রাজ্য, জিলা অমসুং ব্লোক্কী ধাক্তা চাং নাইনা মীফম পাঙথোক্লি হায়না খঙহনখি।রাজ্যশিংদা বেক্সিনশিং অসিগী মতাংদা অচুম্বা ই-পাউ ফংহন্নবা মপুং ফাবা কম্ম্যুনিকেসন পাইখৎলি।

https://static.pib.gov.in/WriteReadData/userfiles/image/image0033ROC.jpg

কেন্দ্রগী এল্থ সেক্রেতরী শ্রী রাজেশ ভুশন, এ.এস এন্দ এ,দি, (এন.ঐচ.এম.) মিস বন্দনা গুর্নানি, এদিস্নেল সেক্রেতরী (হেল্থ) শ্রী মনোহর অগনানি, জোইন্ত সেক্রেতরী (হকশেল) শ্রী লব অগর্ৱাল অমসুং মন্ত্রালয় অসিগী অতোপ্পা মকোক থোংবা ওফিসিএলশিংনা মীফম অসিদা শরুক য়াখি।

****

 



(Release ID: 1687073) Visitor Counter : 234